عشقي٢ ( MY LOVE 2)

الحلقة مائة واربع وعشرون

صباح اليوم التالي

منزل اومكارا

كان يجلس وكعادته منذ شهرين ، منذ ان قرر تركها حتي تعيش حياتها مع زوجها واولادها ، يطالع صورتها ، لتدمع عيناه وهو يتذكر ضحكاتها وكلماتها واوقاتها معه ...

اوم : وحشتيني اوي يا حبيبة ابوكي ، كنت فاكر الموضوع سهل ، بس للاسف يا ميشو ، طلع صعب اوي وانا تعبت ، بجد تعبت ونفسي اشوفك واخدك في حضني ، صح انا متماسك قدام الكل وعامل جامد لكن في الحقيقة انا بنهار ، انا بموت وانتي بعيدة عني يا بنتي ، يا ريتني ما قربت ، يا ريتني فضلت بعيد عنك حتي لو كرهتيني بدل اللي انا حاسس بيه دلوقتي في بعدك عني ، بس اعمل ايه ، لاول مرة احس بالعجز ، شيفاي اخويا وصاحب عمري وعارفه وحافظه ، مادام اصدر الفرمان لا يمكن يرجع فيه ، بس انا اب برضو والمفروض يفهم ويحس بيا شوية ...

ليتذكر احدي المواقف بينه وبين ابنته ...

فلاش باك

كانت تجلس علي الارجوحة الموجودة في التراس شاردتا مع افكارها عندما وجدت ايدي تغمض لها عيناها ...

اوم "مغيرا صوته" : انا مين ...

ميشتي : هتكون مين يعني ، اكيد روهان ...

ليبعد يده عنها ويلتفت اليها ...

اوم : مفيش في مخك غير روهان وبس ...

ميشتي "ضاحكتا" : دخلت عليك ...

اوم "مستغربا" : يعني كنتي عارفة انه انا ...

ميشتي : طبعا يا بابي ، انت من اول ما حطيت ايدك علي عينيا وانا عرفت ان حضرتك اللي واقف ورايا ...

اوم : ومادام كنتي عارفة ان انا اللي وراكي ، ليه قولتي اسم المزغود جوزك ...

ميشتي "عابستا" : بابي لو سمحت بلاش تقول عليه كدا ، انا كدا هزعل ...

اوم : طب خلاص ما تزعليش ، المهم سيبك منه وتعالي اقولك حاجة مهمة اوي ...

ميشتي : ايه ...

اوم : انتي وحشتيني اوي ...

ميشتي "ضاحكتا" : وانت كمان وحشتني اوي ...

اوم : طب ليه ما اتخضتيش ...

ميشتي : عشان كنت عارفة انك وصلت من قبل ما تغمض عيوني ...

اوم "مستغربا" : ازاي بقي ، بنت يا ميشو ، انتي بقيتي عرافة وانا ما اعرفش ...

ميشتي : لا ، بس ريحة برفانك مميزة ، واول ما شمتها عرفت انك واقف ورايا ...

اوم : ااااه منك انتي ، دي امك مش عارفة ريحة برفاني لحد دلوقت ، كل مرة تقولي انت غيرت البرفان والا ايه ...

ميشتي "ضاحكتا" : معلش ، اصل مامي من كتر الروائح اللي كانت بتشمها ، مناخيرها باظت ، بس بجد يا بابي البرفان بتاعك دا دورت عليه كتير ومالقتهوش ، انت بتجيبه منين ...