نرجس/رحت اركض لغرفتي وابجي...
كلش مختنكه ملكيت غير اخذت التلفون وصعدت فوك بالسطح.....
اخابر حمزة اشكيله.... وهو حسيته يتنفس سريع
من كد الأعصاب...
ضليت ابجي واحجي وياه ساعتين....
ونزلت بديت احظر للأمتحان واليل كله ادرس لحد
٦ الصبح كملت وحظرت ملابسي ورحت للمدرسه
ريوك امتحنت... مو كلش جاوبت يعني..
ع كد النجاح... دوامنه كان ل١ الظهر.. وكلشي
ما اكلت ما اشتهي شيئ رجعت للبيت حيل تعبانه ووجهي احمر من الشمس.. بالممر مال البيت طلع منتظر من باب الاستقبال ردت ادخل من باب المطبخ لزمني من ايدي حيل...
منتظر /شنو هذا وجهج حاطه مكياج 🙄...
نرجس /وخر عني خلي المكياج للزرك اني معايزه😌..
جان يلوي ايدي حيل ويكلي احجي عدل وعيونج لا تكلبيها 😤لا اعرف اتصرف وياج...
ضليت اتجادل وياه حسيت بدوخه قويه وشمس
سطرتني لزمت ايده وكعدت بالكاع... فجأة الدنيا بدت تغوش عليه واسمع صوت بعيد من منتظر نرجس شبيج...
منتظر /ما اعرف شصارلها وجها شاحب وبدت تفقد متسمعني جان شلتها ودخلت جوه امها لطمت..
ام نرجس /شبيها بنتي شصار احجيييي.....
منتظر/خاله داخت وفقدت الوعي ما ادري شبيها..
شويه شويه حطينالها عطر وغسلنه وجهه فتحت
عيونها بس شنو كلش تعبانه كالت اريد انام... كتلها
اكلي شويه ونامي... مقبلت ضلت ع التخم وغفت
جنها ملاك بريئ... 💚....
______________(حمزة) ____________
بعد اتصال نرجس وسولفت ع ابن عمها زادت
اعصابي ناررر.🔥...
كوه عفتها شويه تهدأ وكالت عدها امتحان تقرأ...
ضليت الليل كله سهران....
رجعت بذاكرتي لسنين الطفوله وقت جانت بنت
خالتي.. (زهره)
...
جان عمرنه ٩ سنوات بوقتها احنه نفس العمر...
ما جنه نحس بالطفوله نحس احنه كبارر والعشق يوم عن يوم يتحول لهيام كل هذا بالطفوله...
جنه دوم نجتمع ببيت جدي ابو امي... ونضل نلعب...
ياخذنه الوقت ونلعب ودوم ادافعلها...
بحيث مره ابن خالي راد يدفعها توكع بالحفره لزمتها
وشبكتها ع الرغم هنا عمرنه كان ٩ سنين...
بدت النظرات تزيد وتزيد ويوم عن يوم يكبر الحب..
إلى اني مرن ٤سنوات وصار عمرنه ١٣ سنه... هيه
بدت تكبر وتبرز ملامحها يعني ما تحسها طفله
احس عمرها ب١٦ سنه.. معانيها الانوثه كلها كامله عدها....
اني كنت مبين ابن ١٧سنه طويل وضخم ولا كانه عمري ١٣...
كان اغلب اوقاتنه بالحديقة..
مرات بالخلفي مال البيت جان جبير هم... او السطح لان بعد كبرت ما تطلع للشارع مثل قبل...
بعد ما تحملت تبعد عني. اعترفتلها بحبي وكتلها....
_زهرتي احبج...
صفنت وخجلت وصارت حمره كالت
_اني هم
..
_ما جان اكو احد جريتها وحضنتها حيل هيه انعم مني.. بوستها بخدودها وانطيتها رقمي واخذت رقمها.....
لان ماكو جيل ما عنده موبايل... ضلينه نتخابر اغلب وقتنه..
جانت فترة عطله... اغلب وقتنه لو مراسله لو مخابره...
بس كنا زغار يعني مواضيع عاديه نحجي... ما نعرف بالزواج ولا شنو هوه...
مرت ٣ سنين ع علاقتنه صار عمرنه ١٦ سنه...
تعرفت ع أصدقاء وياي جانو عدهم حبيبات فجانو
كدامي كل واحد يحجي شلون كلامه ويه حبيبته
غزل وكذا...
فديت ابحث دوم عن اشعار وادزلها وهيه هم تدزلي
حسيت شيئ تطور بعلاقتنه صارت هيه النفس
اليصعد وينزل....وضلينه نلتقي اغلب وقتنه ببيت جدو....
ونكعد بالمرجوحه ونتهامس بالغزل....
ضلينه هيج لمده سنه... صرنه ب١٧ سنه يعني صار
احبها من ٨ سنين وعلاقتنه بدت من ٥ سنين....
كمت اعرف من اصدقائي أشياء هواي الحبيب
يجربها ويه حبيبته.... ضليت ابحث ع النت
واستكشف عن حياة المخطوبين وكذا...
لان كل خططنه نكمل ال١٨ ونتزوج يعني مابقه غير سنتين....
فضلينه نسولف بالمراسلات...
مرات تدزلي صور كمت اركز ع امكان هواي حلوه بيها
... شامتها تحت الشفه
.. ركبتها اللي جنها مرمر من البياض والنقاء...
فرحت لبيت جدي وهيه هم اجت علمود تساعد بيبيتي مريضه وجانت عطله نصف السنه...
فجان اكو مخزن وره جوه المطبخ..
باليل تفقت وياها تنزل كتلها مشتاقتلج...
نامو الكل....
)
نزلت هيه واني جريتها للمخزن َ حضنتها...
دفنت راسي بين شعرها اشم بي...
وجان اسمع صوت ع الدرج... بسرعه كمنه ختلنه وبعدين من راحو كلمن راح لمكانه خاف احد يحس...
... ثاني يوم كتلها خوما ضجتي كالت لا بالعكس انته حبيبي واني روحي كلها الك... كتلها اصلا بس نخلص السادس نتزوج...
صارت حياتنه وكلامنه كله حب ورومانسيات واخر اليل كلمن يحن للثاني يعني تمنيت بس نكمل ونتزوج.. لان هيه روحي حب طفولتي....
_اووووف صدك غدرتني شكد جانت ايام حلوه ياريتها ما سوت بيه هذا كله😔......
يتبع#للكاتبه#نسيم_نسيم.....
Almahdwya_74
_______حبايبي حيكون اكو بارت مفاجئه باجر او بعدها انتظرو🥰ولا تنسون التصويت وهم متابعه حسابي🌹
أنت تقرأ
ضابط عشق الترفه (مكتملة)
Roman d'amourتتحدث القصه حول فتاه تتعرض للخيانه في الماضي تلتقي بشاب يتعرض لنفس ما تعرضت له وكأنه شاء القدر أن يلتقي كل منهما وبدأ كل شيء من خلال منشور انستكرام... الأحداث من عام 2017
