APPRECIATION
May mga panahong gusto ko ng sumuko
Dala ng maling pagpapasiya na sa aki'y nagpapalumo.
Nakakahiya mang aminin ngunit iyon ang totoo
Na minsa'y napanghihinaan na ako
Pero may mga taong ginamit ang Diyos
Upang ako'y mabagong lubos.
Nakakamanghang isipin
Na ang tulad ko'y kaya pa palang baguhin.
Salamat sa pastor/pastora namin
Na walang sawang nagpapa alala samin
Na mas masarap mabuhay
Kasama ang Diyos nating buhay.
Alam ko pong hindi madali sa minesteryo
Pero nananatili kayong tapat at totoo.
Sa kung paano kayo umawit at magpuri
Tila walang problema at pighati.
Di man ninyo sabihin sa amin
Ngunit nakikita at nararamdaman namin
Na ang aming mga pastor/pastora ay nahihirapan din.
Salamat sa inyong taglay na lakas
Upang patunayan na ang pag-ibig na wagas
Ng Diyos na dakila ay di magwawakas.
Kaya't bilib ako sa mga turo,
mga saway at sa mga mensahe ninyo
Na tunay na nagpapabago sa mga taong nakakarinig nito.
Minsan tinatanong ko ang aking sarili
Paano kung di ko kayo nakilala?
Marahil ako pa rin ay nagdurusa
Sa sumpang namana pa
Sa mga ninunong ang Diyos ay hindi kilala.
Maraming salamat dahil kayo'y nakilala.
Nakakamangha ang pakilos ng Diyos sa inyo
Kaya't hindi na po ako magtataka kung sa buhay ninyo
Madami ang pinagpapalang lubos.
Hindi niyo po kami kadugo ngunit labis ang inyong pag-aalala.
Itinuring niyo po kaming mga anak,kapatid at bahagi ng inyong pamilya.
Sa lahat ng mga bagay na ito
Lubos kong ipagmamalaki kayo.
Ito nga pala ang mga pastor/pastora namin
Na tumulong at gumabay upang Diyos ay makilala namin.
Maraming salamat sa lahat sa inyong mga pangaral
Na labis na tumatak sa aming puso't isipan.
