Unicode
အမလွမ်.....ဟွမ့်ကို ညီမငယ် လို့ခေါ်ရင် သဘောကျတယ် ။
မောင် လို့ခေါ်မယ်ဆိုရင်တော့
သဘောအကျဆုံးပေါ့ ။
မောင် ကလည်း အမလွမ်ကို စုလွမ် ဆိုပြီးပြန်ခေါ်မယ်ဆိုရင် စိတ်ဆိုးမလား ...
အရင်တည်းက စုလွမ်နဲ့ပြောရင် ကိုယ့်ကိုကိုယ် မောင်..ဆိုပြီး နာမ်စားသုံးတာကို စုလွမ် ရိပ်မိပါ့မလား...
ပါးစပ်ကရုတ်တရက် ထွက်သွားမိတိုင်း စုလွမ်ရဲ့ မျက်နှာရိပ်ကို
အကဲခတ်ရတာလည်း အမော...
စုလွမ်ဆိုတဲ့အခေါ်အဝေါ်လေးကို
သက်ဆိုင်သူရှေ့မှာ မောင်... ထင်ထင်ပေါ်ပေါ်ခေါ်ချင်ပါပြီကွယ်...
________________________
ရွာကားစီးစဉ်ကနေ ရွာရောက်တဲ့အထိ ဟွမ်က အမရဲ့လက်ကို မလွှတ်ပါ ။
ဘေးနားက လူတွေကတောင် တွဲလက်မဖြုတ်တော့ဘူးလားဟု
မေးလာသည်အထိ ။
ထိုအခါ အမက နူးနူးညံ့ညံ့လေးပြုံးပြီး ရှက်၍ ခေါင်းငုံ့နေတော့တာပါပဲ ။
အမက ဟွမ်ရှိရာ ရန်ကုန်သို့ လိုက်လာမလို့တဲ့လေ။
ဟွမ့်မှာ ရင်ခုန်လွန်း၍ အချိန်တစ်ခုအထိ စကားမပြောနိုင်ပဲ အမကိုသာ ငေးကြည့်နေမိသည် ။
အမက အဲ့လောက်မကြည့်နဲ့လေ ပြောမှ သတိပြန်ဝင်ရတာ အမော...
“ အမ ဖြေးဖြေးဆင်း ”
ကားပေါ်ကနေ ဆင်းလာတဲ့ အမကို လက်ကမ်းပေးမိ၏ ။
ထဘီလေးကို မ,ပြီးဖြေးဖြေးချင်း ဆင်းလာ၏ ။
အမဟာ မည်သည့်အချိန်ပဲကြည့်ကြည့် ငြင်သာပြီး၊ နူးညံ့သည် ၊ ပြီးတော့ အိန္ဒြေလည်း သိပ်ရှိသည် ။
ခြေဆင်းလာရာ အမရဲ့
ခြေကျင်းဝတ်ဖြူဖြူလေးမှာ
ဒဏ်ရာတစ်ခု ။
မြေပြင်ပေါ်ရောက်ပြီး ကားထွက်သွားတော့
ဒူးထောက်ပြီး အမရဲ့ ခြေကျင်းဝတ်ဖြူဖြူလေးကို သေချာကြည့်မိတော့ ခြစ်ထားသလိုဖြစ်တဲ့ဒဏ်ရာဟာ
ထင်းခနဲ ။
အမလွမ် ထိခိုက်မှာကို ဟွမ်အစိုးရိမ်ဆုံးပဲ ။
“စုလွမ် ၊ ဒါဘာဖြစ်တာလဲ ၊ ဘယ်တုန်းကဖြစ်တာလဲ အရင်က မောင် ဒီဒဏ်ရာကို မမြင်မိပါဘူး”
ထိုသို့ဆက်တိုက်ပြောရင်း အမကို
မော့ကြည့်မိတော့ တစ်ဆက်တည်း အမကပါ
ပြန်ငုံ့ကြည့်နေသည်လေ ။
KAMU SEDANG MEMBACA
ချစ်သော နန်း နှင့် ဟွမ် ( Completed )
RomansaBoth Zawgyi & Unicode ရှမ်းပြည်ကြီးမှာ စတင်ဆုံတွေ့ခဲ့ကြ တို့နှစ်ယောက်၏ ချစ်ခြင်းအစ နန်းလွမ်ရင် 🌻 ဟွမ်ပန်းခမ် * ဤfictionရှိအကြောင်းအရာများသည် စာရေးသူ၏ စိတ်ကူးယဉ်ဖန်တီးမှု သက်သက်သာဖြစ်ပါကြောင်း... တစ်နေရာရာတိုက်ဆိုင်မှုရှိခြင်း ရှိပါက စာရေးသူ၏ညံ့ဖ...
