انتقام بطريقة القدر
بقلم هبة الملا✍
.............
مشكلتي اني لا أتجزأ هكذا
احضر بآندفاعٍ كبير
اهبُّ مشاعري دفعة واحدة
اعطي الاشياء احجاماً تفوقها
وحين اسقط
لا اسقط متفرقٌا
بل اسقط بثقلي كلَُه!!
................
بغداد ، العامرية سنة ٢٠٠٥
اليوم مو مثل كل ابدددد
اليوم اخواني احمد ومصطفى دنودعهم ومامة اتكب دولكة المي وراهم وفارقتهم بدموعهة ودعائهة الهم
هبة : كافي يا امي لعد ليش قبلتي يطلعون للاردن وهسة انتي دتبجين عليهم
الام منى : هو اني لو ابوج الكال مووزين الوضع والاميركان يعتقلون بلشباب وسفرهم وقدملهم على الدراسة برة
هبة : الله يسرلهم مناوي لتبقين اتنوحين وكالبتهة مناحة شووو دكومي خلي انروح نتمشة لبيت عمي
الام منى : مو كئنو اللسانج طولان دادة
هبة : لا يدادة مطولان هاج شوفي
الام منى : هههههه اوف منج ام اللسان دكومي بدلي دنروح لبيت عمج
اني هبة مواليد ١٩٩١
البنت الوحيدة لخوان اثنين احمد اكبر مني بأربع سنوات ومصطفى اكبر مني بسنتين
اليوم بابة سفرهم للاردن بسبب وضع الاحتلال اليمر بي العراق وخاصة بغداد والاعتقالات
احمد طالب طب اسنان مرحة اولى
ومصطفى خامس اعدادي
واني طالبة ثالث متوسط
بابة ماعندة اخوات بس اخو واحد وساكن هوة وعائلتة بنفس فرعنة وعدهم ثلاث بنات الجبيرة سارة بعمري وصديقة الطفولة واكثر وقتنة نكضي سوة وعدهة خوات توم اصغر منهة بثلاث سنوات ضحى وشمس
تقريبا يومي اكضي وياهم لو اروحلهم لو يجونة
ويومية بلليل بابة وعمي واخواني جانو يلعبون دومنة وصوت اصياحهم يجيب التايه
من يوم السافرو اخواني ضل مكانهم بلبيت خالي وبس اني وامي وابوية بلبيت
بابة استاذ ميكانيك بلصناعة بس متقاعد
ومامة ربت بيت
وتاقلمنة على حياتنة ابعد اخواني مجبورين ابسبب الوضع اصلا نص المنطقة والجيران بدو يطلعون
على طول جنت اشوف بابة وعمي دوم قلقين واسمع بابة ايكول لامي شايل هم على اخو وزوجتة لان كلمن من طائفة وهمة مدرسين ويداومون خارج العامرية
احنة هسة دخلنة ب٢٠٠٦ بلشتة والدنية ثلج
طلعت الصبح مثل كل يوم امر على سارة وضحى وشمس
سارة : صباح الخير هبوش
هبة : صباح النور اليوم الجو ثلج من البرد نسيت معلوماتي
ضحى وشمس : هههههه عقلج جمد
سارة :انجبو وامشو كدامنة
شمس: ليش عود لان انتو اكبار وعدكم اسرار
هبة :من اتصيرون بلمتوسطة عود تعالو امشو ويانة بعدكم ابتدائية
ضحى : بس بسيطة ست هبة لعد منو يجي يتوسل حتة تتفرج اسبيستون ويانة
سارة : انجبو احنة ابعمركم وين شفنة الستلايت
أنت تقرأ
انتقام بطريقة القدر
Romansaيُوجعني الآبتعاد عَنك ولا استطيع الاقتراب منك .. فقُل لي ، أيُّ الوجعين أخفّ ؟ قصة حقيقية تدور احداثها لشاب يود الانتقام لاهله في لبس قناع الحب لتكون الضحية فتاة لا ذنب لهى 💔 انتقام بطريقة القدر بقلم هبة الملا
