FATMAALKHALID🔮⭐:
نورس؛ ثاني يوم دخلت علي امي
_يالله كومي بدلي
_وين
_شنو نسيتي راح يجي رجلج وعمتج نروح نشتري حلقات
_هاي يمتى صار رجلي يمه شبيج انت لا تسوين روحج مافاهمه الوضعيه
_بلا حجي زايد وكومي
كمت بدلت قررت ما اروح وياهم بنفس السيارة وعلي انا اله عبالة ناسيتله من صيح علي نزلت لكيتهم كاعدين بالدوانيه طبيت
_السلام عليكم انا جاهزه
_هلا يمه وعليكم السلام يمه شحلاتها مرت ابني
_شكرا عميمه بس بعدني انا ما مرتبطة بابنج
_على الاساس انا كاتل روحي على الارتباط بيج
_لا واضح ما كاتل انا طالعه قبلكم
طلعت صعدت سيارتي كعدتي طلعو امي خزرتني اجو علي
_انت ناويه تفشليني وي رجلج وعمتج امشي نزلي بسيارة علي نروح
_سيارتي وما انزل منها تردين ترحين وياهم روحي انا مااروح
علي؛ نورس خلي يعدي هل يوم على خير ونزلي
_ماراح اتحرك خطوة وحده
_انت ليش تعاندين عبالج تخوفيني
_لا تعيش الدور وانت شنو واعاندك
_خوش يا نورس خليتج براسي الا اكسر خشمج هذا العالي
_ديلا خوش وخر منا وانت يمه تجين وياي لو وياه
_لا اروح وياهم خليج ابحدج
مشينه وانا وراهم نزلنا بسوق الذهب اخذتلي حلقة ناعمه وعقد كامل طبعا انا بصفحة وعلي بصفحة ما طولتها وياه بسرعه رجعنه وانا بالطريق اتصل علي علاء
_هلا علوش
_هلا بمرت اخوي
_هذا هسه الي يريدني انزله وانزل اخو شتريد ولك
_ها ها الدلاله شبيج
_شبيه انا بالطريق رحت اشتري ذهب
_عاشت انسنس فدوه اخيج انا اريدج بسالفة عويصه ومحد يساعدني غيرج
_رجعنه واشتغلت سوالفك العويصه احجي
_لا لا بويه مو مال تلفون لفي سيارتج وتعالي للمطعم عازمج
_ديلا خوش جايه
غيرت اتجاة طريقي عنهم شوي واجاني اتصال من علي مارديت رجع اتصل مره ثانيه رديت
_انت وين رايحة
_رايحة مشوار ليش
_غير تكولين تحجين
_انت شعليك بالله لايكون عايشلي دور السي سيد
_نورس احترمي نفسج لاتخليني افقد اعصابي عليج
_هسه شتريد
_وين رايحة والدنيا غروب
_ماعليك وانا عندي ابو هوه المسؤل علي وراح اخابره
_خوش جا
ما تحملت طريقة حجيها رادلها اعادة تربية انا الج نا اطيحين بايدي نهايتج يمي الا اربيج ضلت امها تحجي عليها تكول خربت اول مره هيج تتصرف ماجانت هيج فهمت ان بسبب موضوعنه اتصلت بعلاء ادري بيها رايحة تشوفه لان ماعدها علاقات ودوامها منتهي
_هلا بالمعرس
_نورس راح تجيك
_اي انا خابرتها اريدها بشغله
_دير بالك عليها ام لسان
_ها تعاركتو
_اي لسانها اطول منك ومني
_هههههه العب معناتها بيتنه راح يصير بي اكشن مو طبيعي
_اكلك شتريد منها بالله
_لا لا حبيبي سوالف كبار وماعليك لا تدخل بيني وبين اختي
_انت واختك بيوم واحد دربي اختك ربيها لا انا اربيها
_كفينه شرك راح احاجيها
......
وصلت للمطعم نزلت شفت علاء
_ها هلو
_شبيج كالبه وجهج
_اخوك العله الطاحت على راسي
_لا لا اذا هيج الحجي ترى ازعل
_زعلتهم انت فوكهم
_نورس هاي انت صدك هيج شبيج شكلبج من يمتى هيج تحجين
_ما كدرت امسك دموعي علاء ماكدر ولك والله اخوي اخوي شلون ما مستوعبتها تخيل ضليت اذب كلام مثل لسم علمود بس اخلي يتنرفز ويعوفني ماكو اخوك بلا كرامه
_لا نورس حدج انت اذا معميه وما حسيتي على اخوي ف الصوج بيج
_شنو ما حسيت على اخوك
_انت ما شفتي ذاك اليوم شلون من تحجين هوه صافن بيج ومركز وياج
من يمتى علي هيج يركز وي واحد او بالأحرى وي بنيه انت نسيتي بت خالتنه شسوت بي من يمتى اخر مره شفتي يضحك لو يندمج وي بنيه غيرج نورس علي ترى حبج وانت راح تعدلي لا تاذي مثل ما اذته قبلج علي رجال والف وحده تتمناه لا تضيعي من ايدج ووي العشره والوقت راح تتعلمين علي وتحبي انت غيري من اطباعه
_صفنت بكلامة صحيح علي الف بنيه تتمناه احس داخلي بده يتحرك ان اجرب اخطي خطوه وياه بس مو هسه بمرور الايام
_زين ان شاء الله هسه على شنو جايبني شنو الموضوع الما يتأجل
_اي ذكرتيني لك فديت هل اخت والعباس اموت عليج
_فضها ولا تصير لوكي شعندك
_ يا محفوضة السلامه انا اول يوم بالجامعه صادفتني بنيه وووو.....
سولفتلها على كل شي
_انت مخبل لو صاحي لك بابا لبنيه ما تدري بيها مطلكة مزوجة بتها مو بتها شبيك انت
_واذا مطلكة شبيها لمطلكة
_هسه منو حجه على لمطلكة بالعكس واصلاً ماكو اعتراض عليها بس انت الغلط منك غير تعرف ارضها من سماها
_يالغبيه انا هسه المن مكعدج كدامي
_مافهمت انا شكو
_مو انت اختي حبيبتي راح تتعرفين عليها وتجيبين معلوماتها كلها
_شنو شنو شنو
_اششش المصريه البداخلج مو وقتها تطلع سمعي ترحين وياي للجامعه على اساس انت طالبة نقل وتروحين تدحسين روحج بالاستيج مالتها تكعدين يمها وتجرجرينها بالسوالف فهمتي لو لا اريدج بكعده وحده تعرفيلي الاكو والماكو
_هييي انت شبيك الله بلاني بخبالك وخبال اخوك
_نويس عفيه لاتصيرين خبيثه اخيج انا عليج الله
_ولك ودوامي
_كليلهم ميته واخذي اجازه ٣ ايام
_انت واخوك راح تبهذلوني شكول عليكم جاي احجي وياه وشفته انخطف لونه وعيونه توجهن للطاوله الي صايره وراي
_بسسس شبيك عليش
_طبت شهد وبتها ووياهم شاب مرتب ويضحكون عرفته رجلها اكيد رجعتله اح
أنت تقرأ
احدهم لم يكن صدفه
De Todo• "ما كان حُبًا من النظرة الأولى بقدر ما كانت طمأنينة من الدرجة الأولى ، مثل أن ينظر المرء إلى شيء ويستريح بهِ"
