خلف أسوار القدر.

البارت السابع

أنه ذاك الماغفه ولانام ليله
أنه ذاك المنتظر منكم رساله تردله حيله

عصرتني عصرت موت ساعات الفراك
شوك الورد للماي هيجي الكم أشتاك

/////////////
فردوس: أيدي ترجف ودموعي تنزل دكيت على صهيب وبكل رنه أحس يأخذ من عمري الو الو

صهيب:  الو فردوس

فردوس :صهيب فدوة اشلونه راح اموت والنبي

صهيب:الحمد لله بس ادعيله بالطريق صاير هجوم هسه بالعمليات 

فردوس :يالله بيه ولا بيه عفيه صهيب بس يطلع اروحلك فدوة خابرني

صهيب: صار  هسه مع السلامه
(صهيب وعمر مو بس أخوه أصدقاء وكل واحد كاتم أسرار لأخوه وهو يدري بعلاقته بفردوس ودوم يمدحها)

نهله :ياستار أشبيج دوسه ليش تبجين

فردوس :
ولج نهله متصوب وهسه هو بالعمليات صهيب يكول ادعيله راح اتخبل والله
نهلة:الله كريم حبيبتي لاتسوين هيج بحالج شوفي شكلج هسه يحسون بيج لاتشوفج لارا ام الجفصات انتي ادعيله

فردس: رحت صليت يارب شافي يارب

حتى منزلت للغدا حبيبتي نهله كالت عدها صداع  بعد ساعه خابرني صهيب

وكال طلع من العمليه هسه هو بالعناية المركزه الف الحمدلله يارب نذرت بس يطلع أزور الكاظم( ع)

ثاني كلت لأمي أريد أزور طلعنا من البيت ونهله ولارا ويانا دخلت للإمام
بجيت وأني ادعيله حسيت براحه وصلينا ورجعنا طمني صهيب كال حالته مستقره هسه

----------
نهله : اليوم نتحظر نروح خطوبه أنس بعد مرفضته فردوس خطب بنت خالته
أني علاقتي ببيت عمي كلش رسمي لأن حتى مرات من أمي وأبويا يرحون بيتهم أني أبقى بالبيت اقرأ قرايتي 

مرات اشوف ابن عمي حسين عينه عليه من يجونا بس أني ماأريد اي شي يبعدني عن طموحي ودراستي حسين أحلى من أنس وروحه مرحه بس اني آخر اهتماماتي الحب والزواج

أخذتنا امي للسوك واشترينا ملابس للخطوبه طبعا المكياج ممنوع
أهل أبويا يكولون أنتو ماخذين جمال الشمال والجنوب

لأن أمي من الشمال وأبويا أصله من الجنوب بس مستقر ببغداد

دنوزع ويا هيا وبنات عماتي الكيك والبيبسي دخل حسين للمطبخ يريد هيا واني واكفه بقى دقايق ميرمش متفاجئ
بعدين سلم

حسين: سلام عليكم اشلونج نهله منورين بيت عمي عاش من شافج يأبه كولي عندي بيت عم اشوفهم شلونهم ترى هو بس هالعم

نهله: وعليكم السلام اشبيك أخذتني حاصل فاصل مشغوله بالقرايه تعرف هسه نهايه السنه أقتربت وبعدين عمي وانت دوم تجونا  يعني نشوفكم

حسين : ترى العتب بس للعزاز على الكلب

نهله: شكرا طلعت رحت يم فردوس

أم أنس: عيني عليها باردة جنتي جمال ومال وشهادة يستاهل أنس بس كلت لأخويا نريد بنتك كال يمعود كبعي واخذي أني ما ألكه أحسن من أنس

نهله : مرت عمي كاعدة تبسمر بفردوس
كالو يلا يدخل العريس يلبس الذهب
دخل أنس لابس قاط مرتب بس من وجه مبين مو على مرامه كعد وعينه تدور على فردوس

نهله : دوسه هسه مرت عمي تجي تطردج هههه شوفي عين أنوس منزله منج ولج اشويه باقي ياكلج بعينه
لارا كامت تركص ويا هيا ههه حبيبتي بس خليها للركص والاغاني والنوم

طبعا احنا نحب أنس ونحترمه بس فردوس كانت تضوج منه ما اعرف ليش
وعلاقتنا ويا هيا كلش قويه وكلنا نحس بحب أبراهيم ل هيا وهي من تشوفه خدودها تحمر يارب تكون من قسمته  لان هيا هم تحبنا عكس أمها

فردوس:والله بطرانه أني بيا حال لو مني ماأجي فكري يم عمر بس مجان عندي عذر حتى ماأجي أريد بس نخلص حتى أرجع

خلصت الحفلة ورجعنا للبيت
بعد كم يوم

يصادف أمتحانات نهاية السنه
أمتحنت الحمد لله ونجحت للخامس
____________
عبد الله: شوفي ياسمين جم مره كتلج انت زميله وبس وخلي عندج كرامه
وبعدين أني بعد هالسنه راح أخطب وأحبها وما أتخلى عنها

ياسمين : عفيه عبد الله مو بأيدي أحبك يعني تشوف بعينك كل يوم واحد مصارحني بس أنت من أول سنه خليتني اتعلق بيك إذا مجنت تحبني ليش أملتني ها أحجي

عبد الله: كتلج أحنا منتراهم يابنت الناس  انتي حريتج أكثر من اللازم منتوالم أريد زوجتي طبع أهلي وأني هالولد لأهلي

ياسمين: بس ارجع مثل قبل شتريد أني قابله بس لا تتركني حتى ماما وبابا موافقين عليك تعرف ميرفضولي طلب

عبدالله: خلص ياسمين الله يسعدج وأني مو قسمتج

ياسمين: شوف عبدالله جيتك وسحكت كرامتي وأني ماأتنازل لأحد بس والله لأندمك

عبدالله : دروحي تهددني عبالك مسوي شي

ياسمين: زين الايام بيننا

عبدالله : رجعت خابرت حبيبتي مشتاكتلها عدها أمتحان بس هي متحب الدراسه بالشافعات يلا تنجح  مدرت بال لكلام ياسمين

ياترى ياسمين تنفذ تهديدها
حبايب من تقرون بس دوسو التصويت
وأنطوني رأيكم بالقصه
أحس نفسي كاعدة بجزيرة يمعودين اريد ناس تعلق تنطيني رأي
ملتقانا بالبارت السابع