ماضي لا ينتهي

الحلقة ٨٥

#ماضي_لا_ينتهي
#بوسي_مصطفى
_____________
الحلقة ٨٥

سليم : اكيد هدفنا واحد.
عدنان : هما قتلوا اتنين من اصحابك و أنا كمان ليه تار عندهم ومستحيل هسيبه
فلازم تطلع مع الرجاله العمليه الجايه.
سليم نظر لعدنان وسكت.
عدنان : اظن أنا جهزتك علشان تبقى واحد من رجالتي
و اديتك الأمان وحميتك منهم ف اقل حاجه تردلي الجميل.
سليم : تمام.
عدنان : طب تقعد مع فيراس وتعرف منه تفاصيل العملية.
سليم : اوك.
مرام ببتسامة : بنسوار دادي.
عدنان يطبع قبله على خدها : بنسوار ميرا..
مرام : بنسوار آدم.
سليم : بنسوار... بعد اذنكم.
عدنان : اتفضل.
مرام تقعد وهي غضبانه.
عدنان : ايه يا حبيبتي مالك؟
مرام : شوفت قلة ذوقه يا دادي؟!
عدنان : معلش هو دا طبعه.
مرام : لأ دي قلة ذوق منه.
عدنان ببتسامة : متزعليش نفسك حبيبتي.
مرام : انا خارجه.
عدنان : على فين؟
مرام : خارجه مع صحابي.
عدنان : اوك اخرجي واتبسطي، بس تخلي بالك من نفسك.
مرام : اوك.. دادي.. باااي.
______________

في منزل سيف..
سيف : أميرة انتي مش محتاجه تقولي كل الكلام دا ولا محتاجه اصلا تبرري حاجه،أنا بس مش قادر اخبي مشاعري،وأكيد اللي يضايقك ب يضايقني أنا كمان، وانتي نفس الشيء.
أميرة : اكيد يا سيف.
سيف : علشان كده مش عايزك تزعلي.
أميرة : لا مش زعلانه، بس لما شوفته افتكرت اللي حصل كمان وكان نفسي تبقى عندي الشجاعه، وارد ليه و لو جزء صغير من الوجع اللي سببه ليه.
سيف احتضنها : أنا آسف إني فكرتك بحاجه زي دي.
أميرة : عمري ما هقدر انسى الموقف دا يا سيف.
سيف : أميرة... أميرة.
كانت أميرة بتبكي.
يمسك ايدها ويبعدها عن وجهها.
سيف : محدش يقدر يأذيكي و انتي معايا.
أميرة هزت دماغها و هي مازالت تبكي.
سيف بيمسح دموعها ويقبل وجهها.
أميرة : سيف انت حنين اوي.
سيف : عارفه يا أميرة انا بعوض فيكي حرماني من والدتي.
نظرت ليه وهي بتمسح دموعها.
سيف : كلامي ضايقك، و لا مستغربه؟
أميرة مردتش.
سيف : أنا اللي اقصده إن حبك في قلبي هو اللي كنت بتمناه يبقى ل امي.
كان وحشني اوي حضنها و كنت بكابر كتير في المرات القليلة اللي كنت بشوفها فيهم.
كان نفسي اترمي في حضنها بس كنت بحس بحاحز كبير بيني وبينا، حاجه بتمنعني اني ابقى معاها زي اي ابن ما بيشوف مامته.
تعاملنا كان حاجه تانية.
لما اتجوزنا و اخدتك في حضني افتكرت الحضن اللي اتحرمت منه علشان كده أنا مقدرش اعيش من غيرك ولا ممكن اتخيل حياتي من غيرك.
أميرة : مش عارفه قولتلك الكلام دا قبل كده و لا لأ؟
بس نفس احساسي بالظبط
انت جوزي وابويا وأبو ولادي وكل حاجه ليه في الدنيا.
سيف : اكيد مفيش كلام يتقال بعد اللي قولتيه، وهعوضك قريب، ونروح لمامتك تطمني عليها وتقعدي معاها زي ما تحبي، بس اوعي تتأخري هناك بقى، علشان بتوحشيني.
أميرة : هههههههههههه حاضر
مش هتأخر.
سيف : ييييييه اهو زياد صحي!
أميرة : شوية وهينام بس وطي صوتك.
بتطبطب أميرة على ابنها الصغير
يغمض عيونه وينام مرة تانية.
سيف بفرحه : دا نام حقيقي.
هزت أميرة دماغها ببتسامة و اتحركت من جنب
ابنها بهدوء... سيف مسك ايدها.
أميرة بهمس : ايه في ايه؟
سيف : اشششش تعالي من غير صوت.
أميرة : هههههههههههه
سيف : متضحكيش هتصحيه.
أميرة : هههههههههههه حاضر.
سيف بهمس : بس بقى.
أميرة : حاضر اهو سكت.
سيف : تعالي جنبي بقى.
أميرة : حاضر جايه اهو.
سيف : هههههههههههه
أميرة : مين بقى اللى هيصحيه دلوقت؟!
سيف : هههههههههههه أنا.
أميرة : خلاص تصبح على خير بقى.
سيف : لا تصبح على خير ايه؟!
وقرب منها و.....
_-____________-