عشق بلا اسم

الفصل الثامن

#الفصل_الثامن
#نوفيلا_عشق_بلا_اسم
#مريم_إسماعيل. ميرا

مبدئيا عارفة إن الفصل صغير بس وحشتونى والله خلصت رواية المعرض وقولت مفيش راحة ارجع ليكم فعايزة احتفال برجوعى طمع بقي 😂😂😂

لتنظر له سجدة بغضب جلى

" چولت إيه ، مرتك كيف ، ومن ميتا ؟"

ليهتف ببروده المعتاد

" چبل ما اعرفك ، إيه لو معچبكيش مشي من إهنا ."

لتنظر له والدته بغضب

" أنت اتچنيت إياك ، إيه فاكر عشان بوك وخوك ماتوا خلاص ملكش كبير ، ولم دى مرتك كانت فين ، ومهمل ولدك ليه السنين دى ."

لتنظر له سجدة بأمل ، نعم ساجد ليس مثل هؤلاء الذكور ، يتهربون من فعلتهم ، ليفهم ما يدور بذهنها .

" طلچتها ولم دريت أنها كانت حبله ، وخلفت شيعت ليها وچت ."

لتضرب والدته كف علي كف من حال ابنها

" معچول تربيتى فيك السنين دى كلتاها كانت علي الفاضي ."

ليحنى قاسم رقبته وينظر أرضا

" يا اما الحكاية مش إكده ، الحكاية كانت ."

لتشيح بيدها
" بلا حكاية ، ولا چصه ، أنت خلاص مخك تار منيك ، وبچيت تعمل اللي في راسك ."

لتذهب من أمامهم دون أن تتحدث ، لتنظر ساجدة لفيروز بقوة .

" لو حلفت ليا من إهنا لسنة چدام مهصدچش واصل ، أن دى كانت مرتك ."

لترحل هى الأخرى ، لينظر لها بغضب ، يهرول تجاها ويمسك يدها بقوة ، لتتلوى هى بين يديه

" خابر زين مين اللي شيع لك تيچى إهنا ، وأنى سكت بس عشان اللي بيعمله چاى علي كيفي ."

لتنظر له بعدم فهم لتحاول أن تتحدث ليوقفها بيده

" لاه الحديت مش إهنا ، مشي چدامى يا مرتى ."

لتجمع نفسها بسرعة وتتحرك معه بسرعة ، وتلعن ساجد في سرها فهو من اوقعها في هذه الواقعه .

..... ..... ........

في غرفة كنز

تذكرت كيف اقتنع الجميع بزواجها من ساجد ، منهم من رأى هذا حل لإنهاء النار ، ومنهم من رأي أن هذا هو من يستحق عشقها وقلبها بجدارة ، لتعود بذاكراتها .

انهارت باكية عندما علمت أن والد ساجد رافض هذه الزيجة ، لتنظر لها سجدة بإشفاق

" بطلى بكى الدموع دى مش حل واصل ."

" اعمل إيه يا سچدة ، وچاسم چال طالما الحچ رافض يبچى خلاص ."

هتفت كنز بعبارتها وهى منهارة