هيَّه مُش كئيبَة ولا عايزَه تنام كل ليله معيطه، هيَّه مبتدَّعيش الزعل مِن "اللاشيء"! ، هيَّه مُش ضَعيفَه واللى فيها فِعلاً مُش سهل ، هيَّه اتحمِلت كتير جداً عاشت مِن الفُراق سِنين، جرّبِت وجع الخُذلان من أقرب الناس ليها وده مُش هَيّن .. زِعلت من سُوء اختياراتها مرات ومرات هيَّه مبتحبش العُزلَه ومِن قوّتها "بتداري دِموعها"! عن كل الناس.. صُورِتها تبان مليانه صُحاب وحبايب وهيَّه حَرفياً وحيِدَه جداً , صَديقها الصدوق الحقيقى تراكُمات وضربات مِن مشاكل مُتتالية فى كل اتجاه، هيَّه مُش ضَعيفَه، واللى بيقولوا عنها كئيبَه "هينصدموا"! لو عاشوا جُزء من اللى بتحس بِيه، وهيعرفوا ان اللى عاشتُه وبتعيشوا يفلق الجِبال نُصين .... وان وجودها فى الصوره بتضحك لحدّ الآن هو إنتصار عَظيِم جداً 🖤. *********************************** يله نبداء ********** ام نسرين بنظره دقيقه لمالك: جوز مين يا عنيا مالك ببرود: جوز بنتك ام نسرين: الكلام ده حقيقي يابت نسرين وهيا بتتسحب للخارج: ها بصي هفهمك ام نسرين وهيا مسكها من شعرها: بقا بتهربي من هنا ويوم فرحك عشان تتجوزي ده فضحتينا مالك وسحب نسرين لاحضانه: اهدي وانا افهمك كل حاجه هيا ملهاش ذنب في حاجه ابو نسرين جه من بره ابو نسرين: نسرين انتي رجعتي نسرين واتجهت لاحتضانه: ايوه رجعت يا دوحه وحشتني يا راجل انت مكنتش بتأكل نوجه لحمه ولا اي من ساعت ما رجعت وهيا عماله تعض فيا يرضيك ام نسرين وهيا بترفع الشبشب: يابنت الجزمه يا فتانه مش مكفيكي الفضيحه الي عملتهالنا ولا جوزك الي جيباه بنتك اتجوزت يا مدحت الافندي الي قدامك ده مالك: بسسسسسسسس ممكن نقعد وافهمكم كل حاجه اولا انا متجوز نسرين فعلا بس علي ورق ملمستهاش وانهارده جاي اطلب ايديها منكم ثانيا انا وهيا اتجوزنا غصب عننا وقص عليهم كل ما حدث ابو نسرين وهو ينظر لنسرين: يعني انتي شوفتي كل ده يا نسرين ورغم ذالك رجعتلنا زي منتي نسرين: عيب يا حج انت مخلف راجل ابو نسرين وهو بيبوسها: واحلا راجل كمان ام نسرين: شوف الراجل الي هينقطني ياراجل ده بدل ما تديلها علقه علي هروبها ابو نسرين بخبث: من شابه اماه فما ظلم البنت طلعالك نسرين: ايوه يا وليه ولا نسيتي قصه حبك العنيفه انتي والحج وانك هربتي من اهلك واتجوزتيه ام نسرين: بس انا كنت صح وابوكي راعا ربنا فيا ومخلنيش اندم علي هروبي ابو نسرين وهو بيبوس ايديها: عيب عليكي يا نوجا عمري ما انسا انك بعتي كل حاجه وفلوس ابوكي والعز الي كنتي عايشه فيه واتجوزتيني مع اني كنت لسه موظف صغير لا ومش بس كده لما عريفتي اني صعب اني اخلف ميأستيش ولا سيبتيني وربنا عوضنا بنسرين بعد سبع سنين جواز ام نسرين: انت كنت ليا مش جوزي وبس طنت جوزي وابويا وحبيبي وكل حاجه حلوه بلنسبالي نسرين وهيا متربعه: شوفت اتعلم هيييح علي الحب وسنينه يله كفايه حب انتو الاتنين ام نسرين: ادعي عليكي بإيه وانتي فيكي كل العبر ابو نسرين وخد نسرين في حضنه: متدعيش علي بنوتي حبيبه قلب ابوها نسرين وهيا بتطلع لسانها لامها: حبيبي يا حج ابو نسرين :دلوقت انت عاوز تتجوز بنتي مالك: ايوه يا عمي ابو نسرين: بس انا مش موافق مالك: ممطن افهم اي السبب ابو نسرين: اولا دي بنتي وكانت غيبه عني كام شهر اهو وي وحشتني وملحقتش اشبع من حضنها ثانيا مقدرش ابعد عنها مالك: مش هبعدها عن حضرتك هبقا اجيبها ديما تزوركم وقت ما تحب نسرين :وافق يا حج مالك شاف معيا نصايب ولحقني كل مره ابو نسرين: بتحبيه يبنت مدحت نسرين: اها اكدب يعني ام نسرين وهيا بتحدف فيها الشبشب: يابنت الهبله اتقلي شويه واتكسفي يخربيت بجاجتك دنا لحد دلوقت لما ابوكي بيعاكسني بتكسف مالك: لا عادي انا اتعودت عليها ان عقلها طاير ابو نسرين: بدال نسرين موافقه انا موافق بس بشرط الفرح هتعملوه هنا عشان الناس كلها تعرف ان بنتي بتتجوز مالك: تمام ياعمي الفرح انشاء الله اخر الاسبوع ده قولت اي ابو نسرين: بس يبني مالك: انا مش عوزها غير بشنطه هدومها وبلنسبه للفرح وكل حاجه انا ههتم بيها متتعبش نفسك ابو نسرين: تمام يبني لولا ان شايف انك مستعجل مكنتش وافقت عليك مالك: صدقني يا عمي مش هتندم نسرين: خلاص اعمل حسابك بكره هنروح انا وانت نعمل فتو سيشن مالك : عيوني ليكي ************************************ نروح مكان تاني عند ياسمين ياسمين وهيا خارجه من الكليه معتز: ياسمين ياسمين ياسمين: ايوه يا استاذ معتز خير معتز: استاذ معتز امممم اذيك عمله اي ياسمين: الحمد لله يلزم خدمه معتز: هو اخوكي مقلكيش اني طلبت ايدك ياسمين: قلي معتز: واي ردك ممكن اسمعه ياسمين: انا مش موافقه معتز:ممكن اعرف السبب ياسمين: انا عارفه انك حاسس نحيتي بلشفقه نتيجه الي حصلي وحاسس بلمسؤاليه عشان كده انا بديك حريتك من كل ده وبقول لحضرتك انا مش موافقه عن ازنك وريا شغل في شركه اخويا مسكها معتز من معصمها معتز: اولا انا مش حاسس نحيتك بلشفقه او غيره ثانيا كلمه مش موافقه دي مسمعكيش تقوليها تاني ثالثا انا هتجوزك مش عشان مسؤاليه او غيره لا عشان اتنيلت علي عين اهلي وحبيتك فا اي راءيك نتكلم كا اي اتنين متحضرين دلوقت هسالك انتي موافقه انك تتجوزيني ولالا نسرين بخوف وتوتر: لا معتز كأنه لم يسمع ردها: وانا موافق يبقا علي خيره الله اسمعي مني انا عارف مصلحتك اكتر منك وبعدين انتي لو فضلتي مصممه علي قرارك انا هخش السجن ياسمين بضحك علي طريقته: لي معتز بغضب: لاني هقتل كل واحد يبصلك او يقع في حبك يا زفته فا احسنلك توافقي اننا نتجوز لما اخوكي مالك يرجع هطلب ايدك منه مع انه موافق وساعتها عارفه لو قلتي لا او مش موافقه هخطفك واتجوزك غصب عنك فاهمههههه ياسمين برعب: فاهمه فاهمه وتركته وطلعت تجري ياسمين: يالهوي ده طلع مجنون رسمي بس بيحبني بيحبني هيهههههه ************************************ عند اسر في المانيا اسر في الهاتف :يعني هو صدق الشخص:*************** اسر: خلاص خليكي وراه زي منتي الشحص: ****************** اسر: وانتي كمان وحشتيني والله بس اعمل اي غصب عني الشخص :*************** اسر: طب تمام اقفلي انتي وقفل مع الشخص اسر: كلها كام شهر واجيبك هنا يا نسرين وتبقي في حضني هه مالك فاكر اني كده استسلمت وسيبتك ومعتش في خطر عليكي ميعرفش اني اني اني حبيتك وعمر ما اعرضك للخطر بس هخليكي تكرهيه وساعتها مش هيبقا قدامك غيري وهتجيلي برجليكي وهتيجي لحضني ************************************ نروح عند باسل وملاك بقا اصلهم وحشوني باسل: ياملاك يا حبيبتي فيها اي لما نسيب العيال عند جني وايهاب ونروح نعمل شهر عسل جديد لينا ملاك: لا مسيبش عيالي كتاكيتي وجني وايهاب الي اسيبهم عندهم انت بتستهبل دول لسعه منهم ده ممكن يرمو العيال من البلكونه اخر ما يزهقو باسل: خلاص هوديهم عند معتز اي راءيك معتز كيوت معاهم والعيال بيحبوه ملاك :امممم ماشي نوديهم لمعتز بس حبكت معاك شهر عسل جديد الفتره دي باسل: اها بقالي كتير مستفردتش بيكي لانك مشغوله مع القرود الي مخلفاهم فا هخدك ونروح شرم ملاك: لا نروح الغردقه نتغردق هناك باسل: لا اصل نسرين ومالك هيتجوزو الفتره دي وهيرحو شهر العسل شرم فا عاوز اروح هناك بحيث نبقا معاهم ونتسلا كلنا سوا ملاك: امممم اشتا موافقه بس تعرف يا باسل لو عينك راحت علي واحده لبسه مايوه كده ولا كده هقلعهملك باسل وهو محتضنها: حد يبقا معاه القمر ويبص للنجوم دنتي حب الطفوله وحب الشباب وحبي في كل وقت ملاك: لا عادي بتبصو النجوم منتو رجاله تفطسه باسل: وعد مش هبص لاي وحده ملاك: اشتا هما فرحهم امتا باسل: هكلم مالك وابقا اقولك ملاك: اشتا عديني كده خليني اروح اكل العيال وتركته ورحلت باسل: متجوز دبش وربنا نو رومانسيه. منه له منه له بومه بس بحبها استوووب البارت خلص اي توقعاتكم بخصوص اسر وبخصوص مالك #دنيا محمد
صوره نادره بتوصف باسل وملاك 😂😂👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
