#بقلم_خديجه_وليد
#اتنمي_لكم_قرآءه_ممتعه
#فوت_و_كومنت
كنت فى عزله لا احب الاختلاط بالبشر الى ان جئت انت واخرجتنى من هذا وهدمت قواعدى وجعلتنى افعل اشياء لم افعلها من قبل
فى المستشفى الجميع يذهب ويظل احمد مع سامح وآدم يذهب مع غرام الى شركة والدها ليعلمها بعض الاشياء التى ستحتاجها فيما بعد وفى النادى خاصه فى حلبة مصارعة بداخل غرفة للتدريبات تقف عشق وترتدى قفازات وايضا ليث
ليث: جاهزه
عشق: اتولدت جاهزه
ليث: ايوه نفس جمله بوو الباندا
عشق: هنشوف
وبدؤ فى المبارزه وكلاهما كانت حركاتهم رشيقه وفجأه عشق لكمت ليث على وجهة لكمه قويه وقالت دى عشان البوسه بتاعت المطبخ
ليث: يبنت المفتريه
وفجأه لكمته لكمه اخرى
ودى عشان البوسه التانيه الى فى المطبخ برضوا
ليث: انتى بتاخدى على خوانه على فكره
عشق: اعرف صاحبك وعلم عليه .. ودى
وانحنى سريعا وتفادى ضربتها واعتدل وامسك بها من خصرها وقربها منه: انتى بتغدرى على فكره وانا بتهاون معاكى عشان بنت
_ قول انك مش عارف تلعب
_ بلاش اوريكى اللعب على اصوله انتى فى ملعبى ها
_ ورينى اخرك
وابتعد واخذت وضعيتها
_انتى الى قولتى
وبدؤ مره اخرى فى المبارزه وكانت جدية اكثر وانتهت بتعادل
________فى الخارج
ليث: انتى عارفه لولا انك بنت
عشق: دى حجة البليد .. بس عجبتنى
ليث: ده انا كنت بتهاااون
عشق: بطل غرور شويه
ليث ضحك عليها وثم: بجد كنت بتهاون يبنتى ماقدرش أأذيكى انتى روحى فى حد يأذى روحه
عشق: ....
ليث: مش معقول تكونى بتتكسفي زى البنات
عشق: لا مابتكسفش وبس عشان لو رديت عليك هحرقك وانت واقف
ليث: طب يالا عشان نطفح يا فقريه
__________
غرام: مش قادره تعبت كفايه كده انهارده
آدم: طب اخر حاجه
غرام: لا .. انت قولت ف المرتين الى فاتوا اخر حاجه كفايه بجد وبعدين انا جعت اوى تعالى نروح ناكل
آدم: طيب يستى مش من عادتى بس عشان انتي حاله خاصه
غرام: احم هو انت علمت بنات قبلى
آدم: علمت بنات وشباب كتير
غرام: اممم .. طب يالا وخرجت مسرعه
آدم لنفسه: هو اى الى حصل
__________فى مطعم كبير يجلسان سويا ويتحدثان ويأتي لهم النادل ويطلبان الطعام
عشق: هو انت لو عايز تنتقم من حد وانتقمت بس لسه مارتاحتش هتعمل اى
ليث: فسري اكتر
عشق: يعنى حد اذاك وجه الوقت الى تقدر تأذيه فيه زى ماذاك وبالفعل عملت كده بس مارتاحتش هتعمله اى تانى
ليث: لو حد اذانى وجه عليا الدور مش هأذيه .. لانى ببساطه مش عايز ابقا زيه هو عمل غلط انا مش هقلده
عشق: بس الغلط الى عمله كان لازم يتحاسب عليه
ليث: فى حاجه بيسموها قعدة عرف وفى كمان قانون يحاسب الشخص الى اذانى لو كانت حاجه تستدعى ده
عشق: ولو القانون ماكنش يقدر يجيب الحق زى ماهو اتاخد منى وانا ..
ليث مقاطع: ساره .. احكى اى الى حصل انا ملاحظك متغيره بقالك كام يوم فى حاجه غريبه بشوفها فى عينك شخص شرير بمعنى أصح مثال ده لما كنا فى الشركه وجيتى ف الإجتماع كان فى حاجه متغيره وغيره انا كنت مستنيكى تيجى وتحكى لوحدك .. ساره مين اذاكى ووصلك للشخصيه دى واذاكى ازاى وليه وامتى بجد انا عايز اعرف .. عايز اساعدك يا ساره
عشق: مش هتقدر تساعدنى .. ماحدش هيقدر يساعدنى
ليث: انتى الى مهيأه لنفسك ده، ساره احكى
عشق: ماتخلنيش اندم انى فكرت اخد رأيك
ليث بهدوء: وانا بقولك احكى عشان اديكى رأيي
عشق مسحت على شعرها للخلف واخذت نفس عميق واسندت يدها على المنضده واقتربت قليلا واخذت تنظر حولها مفكره هل تخبره ام لا حتى وجدت يده الدافئه تمسك يدها
ليث بهدوء مريح: احكى يا ساره وماتخافيش مافيش حاجه من كلامك هاتطلع برا
عشق: مش حكاية تطلع برا ..
ليث مقاطع وضغط على يدها اكثر: يبقا احكى
عشق: هيا واحده .. بتاجر فى المخدرات، وانا اكتشفت ده وانا صغيره ولما عرفت فضلت تعذبنى كل يوم على مدار سنين من اهانات توجع وضرب وتعذيب نفسي وغيره
ليث: وفين اونكل سليم من ده كله
عشق: ماتدقش ف التفاصيل .... ودلوقتي لما بقيت قويه هدمتلها كل املاكها .. حادث تفجير ممتلكات ناريمان الى اتزاع فى التلفزيون
ليث بصدمه: انتى .. السبب فى ده
عشق: كل فلوسها وممتلكاتها حرام وياما اتسببت فى قتل اذا كان بتعذيبها او بالمخدرات الى بتاجر فيها فالى عملته ده حلال فيها .. هيا دلوقتي تحت ايدى المفروض انى عملت فيها الى عملته فيا من تعذيب نفسي وجسدى بس مش مرتاحه الى خسرته بسببها بعد كل ده مارجعش
ليث: واى الى خسرتيه .. شخصيتك الحقيقيه اى حد بيقرب منك بيعرفها طيبة قلبك برضوا بتظهر لما حد يتقرب منك اخلاصك للى حواليكى الوجع الى ف قلبك الحزن الى محاوطك .. هيروح
عشق بحرقه: بقاله سنيين ..
ليث مقاطع وضغط على يدها: هيروح .. صدقينى هيروح
عشق: ازاى .. واى مخليك واثق
ليث: فى آيه قرآنية ماما كانت بتقولهالى زمان وانا صغير لما كنت بقع وبتعور وبعيط كانت تقولى (لا يكلف الله نفسا إلا وسعها) يعنى ربنا بيديكى على قد طاقتك عمره ماهيبتليكى بحاجه انتى مش قدها هو بس شوية وقت الفكرة فى الوقت
عشق بتعب معنوى: انت ازاى كده
ليث: مالى
عشق: انت ماتعرفنيش من بدرى وقدرت تخلينى اطلعلك شويه من الى جوايا قدرت تخلينى اتكلم معاك واقعد معاك واخرج معاك قدرت فى وقت قصير تخلينى اعمل حاجات انا عمرى ماكنت اتخيل انى اعملها مع حد غريب ازاى عملت كده
ليث: عشان انا بحبك والى بيحب حد بيعمل الى يسعده وانا عايز اداويلك جروحك دى
عشق بعين دامعه: انا مانفعكش .. مش هانفعك صدقنى
ليث: واى يخليكى ماتنفعنيش انا بحبك وبحب عيوبك قبل مميزاتك
عشق: ليث لو سمحت ..
ليث مقاطع: ساره بلاش تجهدى نفسك كفايه لحد دلوقتي كده وبالنسبه لناريمان دى سلميها للبوليس وهاتتحاسب على كل جرايمها وهيا اكيد هاتتعدم وامسحى دموعك واهدى عشان آدم وغرام جايين علينا
عشق مسحت دموعها وليث اخرج منديل واعطاه لها
آدم: ليث انت بتعمل اى هنا
ليث: بلعب تعالى العب معايا
غرام: يظريف .. اى ده ساره .. غريبه
ليث: اقعدوا معانا (جلسوا)
آدم: مع انى كان نفسي اقعد مع غرام لوحدنا
ليث: ما شاء الله اتقربتوا من بعض .. الفرح امتى
غرام: فهمتنا غلط داحنا كنا بنشتغل .. مالك يا ساره هو انتى كنتى بتعيطى
عشق: حساسيه
آدم: سلامتك
عشق: الله يسل... وصمتت وهى تنظر الى نقطه معينه برفع حاجب وكانت شمس وهى تجلس مع ولد على طاوله وكان هذا كريم زميلها فى المدرسه والكل نظر الى ما تنظر اليه عشق
غرام: اى ده دى شمس
آدم: ههه شكلها ف موعد غرامى
ليث: حاسس انى شوفت الولد ده قبل كده شكله مش غريب
غرام: ايوه وانا كمان
ليث: استنوا اندهلهم يقعدوا معانا وفجأة وجد عشق تقوم وهى تنظر لشمس وعيناها تطيح بالغضب الشديد وامسك بيدها موقفها
ليث: استنى كده انتى رايحه فين
عشق بنبرة مخيفه: ابعد
ليث قام واجلس عشق: اهدى كده احنا ف مكان عام انا هجبهم هنا
أنت تقرأ
أسيرة الماضي
Aléatoireالمحاوله من اجتياز حاجز الماضي، ليأتي بدون سابق إنذار مفتاح هذا القفص الذي يأسرني.
