صدفة حياتي(بالدارجة المغربية)

1

        في أحد الأحياء الشعبية فمراكش ومع جوايه ديك العشرة تاع الصباح ناس المدينة القديمة فايقين وموكضين وكل واحد غادي لخدمتو الرجال غادين للحلقة باش يفجو على بنادم ويشوفوهوم التوريست والنقاشات تايوجدو راسهوم باش تبداو الخدمة ايوا فواحد المحلبة كاين عليها الدرك تاع الناس باش يفطرو وبالضبط عند ديك مولات المسمن لي تاتقادو
كلثوم:كحز لهيه راه باطير عليك الزيت الشرييف
الراجل:واخا عطيني واحد تثلاتا تاع المسمنات بالفرماج وأملو
كلثوم:واخ هاهوما تانصاوبهوم اخويو عليا الجوقة راه تزمت هالسخونية تاع المسمن ونتوما صهدتوني كل واحد يكلس فطبلة وغاتوصلو مسمنتو يالاه
      بعدو عليها الرجال والعيالات وكل واحد مشا كلس فبلاصة تايتسناها تعطيه ماياكل البطلة ديالنا كلثوم"kultoum" بنت فعمرها 21 عام بنت شهبة وعينيها خزيين وشعرها زعر بنت ضحوكية وديما واقعة فالمصايب هي تربات فدار للايتام ماتاتعرفش لاباها لا مها منين حلات عينيها وهي فدار الايتام قرات وحبسات فالباك فاش كانت ف عمرها18 عام منين وصلات للسن القانوني خرجوها هي وصاحبتها من دار الايتام ومشات كرات هي وياها وخرجات تاتخدم وتادمر على راسها بهجاوية قحة
كلثوم:صفية شوفي هاد الكليان اش با؟
صفية(تاتكب اتاي):نعام الشريف اش حب الخاطر؟
الراجل:بيت شي دكة
صفية:هاك المعلم خود اهيااا اداك البرهوش اه بيتهرس الكاس
لبرهوش:كالت ليك ماما عطيها مثمن
صفية:كلثووم شوفي هادا
كلثوم:جيتي تاني زيد لهنا هاك المسمن اوجه المسمن
        صاحبتها صفية "safiya"   بنت خمرية وشعرها قهوي تربات مع كلثوم نفس العمر عندهوم هي صاحبتها الانتيم دوزو كولشي مع بعضهوم خدامين فهاد المحلبة تايصورو رزقهوم القضية فهاد الصيف تاتكون مروجة ومبهجة بقاو هاكاك تاوصلات الطناش وكلسو يستاراحو حاطين قدامهوم واحد جوج كرواصات وعاصيري
كلثوم:ااي ياختي ضهري ضرني والله
صفية:انا دخت والله نايجيو تايتعرمو تانتلف
كلثوم:ماشني انا تانبقا تانسمع هي مسمنة مسمنة مسمن كرهتو حق سيدي ربي تاكرهتوووو
صفية:ايوا اختي اش غانديرو هادشي لي عطا الله خاصنا نخلصو الكرا راه تعطلنا فيه
كلثوم:خاصو يصبر معانا راه من الله ومنا لي تانشتفو هك وهك
صفية:وهاد السقرام تاهوااا تايتقرزز عالفلوس
كلثوم:وشني هاد.بوقلوة نهاار نوض ليه مايفكني منو تاواحد غاصبري
صفية:نوضي قبل مايبدا يتهجج علينا تاني
     ناضو البنات باش يكملو خدمتهوم كلثوم بدات تاتصاوب المسمن شوية وهوما يدخلو واحد الجوج حاسين براسهوم وكولشي بدا تايشوف فيهوم تلفتات كلثوم عند صفية وشافو فبعضياتهوم زعما ردي البال
الراجل:الزين عطيني شي عصير يكون تاع الفريز بحالك
صفية:واخا اسيدي انا نجيبو ليك تال بلاصتك
الراجل:اييه الزين يجي تال عندي
كلثوم:نعام اش حب الخاطر
الراجل2:ماكرهتش شي حريشات من دوك ليديدات الرطبين
كلثوم: واش اخور
الراجل2:ونتي هيلا كان ممكن الغزالة
     خنزرات فيه ورجعات لبلاصتها تاتنكر وجدات داكشي لي خاص شوية تاتسمع صوت صفية فحالا تاتعاير
صفية:الشريف طلق من يدي
الراجل:علاش الزين راك عجبتيني
صفية:وتا طلق يدي لانشبرها معاك
كلثوم:مالك اخا ياك شيباس ماكاين
الراجل2:اجي الزين عندي
      ناض وجرها بغا يبوسها ومع هي فيها قاعدة تاتهز ديك المغرفة تاع الخشب تاع المسمن جبداتها وهي تشبرها معاه للحنك
كلثوم:جمع يديك الخراا
الراجل:ايهاااي اجي نتي لهناا
     هزات صفية داك العصير شربات منو جغمة وهي تكبو على هاداك الراجل هو دهشر وناض داك لشي شد.كلثوم بايضربها وهي تشدو شنقات عليه
كلثوم:اسمع العزوا تا برب تانضرب مك بهاد.الكاس
الراجل:هيلا كنتي مرا ديريها
كلثوم:صفية داك الكاس
صفية: هاكي الزين
      هزات كلثوم داك الكاس وهي تهبط عليه للراس تاتشتت الكاس وطاح السيد للارض
صفية(هزات الكاس):هاك لفقيرة تمك
     ضربات تاهي داك الراجل لاخور وطاح حدا صاحبو والدم نازل ليهوم من راسهوم والجماعة تاع النتس تجمعو عليهوم
كلثوم:انووض الشريف ونتا درتي موتا حمار
صفية:اهياتااا قتلناهوم
كلثوم: اويلي حي ماعندنا تافصالة الكوميسارية
      شوية خرج مول المحلبة واحد الراجل كصير عندو البزة وقرع
الشاف:اش درتووو تاني هاااا واش ماحشمتوووش
كلثوم:سمع الشريف راه هوما تبسلو علينا
صفية:وجرووونا وتحرشو بينا
الشاف:على اساس راكوم زينين اش خريتو عيقتو لاخدمة مقادة لاوالو
      برك عليهوم بالمعيار وتايغوت وكشاكشو خرجو كلثوم شدات ديك المغرفة وزيرات عليها صفية هي شافتها هاكاك وهي تساخر لور تاضحك
كلثوم:اجييي اداك درهم تاع الكرعة ابابا هبوور شتك تاتعير وتاتكشكش وتاتعرعر مالنا اخا ياك شي باس ماكاين
الشاف:سكتي
كلثوم:نتاااا لي غاتشكت والله تاليوم الروح طيييح اجي لمك
      تلاحت عليه تاطاح للارض وبدات تاتهبط عليه بالمغرفة للراس وهو تايتركل مع قصير حكمات فيه وصفية دخلات للداخل وهزات ميكة دارت فيها كرواصات والرايب و الحلوى عارفين بلي هادي اخر مرة ايجيو هنا لمهم ناضت الروبالا والجوقة على المحل شوية تاتسمع صوت الصطافيط
كلثوم:عيطتي لصحاب الحال وليووم نباتو فالسيلون
الشاف:ابعدي مني المجعورة
     دخلو المرود وهزوها عليه وجرو صفية لي خبات الحلوة تحت من جلابتها وشدوهوم لاحوهوم فالصطافيت هي ومغرفتها .....يتبع
################################
السلام الصديقاااات هاناااا جيت توحشتوووني هااااا هااااااا عارفاكوم ماتوحشتونيش اهئ اهئ اهئ هاهي البدية ديال القصة كيجاتكوووم