قصه قصيره
#أقدار
#شروق_محمد
في منزل عبارة عن طابقين يعيش به اثنين اشقاء الطابق الاول للاخ الاكبر، والطابق الثاني للأخ الاصغر وهو عبارة عن منزل جميل وهادئ كان فيه ثلاثة اطفال يلعبون ويركضون سوياً في جو من الحب والمرح
مروان بضحكة: بس يامريوم خلاص
مريم بسعاده: لا المايه حلوه خلينا نلعب شويه
مروان: لا كفايه البيت هيتبهدل وماما هتتعب زي كل يوم
سيف بطفوليه: مله واده اس(مره واحده بس)
مروان بضحك: حتي انت ياسيفو عاوز تلعب، خايف تقع تتعور وماما تزعق
مريم: خلاص خلاص ياسيفو كفايه كدا وهنبقي نقول لبابا يودينا البحر
سيف بفرحه: او بر او(حلو البحر حلو)
ضحك مروان ومريم علي حديث سيف، فرأهم سيف وهم يضحكون فأبتسم مثلهم، كان المنزل مبهج بإبتسامتهم، مروان الأكبر ومريم جاءت بعده والصغير سيف آخرالعنقود كما يقولون، جاءت والدتهم علي صوت ضحكاتهم فأبتسمت بسعادة كبيرة وهي تري حبهم لبعضهم يزداد يومآ بعد يوم
رأها الاولاد فركضو ناحيتها وقاموا بإحتضانها بقوة،
اردفت ملك بسعادة وقالت: شكلكم حلو اووي
ملك بسعاده: شكلكم حلو اووي
مروان بحب: عشان انتي معانا ياماما
نظرت إليه بحب ولكن سرعان ما عصف بها دوار شديد فجلست علي أقرب مقعد لأنها لم تستطع الوقوف علي قدميها، تملك القلق قلب الصغيرين مروان ومريم عليها فتلك ليست المرة الأولى لها
مروان بخوف: ماما مالك في ايه
نظرت له ملك ورأت نظرة الخوف في عيناه فتحدثت قائلة: تعبانه شويه، ياله روح العب مع اخواتك
مروان ببكاء: ماما انتي ماقولتيش لبابا علي تعبك دا
ملك بتحزير: اوعا تقول لبابا حاجه ياحبيبي مش عاوزه أشغله معايا كفاية عليه شغله، ومشاكله في الشغل، وانا بقيت كويسه، ياله تعالو غيرو عشان بابا زمانه جاي
اخذتهم ملك وبدأت في تغير ثيابهم، وبعد ذلك ذهبت لتحضر طعام الغداء، وبعد فتره عاد زوجها من العمل
سيف بسعاده: بابا ده بابا ده(بابا جه)
اقترب منه كامل وحمله بين احضانه وقال: حبيب بابا ياناس مش هيكبر بقي ويعرف يتكلم
جاءت مريم ناحيتهم واردفت بدلع طفولي وقالت: وانا مش حبيبة بابي
تحدث مروان بعقلنيه وكأنه رجل ناضج وقال: كلنا حبايبه يامريومه
ابتسم كامل من حديث مروان واردف قائلاً: رغم سنك الصغير بس بحسك راجل كبير
مروان بزعل وحزن: بابا هقؤلك علي سر بس ماتقولش لماما اني قؤلتلك
كامل بقلق: في ايه ياحبيبي
مروان بدموع: ماما كل يوم تقع وتتعب ومش بتعرف تقف كتير وحصل دا من شويه
كامل بخوف: خلاص مش هقول بس ياله خد اخواتك وادخل الاوضه وانا هغير وانده ليكم نتغدا سوا
مروان: حاضر
أخذ مروان اشقاقئه ودلف إلي الغرفه الخاصة بهم، أما كامل فذهب إلي المطبخ ووقف خلف ملك ووضع يده علي كتفيها وقال: حبيبتي عامله ايه
إلتفتت لها ملك وعلي وجهها إبتسامة واردفت قائله: الحمد لله ياحبيبي ياله غير وصلي هيكون الاكل علي السفره
قبل كامل يدها وقال: ماشي ياروحي وتسلم ايدك الجميله دي مقدماً
ابتسمت ملك علي حب زوجها لها، أما كامل فذهب وأخذ شاور، وابدل ملابسه، وقام بأداء صلاته، وبعدذلك قام بالنداء علي الأولاد، فأتوا مسرعين وتجمعوا علي مائدة الطعام وشرعوا في تناول الطعام في جو ملئ بالحب والمرح، أما كامل فكان عقله منشغل وتملك منه الخوف علي منظر ملك التي بدأ المرض والتعب يظهر عليها
------------
في مكان اخر
منزل واسع وكبير تعيش به جنه ووالديها
«جنه» فتاه جميلة بملامح هادئة ورقيقه تزوجت مرتان ولكن لم يكن لها نصيب، وكان سبب عدم إكمال زواجها هو عدم قدرتها علي الانجاب، فقررت أن تعمل في روضة للأطفال، وان تعين وتساعد والديها وأيضاً تشغل وقتها بالجلوس مع الاطفال
عبير والدتها: مالك ياجنه قاعده زعلانه كدا
جنه بإبتسامه: حد يشوف القمر ويزعل
عبير: طول عمرك لسانك حلو وكلامك حلو زيك ياقمر
جنه: قوليلي بقي تحبي تتغدي ايه انهارده
تدخل والدها في الحديث وقال: انا عن نفسي عاوز اكل باميه بالحمه وعيش سخن ياخرابي
ضحكت جنه علي والدها وقالت: عيوني يابابا دا انت بتعشق الباميه بشكل
عبير: انتي بتقولي فيها من يوم مااتجوزته وهو كل يوم عاوز ياكل باميه
عبد الحميد بدراميه: بحبها ياناس بحبها بحبها بحبهااااا
سقفت جنه وقالت: هايل يافنان، هايل هايل، استعد للمشهد التاني
ضحكت عبير حتي ادمعت عيناها وشاركتها جنه ووالدها تلك اللحظه
عبير: احم، في حاجه عاوزه اقولها بس خايفه من رد فعلك
جنه: لو اللي في دماغي مش موافقه
عبير بحزن: ليه ياجنه
جنه بجديه: كدا ياماما خلاص انا اخدت حظي من الدنيا واكتفيت اهانه وكسر وكفايه عليا الاطفال اللي في الحضانه
عبير: دا عريس كويس ياجنه
نهضت جنه وقالت: بعد اذنك اقفلي الموضوع دا نهائي ومش هتجوز خالص، ثم ابتسمت جنه واكملت حديثها وقالت: هروح اعمل الباميه لعبده بدل مايعملنا مظاهره وبسرعه كبيره دلفت إلي المطبخ قبل أن تستمع إلي اي كلمه أخري، وقفت ومسحت دموعها وتنهدت بحزن وقالت لنفسها: الحمد لله راضيه يارب بقضائك، وبعد ذلك بدأت في تحضير طعام الغداء لاسرتها بحب،
أما خارجا فغضب عبد الحميد من زوجته وعلي حديثها فقال بحده طفيفه: ليه تفتحي الكلام دا ياعبير
عبير بحزن: يعني هتفضل قاعده معانا كدا
عبد الحميد: كفايه هيا اتوجعت بما فيه الكفايه والكلام اللي كانت بتسمعه عشان الخلفه واتعقدت لان اللي اتجوزتهم ماحفظوش عليها دول اهنوها وزلوها
عبير برجاء: يارب عوضها خير يارب عوضك كبير عوضها
-------------
في المساء في منزل كامل كان يقرأ في احدي الكتب فدلفت ملك بإرهاق وجلست بجواره
اغلق كامل الكتاب وقال: العيال نامت
ملك بتعب: ايوه نامو اصلهم لعبو كتير انهارده، تحب اعملك قهوه
كامل بحب: لا ياحبيبي تسلمي، بس عاوز اسألك علي حاجه وتجاوبي بصراحه
ملك بصدق: طول عمري صريحه معاك ياحبيبي
كامل: عارف حبيبتي بس ريحيني
ملك: حاضر ياحبيبي في ايه
كامل: انتي تعبانه من ايه، ايه اللي بيوجعك
ملك بشك: هو مروان قالك حاجه
كامل: يعني الكلام طلع صح
ملك: دي شوية دوخه مش اكتر يعني ماتقلقش
كامل: طيب اعملي حسابك بكره هنروح نكشف ونشوف ايه سبب الدوخه دي
ملك: ياعم ماتتعبش نفسك
كامل بحب: ولو ماتعبتش نفسي ليكي هتعبها مع مين هو انا ليا اغلي منك
ملك بإبتسامه: ربنا يخليك لينا ياروحي
كامل بمرح: وبعدين مش يمكن الدوخه دي من حمل جديد وفي ولي عهد جاي
ضحكت ملك وقالت: انت لسه عاوز عيال دا سيف لوحده حكايه
كامل بضحك: دا كل حروفه ضايعه منه، بجد انتو الحياه بالنسبالي ربنا يدمكم ليا
كامل شاب وسيم لحد ما، ورياضي يعمل محاسب، يحب ملك واولاده لا يحب الخروج ولا التنزه إلا معهم، هما محور الكون بالنسبه له، ملك هادئه ورقيقه، ملامحه هادئه كل ما يهمها زوجها والاولاد
--------------
في صباح يوم جديد عند جنه كانت ترتدي ملابسها حتي تذهب إلي العمل، ارتدت فستان هادي وجميل واحكمت حجابها وخرجت، وجدت والدتها ووالدها يتناولون الإفطار
عبير: صباح الجمال
جنه بإبتسامه: صباح السعادة
عبد الحميد: تعالي ياله افطري
جنه بحب: هفطر مع الاشقيه مش بيعرفو يفطرو غير معايا، سلام بقي عشان هتأخر
عبد الحميد: فطار الهنا سلام ياروحي
خرجت جنه وذهبت إلي الروضه والقت السلام علي اصدقائها، ودلفت عند اطفالها مثل ما تسميهم فهي تعتبرهم اولادها،
جنه بإبتسامه حب: صباح الشقاوه علي القمرات
سما: باح خير مس(صباح الخير يامس)
جنه بحب: اجمل صباح ياخلاثي
احمد: مس ياله نفطر
جنه: احنا هنفتح مطعم ليك مخصوص، دا انت بتحب الاكل بشكل ياجدع وياريته بيبان ياميدو
احمد: بس هتيجي معايا
جنه: وراك وراك ياميدو هو انا ورايا حاجه، وياله بقي ياقمامير خلونا نفطر عشان نبدأ يومنا ونقرأ القرءان
هنا: ايوه انا احب قرءان
جنه: وربنا هيحبك عشان بتحبي القرءان
تحضر جنه كل يوم فطارها حتي تأكل مع الاولاد في الروضه لتقضي معهم وقتاً اطول في اللعب والضحك وتعوض حرمانها من الامومه بهم، بدأت ان تطعمهم بيدها وتاكل معهم
--------------
في منزل كامل نهض مبكراً ادي فرضه وارتدي ملابسه وذهب حتي يوقظ الاولاد
نهض مروان وقبل والده وقال: فطرت يابابا
ابتسم كامل وقال: ايوه ياروحي تعرف يامارو انا مش خايف يحصلي حاجه وانت موجود لاني خلفت راجل يعتمد عليه
مروان: ربنا يخليك ليا يابابا
كامل: واد يامارو تكونش راجل كبير ومخبي علينا
ضحك مروان وقال: يابابا انا عندي خمس سنين ونص
كامل بضحك: اصل كلامك كبير عليك
مروان بضحك: بتحصل في احسن العائلات يابابا
ملك بضحك: مش هتخلص من كلامه
كامل بسعاده: كلامه حلو اووي مايتشبعش منه
سيف بطفوليه: ونا حش بابا(وانا وحش يابابا)
كامل: دا انت اجمل واحد في الدنيا
مريم: ايوه وانا بقي
ملك بضحك: صدقني مش هتخلص وهتروح الشركه متأخر ويتخصم منك وتيجي نقعد جمبنا وهنبقي سوا
نهض كامل وعدل ملابسه وقبلهم جميعآ واقترب من ملك وقال: حضري نفسك عشان هستأذن من الشغل ونروح نكشف
ملك: مصمم برضه
كامل بتصميم: ايوه هرن عليكي تجهزي ونبقي نودي العيال عن اختي
ملك بإبتسامه: حاضر ياحبيبي، خد بالك من نفسك بس
ذهب كامل إلي العمل، أما ملك فبدأت في تنظيف المنزل وتحضير الطعام، وبعد ساعات قام كامل بالاتصال عليها حتي تستعد، فنهضت وارتدت ملابسها وجهزت الاولاد واخذتهم ونزلت والتقت بكامل، وأخذ الاولاد عند شقيقته، وبعدذلك أخذ ملك للطبيب وجلسوا في انتطار دورهم، وبعد فتره صغيره دلفوا إلي غرفه الطبيب
الطبيب بإبتسامه: حضرتك بتشتكي من ايه
ملك: بتحصلي دوخه كتير وصداع ملازمني وعاوزه انام كتير وبحس ان مش قادره اتحرك ودايما الرؤيه مش واضحه
بدأ الطبيب في فحصها تحت انظار كامل القلقه، وبعد ذلك قاموا بعمل بعض الاشعه والتحاليل بالمركز الخاص بالطبيب
كامل بخوف وقلق: خير يادكتور طمني
الطبيب بحزن: للأسف المدام عندها ورم خبيث وفي المرحله الاخيره
تجمعت الدموع في اعيون كامل واردف بحزن وقال: ازاي دا، اتأكد بالله عليك دي عمرها مااشتكت من حاجه
الطبيب بحزن: للاسف دي الحقيقه واللي ظاهر قدامي
انهار كامل وخارت قواه ووقع علي المقعد، فذهبت إليه ملك ورتبت علي كتفه وهي حزينه وقالت: اهدا ياحبيبي خلينا نستفهم، طيب يادكتور العمل ايه دلوقتي في عمليه
الطبيب بعمليه: العمليه نسبة نجاحها قليل لانه في منطقه خطر
كامل بحزن: يعني هنعمل ايه
الطبيب: هكتبلها علي علاج وهنبدأ في الكماوي
نهض كامل وامسك يديها وأخذ ورقة العلاج من الطبيب وخرج، وبعد ذلك وقف وكأنه تذكر شئ فتحدث لملك وقال: استني هنا ياقلبي نسيت اسأل الدكتور علي حاجه، اماءت ملك برأسها، أما هو فدلف إلي الطبيب وقال بتساؤل: دكتور في امل تتعالج
الطبيب: احنا نعمل اللي علينا والباقي علي ربنا بس هيا في المرحله الاخيره وايامها معدوده
انهار كامل وقال: كل مايصيبنا الا ما كتبه الله لنا
خرج كامل وأخذ ملك وذهب احضر الادويه، وبعد ذلك اخذها واحضروا الاولاد وذهبوا إلي المنزل، وكل منهم حالته لا تسمح بتحدث فكامل كان حزين ومكسور، وملك موجوعه من داخلها ولكن تظهر القوه امامه
---------------
في اليوم التالي بالشركه التي يعمل بها كامل،
كان يجلس وهو حزين والدموع تملئ عيناه فرأه صديقه واقترب منه ورتب علي كتفه وقال: مالك ياصاحبي في ايه من ساعت ماجيت زعلان وشكلك مكسور
كامل بحزن: مشاكل في البيت
حمدي بإستغراب: والمشاكل تخليك مكسور كدا
كامل بحزن: مراتي تعبانه وفي المرحله الاخيره ومش عارف اعمل ايه
نظر حمدي بحزن علي حال صديقه وقال: استهدا بالله ربنا مابيجبش حاجه وحشه وان شاء الله هتخف
كامل بأمل: يارب يارب
حمدي: قدم علي اجازه واقعد جمبها او هات حد يخدمها الفتره دي
كامل: هقدم طلب اجازه وان شاء الله تتقبل واقعد جمبها، خايف اخسرها مش هعرف اعيش من غيرها
حمدي: اتفائل خير يا كامل وارمي حمولك علي ربنا
كامل بحزن: يارب كله علي الله
------------
بعد مرور اسبوع في منزل كامل نهض مبكرا وقام بتحضير طعام الإفطار وذهب حتي يوقظ ملك من النوم
كامل بحب: صباح الجمال علي الجميل بتاعي
ابتسمت ملك وقالت: ايه الدلع دا كله من ساعت مااخدت الاجازه وانت مدلعني اووي
كامل بحب: انت ياباشا مدلع لوحدك
ضحكت ملك وقالت: بتحبني ياكامل
كامل بعشق: لا مش بحبك انا بعشقك
ملك بحزن: اوعا تزعل مني في يوم من الايام، وسامحني وماتفتكرش في اي موقف وحش ليا
كامل بحزن: عمري ماازعل منك ياروحي
ملك: اوعا تزعل مروان ومريم وسيف خليهم دايما جمبك وفي حضنك اوعا تبعدهم عنك
كامل: بلاش كلامك دا عشان خاطري
ملك: خليني اتكلم براحتي واقؤلك اللي جوايا
كامل بقهر: هتكسر صدقيني
ملك: بعد الشر عليك من الكسر والوجع، اتجوز ياكامل اتجوز عشان خاطر الاولاد يلاقو حد يهتم بيهم بس اوعا تقسي عليهم وابقي افتكرني وخلي العيال يفتكروني دايما وتعالو ليا كتير
كانت ملك مع كل كلمة تخرج منها تعلو معها شهقاتها وتزداد دموعها وتملئ وجهها، اخذها كامل بين احضانه لمحاولة تهدئتها
كامل بدموع: خلاص عشان خاطري اهدي وبعدين هعمل كل اللي اقدر عليه وهشوف دكتور واتنين وتلاته مش هسكت وهتخفي وتبقي فله شمعه منوره
ضحكت ملك مابين دموعها وقالت: هوحشك
انهار كامل وضمها بين احضانه بقوه ونزلت دموعه كالشلال مثل الاطفال، رتبت ملك علي كتفه وقالت: انا مش زعلانه انا رايحه للرحمن الرحيم الحنان المنان
بعد مرور شهرين تدهورت الحاله الصحيه لملك ونقلت إلي المشفي، وانهار كامل بسب حالها وتحولت حياته السعيدة إلي حزن وقلق وخوف من القادم
-----------
في منزل جنه
عبير: ايه رأيك
جنه: جميل اووي
عبد الحميد: ماتوروني انا ماليش نفس ولا ايه
ضحكت جنه وقالت: كله الا انت ياعبده، تعالا شوف
عبد الحميد: هو ايه بقي
ضحكت عبير وقالت: دا عزال عروسه كان معدي وجايبه حاجات جميله
عبد الحميد بضحك: طيب ما العروسه بتاعتي هتجيب احسن من كدا
عبير رفعت حاجبيها وقالت: دا في الاخره بقي
تراجع عبد الحميد للخلف وقال: ولا الاخره ياحبيبتي انتي حياتي في الدنيا والاخره
ضحكت جنه حتي ادمعت عيناها ولا تستطيع التوقف عن الضحك
عبد الحميد بغضب مصتنع: عجباكي اوي ياختي دي كانت هتعملني كفته
جنه بضحك هستيري: هو حد يقف قدام القطر برضه
عبير بتساؤل: بتقولي حاجه يابت
جنه: ابدا ياوالدتي بعقله بس
عبد الحميد بضحك وصوت منخفض: بت ياجنه هيا العروسه حلوه
جاءت عبير من خلفه وقالت: تحب تشوفها
عبد الحميد بمرح: استغغر الله يااخت عبير وسعي كدا خليني اصلي العشا
جنه: العشا الساعه ٣
عبد الحميد: خليكي محضر خير يا أختاه
------------------
في منزل كامل
بعد ما اصرت شقيقته علي التواجد مع ملك في المشفي ذهب هو للاطمئنان علي الاولاد فذهب إلي المنزل وجدهم نائمون بجوار بعضهم بغرفة والدتهم فدلف إلي الغرفه واخذهم في احضانه ونام بجوارهم علي الفراش وهو يبكي مثل الاطفال، وكأنه سيفقد والدته
استيقظ مروان من النوم وقال: بابا
كامل بدموع حاول اخفائها: نعم ياحبيبي
مروان: ماما هترجع امتي
كامل بحزن: ان شاء الله قريب تخف بس وهترجع
مريم: بابا هيا ماما هتسيبنا وتروح عند ربنا
كامل بوجع وكسر: ليه بتقولي كدا يامريم
مريم بدموع: سمعتها وهيا بتتكلم
اخذها كامل بين احضانه وقال: ادعولها كتير تخف وترجع في وسطنا
كان كامل يتحدث مع اولاده لمحاولة التخفيف عنهم واثناء ذلك رن هاتفه فشعر بالخوف والقلق يعصف بقلبه عندما رأي رقم شقيقته فقام بالرد عليها وهو يرتعش من الخوف وتحدث قائلا: الو ايوه ياغاده في اي، في حاجه حصلت اتكلمي
غاده ببكاء: البقاء لله ياكامل ملك ماتت
صدم كامل وكأن صاعقه من السماء نزلت علي رأسه وبدأت دموعه تنهمر كالشلال علي زوجته وحبيبته الراحله
غاده ببكاء: الو الو كامل لازم تيجي تعمل الاجراءات الو
كامل بوجع وحزن: حاضر جاي
نهض كامل وذهب إلي المشفي وقام بعمل الإجراءات اللازمة، وبعد عدة ساعات دفنت ملك وعاد هو إلي المنزل وسط اولاده وهو حزين ومكسور وكأنه طفل فقد والدته
------------
ظل هذا الحال من الحزن يخيم علي المنزل لمدة سنه ونصف، وهو أصبح لا يعرف الاهتمام بالاولاد ولا حتي بعمله، بدأت حاله الاطفال تدهور بسبب عدم الاهتمام بهم، وأما شقيقته حاولت قدر المستطاع أن تهتم بهم وأيضاً لم تستطع فهي أيضا لديها حياتها الخاصة ففي يوم قررت التحدث مع كامل
غاده بحزن: ماينفعش كدا ياكامل لازم تتجوز عيالك صغيرين وهما كدا متبهدلين من هنا لهنا واخوك ومراته بيعملوهم وحش واحيانا بيضربوهم
كامل بغضب: جواز مش هتجوز بعد ملك وعيالي ههتم بيهم واسف اني بتعبك معايا
غاده بحزن: اخص عليك ياخويا دا انا عنيا ليك
كامل: وبعدين مين قالك ان اخويا ومراته بيضربو العيال
غاده: مروان قالي وماحبش يقؤلك عشان ماتتكلمش مع اخوك وتعمل مشكله، اولادك عاوزن ام ليهم حرام تحرمهم، اتجوز ياكامل دي سنة الحياه، الحياه مش بتقف واظن ملك طلبت منك دا انا مش بقول كدا عشان اريح دماغي، والله ابدا عيالك هما عيالي واخاف عليهم اكتر من نفسي فكر ياحبيبي ورد عليا انا اعرف واحده كويسه وبنت ناس فكر
نهضت غاده وأخذت اغراضها وذهبت، أما كامل فجلس ووضع رأسه بين يديه وهو يفكر ويتحدث مع نفسه: ياتري كدا هظلم عيالي لو مااتجوزتش، طيب لو اتجوزت هبقي خاين ليكي ياملك، طيب اللي هتيجي دي هتريح عيالي ولا هتكرهم في نفسهم زي مابنسمع عن مراتات الاب، وهو في حد بيربي عيال حد، عيالي هيحبوها ولا هيلموني اني جبتلم مرات اب، يارب انا محتار ومش عارف اخد خطوه خليك جمبي انا محتاجك انا ضعيف وانت القوي انا بستقوي بيك يارب، يارب قدم اللي فيه الخير والصح لأولادي
نهض كامل وصلي ركعتين لله ودلف ينام وهو بيدعي ويستنجد بالله
------------
بعد مرور اسبوع
في منزل جنه، كالعاده نهضت وذهبت إلي عملها كالمعتاد، اما غادة فظلت تلح علي كامل أن يوافق، وبالفعل بعد عدة محاولات وافق كامل علي الفكره فقط لأجل اطفاله وهو يرجوا من الله أن الفتاه التي قالت عليها شقيقته تكون انسانه جيدة وان تحب اولاده وتعوضهم عن حنان والدتهم مع أن هذا لا يعوضه أحداً اخر، تحدثت شقيقته غاده مع والدة جنه وقالت لها ان شقيقها يبحث علي زوجه له، سعدت والدة جنه وأخبرت غاده انها ستبلغ جنه بالأول وتأخذ منها الموافقه، وبعد ذلك قامت بالاتصال علي جنه
عبير: ايوه ياجنه تعالي عوزاكي ضروري
جنه: في ايه ياماما انتي عارفه اني مابحبش اسيب الشغل واطلع
عبير: تعالي البيت عوزاكي بسرعه في موضوع مهم
جنه: ساعت مابتقولي موضوع مهم بعرف انتي عاوزه تقولي ايه بالظبط، ريحيني ياامي وبطلي كلام في الموضوع ده، انا قفلت الباب المناقشه من زمان
عبير: هستناكي متتأخريش
اغلقت جنه الهاتف وهي تتنهد بحزن: مصممه ياماما تدوسي علي جرحي كل شويه انتي مفكره انه سهل عليا قاعدتي، اهي قاعدتي اهون عليا من اتكسر من كلام حد واسمع كلام يوجع من تاني
نهضت وأخذت اغراضها واستأذنت وذهبت الي المنزل، واول من دلفت وجدت والدتها تجلس والابتسامه تزين وجهها
جنه بتساؤل: خير ياماما في ايه وايه سر السعاده دي
عبير: اقعدي واستهدي بالله وانا هقؤلك كل حاجه
جنه: ونعمه بالله
جلست جنه وقامت والدتها بسرد كل ما حدث واخبرتها بظروف كامل وان اطفاله في حاجه للاهتمام وانهم بحاجه إليها حتي تعوضهم عن فقدان والدتهم
جنه بحزن علي الاطفال بعد ما استمعت إلي حديث والدتها فقالت: وانا موافقه خليهم يجو انهارده
عبير بسعاده: بجد ياجنه ولا هتحرجيني
جنه بجديه: عمري مااحرجك ياامي ياله هقوم ارتاح شويه
---------
في المساء في منزل كامل
غاده: ياله ياكامل الناس مستنينا
كامل بألم: براحه ياغاده انزلي انتي والاولاد وهاجي وراكي
نظرت إليه غاده ورأت نظرة الحزن التي تملئ عيناه والدموع التي يحاول اخفائها وشعرت انه يريد الانفراض بنفسه ولو لدقيقه قبل تلك الخطوة فأخذت الاولاد وذهبت الي الاسفل لانتظاره، أما هو فذهبت وجلس علي الفراش
وامسك صور ملك وانهمرت دموعه واردف قائلاً: سامحيني انا مش عاوز غيرك انا عارف ان دي خطوه صعبه انا هظلمها معايا ولا هظلم نفسي، مش عارف ياملك كل اللي اعرفه انك ارتحتي وسبتيني في العذاب ده لوحدي، وبعد وقت كبير نهض كامل وقام بغسل وجهه وتعديل ملابسه ونزل أخذ شقيقته واولاده وذهب لمنزل جنه، استقبله عبد الحميد وعبير وبدأو يتحدثون سوياً، وبعد فتره صغيره دلفت جنه لتقدم العصائر، ثم بعد ذلك ذهبت وجلست بجوار مروان ومريم وأخذت سيف علي قدميها وقالت: ممكن نتعرف
مروان: انا مروان ودي مريم ودا سيف
مريم بتساؤل: انتي مين بقي
جنه بحب: انا جنه اسمي جنه
مريم: اسمك جميل اوي وانتي جميله
ابتسمت جنه ورأها كامل ووجد اطفاله وهم سعداء معها، وهي تأخذ مريم بين احضانها وتتحدث معهم بحب، اتفق كامل مع والدها أن يتم عقد القران بعد اسبوعين وطلب منهم أن ينفرد بجنه لتحدث معها، فنهض عبدالحميد وأخذ عبير والاولاد وغاده خارجا
كامل بحزن: دول اولادي ماليش غيرهم في الدنيا انا مش هضغط عليكي وهنتظر ردك
جنه: استاذ كامل اولادك دول نعمه كبيره ربنا رزقني بيها وان شاء الله هكون زي مامتهم انا اتحرمت اكون ام واتجوزت قبل كدا واظن غاده اخت حضرتك قالتلك
كامل: انا كل اللي طالبه انك تهتمي بيهم وتقربي منهم وانا عنيا ليكي في اي حاجه تعوزيها
جنه: ان شاء الله هحافظ عليهم سيبها علي الله وثق فيا
كامل: ونعمه بالله، استأذن انا ولو في اي حاجه كلميني علطول ولو عاوزه تفكري خدي راحتك
جنه بإبتسامه: حاضر مع اني موافقه علي طلبك
اخذ كامل شقيقته والاطفال وذهب، ومضي اسبوعين وجاء يوم عقد القران، مضي كامل اليوم بأكمله عند قبر ملك وكان يتحدث معها ويسرد لها ما حدث: انا كدا اخدت القرار الصح ولا اتسرعت ياملك، هيا حبت الاولاد، والاولاد اخدو عليها عمري ماانساكي ياملك انتي الحياه الحلوه اللي عشتها واجمل ذكرياتي معاكي كان نفسي تكوني انتي جمبي ونكبرهم سوا
مسح كامل دموعه ونهض وقرأ لها الفاتحه وذهب إلي المنزل، واستعد هو والاولاد واخذهم وذهب لمنزل جنه، بمجرد ما أن دلف إلي منزلها ركض الاولاد ناحيتها لاحتضانها مهما كان فهؤلاء أطفال، والاطفال يحبون من يشعرهم بالحب والأمان، وأيضاً طوال الفتره السابقه كانت جنه تحضرهم إلي منزلها وتجلب لهم الألعاب،
بعد فتره تم عقد القران عندما هتف المأذون بجملته الشهيرة بارك الله لكما وبارك عليكما وجمع بينكما في خير، أنهي المأذون عمله ورحل، وجاء دور جنه حتي تذهب مع كامل، فذهبت جنه حتي تودع والديها
عبير بسعاده: خدي بالك من نفسك ومن الاولاد
جنه: حاضر حبيبتي ويارب تكوني مرتاحه كدا
عبير بإبتسامه: مرتاحه ومطمنه لان معاكي راجل محترم وراضيه عنك وبدعيلك يفرح قلبك
عبد الحميد بمرح: كفايه رغي بقي سيبهالي ابوسها، ربنا يطمني عليكي ياروحي حطيهم في عينك يابنتي
جنه: حاضر عيوني
بعد حديث وقبلات لها من الجميع وإصرار والديها علي أخذ الاولاد معهم اليوم، ولكن رفضت جنه وبشده وقالت: ماينفعش يبعدو عني، في نفس الوقت سعد كامل من ردة فعلها، وأمطمن انها ستحافظ عليهم
جنه: ياله حبايبي فين بوسة ماما جنه
سيف: اتي ماما(انتي ماما)
جنه: ايوه ماما، انتو مش بتحبوني
مريم: بنحبك طبعا بس ماما فوق عند ربنا
حزنت جنه كثيراً وقطعت وعدا انها سوف تعوضهم وتخافظ عليها ثم اردفت بحنان وقالت: يعني مش حابين تقولو ماما خلاص قولو جنه
مروان: لا عيب عشان حضرتك اكبر مننا
جنه بحب اموي حقيقي: بصو خلينا اصحاب واي حاجه منكم هتبقي حلوه ياله بقي ياقمرات خلونا نحكي حدوته وننام عشان بكره يوم طويل مع بعض
مريم بفرحه: يعني هنلعب
جنه: هنلعب ونجري وكل حاجه
سيف: وايف لا(وسيف لأ)
حملت جنه سيف بين احضانها وقالت: كله الا سيفو حبيبي، وبدأت جنه تتحدث وتحكي لهم قصه إلي ان غفوا وبعد ذلك دثرتهم بالغطاء وخرجت وذهبت لكامل وقالت: تحب احضرلك عشا
كامل بإبتسامه: لو تحبي انتي اتعشي
جنه بإبتسامه: لا انا بحب انام خفيف
كامل بإمتنان: شكرا
جنه بإستغراب: علي ايه
كامل: معاملتك مع الاولاد
جنه بحب: دول نعمه كبيره وبعدين دول اولادي، لازم احبهم واخاف عليهم دول اطفال، والاطفال احباب الله، ان شاء الله هكون زوجه صالحه وام صالحه
ابتسم كامل لها وبدأو يتحدثون سويا ومضت الليله، وبدأت جنه تهتم بالاولاد وتهتم بطعامهم وملابسهم ومذاكرة دوسهم، واصبحت صديقتهم وتعودت عليهم وأصبح الاولاد متعلقون بها بشده، ولا يستطعون فعل شئ بدونها، وهي أيضاً تعلقت بهم واصبحت تحب كامل وهو ايضا بدأ يحبها ويتقرب إليها
---------
بعد مرور شهرين
مروان: بابا حابب العب كراتيه
جنه: الله حلو كراتيه، تفكير حلو يامارو
كامل: حاضر ياحبيبي هشترك ليك في النادي
مريم: وانا كمان يابابا عاوزه اشترك
كامل بضحك: تشتركي في ايه يامريومه
مريم: باليه شفت البنات في التي في بيلعبو حلو
جنه: ياجمالو ياناس
سيف: هو تل اويه اول ايف لا(هو كل شويه اقول سيف لا)
ضحك الجميع واخذهم كامل في احضانه وقال: حاضر كل اللي عاوزينه هعمله ياله قومو العبو علي مااكلم ماما جنه شويه
اخذ مروان اشقائه ودلفو الي الغرفه ليلعبو سويا
كامل: ربنا بعتك ليا من السما
جنه: صدقني انتو الجنه ليا وكفايه حبك واحترامك ليا
كامل: انتي فعلا جنه اسم علي مسمي احب اقؤلك شكرا، مع ان كلمة شكرا ماتكفيش حقك
جنه: انتو حقي وواجبي احبكم واخاف عليكم واهتم بيكم وماتنساش اشتراك في النادي للاولاد
واثناء حديثها نهضت تركض ناحية المرحاض وتقيئت، وبعد ذلك شعرت بالتعب فقام كامل بالاتصال علي الطبيب حتي يأتي، وبعد فتره قصيرة جاء الطبيب وفحصها وقال: مبروك المدام حامل
صدمت جنه مما تسمع وقالت: حضرتك بتقول ايه
الطبيب: بقول حامل بس عاوزه الراحه لانك حضرتك لسه في الاول ومحتاجه فتامين وغداء كويس
استأذن الطبيب وخرج، وبعد ذلك ركض كامل إليها واخذها بين احضانه وقال: الحمد لله يارب
جنه بصدمه: كامل انا مابخلفش اكيد الدكتور دا بيبالغ
كامل بسعاده: بكره هخدك ونكشف واعملك تحاليل واشعه ونطمن مبسوطه كدا
نهضت جنه وذهبت الي الاولاد وأخذتهم بين احضانها ودموعها تنهمر لا تصدق، وأخيراً ستصبح ام، أما كامل فكان ينظر إليها بحب وسعادة،
في اليوم التالي اخذها كامل وقام بعمل بعض التحاليل للتاكد، وبالفعل اظهرت نتيجه التحاليل صحة حملها سعدت جنه كثيرآ، وظلت تشكر الله في صلاتها ومضت عدة أشهر وفي يوم ما، سمعت جنه صوت مروان وهو يصرخ ويبكي فنزلت علي الدرج وهي تركض وجدت عمه يقوم بضربه بقوه فغضبت بشده وقامت بأخذ مروان من يده وقالت بغضب: انت ازاي تتجرأ وتمد ايدك عليه
هشام بغضب: انتي مالك واوعي تفكري انك امه
جنه بغضب: امه غصب عن اي حد، وعشان انا محترمه مش هرد عليك بس المره الجايه لو حد مد ايده علي ابني هقطعهاله
هشام بغضب: الواد دا قليل الادب وعاوز يتربي
جنه بغضب: مااسمهوش ولد اللي انت شايفه قدامك دا ماحدش يعرف يربي زيه وبعدين بأي حق تمد ايدك عليه
هشام بصوت مرتفع: مابيسمعش كلامي
جنه بغضب: ويسمع كلامك في ايه بقي احب اسمع بوداني
وقف هشام ولم يستطع أن يرد عليها
جنه: اقؤلك انا مابيسمعش كلامك ليه، لان حضرتك عاوز تشغله عندك وانا ابني مش بيشتغل عند حد فاهم وانا اللي قؤلتله ماتسمعش كلام حد، وخلي كرامتك فوق كل شيء، قسما بالله لو فكرت تمد ايدك تاني ماهرحمك ومش هستني حد يجب حق ابني
تركها هشام ودلف واغلق الباب بقوه فب وجهها، نظرت إلي مروان وجدته يبكي من شدة الضرب فجلست بجواره علي الأرض وأخذته بين احضانها وقالت: اوعا تنزعل في يوم وتنكسر انت اقوي من اي حد صدقني انت كبير في عيني وعين اي حد يشوفك وبعدين انت بطل ولسه متكرم امبارح ينفع بطل يعيط كدا
مروان بحب: انا بحبك اووي خليكي جمبي
بكت جنه واخذته بين احضانها وقالت: والله ماهرحم حد يكون سبب في نزول دمعه منك ولا من اخواتك وياله قوم ماينفعش نفضل علي السلم كدا وزمان بابا جاي، يقول علينا ايه واحنا قاعدين كدا
جاءت جنه حتي تنهض وجدت كامل يقوم بإسنادها
كامل: حبي ليكي مايكفيش ومايسويش حاجه جمب حبك لاولادي
جنه بتساؤل: انت هنا من امتي
كامل: من الاول واستنيت اشوف رد فعلك
جنه بحب: دول اولادي قبل مايكونو اولادك دول جنه علي الارض
اخذها كامل ورتب علي كتفيها واخذهم وصعد إلي الشقه، ومضت فتره واقترب موعد الولاده، وسعدو كثيراً عندما عرفوا انها تحمل تؤام
جنه: اه تعبانه مش قادره، خد بالك من الاولاد ياكامل لو حصلي حاجه خليهم في عينك
كامل: حبيبتي ربنا يخليكي انتي لينا وخدي بالك من نفسك انتي
حنه: ولادي اهم، دول امانه هنتسأل عليها
كامل: جنه
جنه: نعم
كامل: انا بحبك اووي ياجنتي
ابتسمت جنه وقالت: وانت سندي وحبيبي
كامل: هخلي الاولاد عند غاده علي ماتولدي وتقومي بالسلامه حبيبتي
جنه: لا ولادي علي رجلي في اي مكان
اقترب مروان من جنه وقال: ماما ممكن اطلب منك طلب صغير بس من غير ماتزعلي عشان خاطري اهم حاجه زعلك
جنه بحب: قولي ياروحي اللي انت عاوزه
مروان: ممكن نسمي اختي اللي جايه علي اسم ماما
جنه بفرحه علي اخلاص مروان ورجولته رغم صغر سنه: اكيد طبعا ينفع دا اسم ملك جميل اووي
فرح مروان كثيراً، وفي المساء وضعت جنه طفليها واحضرت ملك وادهم، وبعد ذلك ذهبت لمنزل والدها واصرت ان تأخذ مروان ومريم وسيف معها وكانت تحرص أن تهتم بهم، فكانت والدتها تساعدها مكثت فتره في منزل والدها إلي ان تحسنت، وبعدها أخذت اولادها وعادت وهي معها اغراض كثيره فأندهش كامل واردف بتساؤل قائلا: اي دا كله ياجنه
جنه بسعاده: دي حاجات الاولاد
كامل بتساؤل: حاجات ملك وادهم
جنه بحب اموي: لا حاجات مروان ومريم وسيف
ضحك كامل بشده وقال: والله بقيت اغير منهم
ضحكت جنه: انت الاصل ياابو ملك
واصبحت جنه ام لخمسة اطفال قامت بتربيتهم وغرست فيهم الحب، والطيبه، والخير، وطول حياتها لم تتعب او تمل، ربتهم جنه تربيه تفتخر بها أمام الناس، لم تشعرهم أبدا بغياب والدتهم، لانها كانت ونعم الام عرفت جيدا كيف تحتويهم، وتحافظ عليهم، فالأم هي التي تربي، وتخاف، وتحب، صدقا عوض الله كبير يرزق من دون حساب، تحملت جنه الاهانه، وحديث الناس، ولكن احتسبت ذلك عند الله وتوكلت عليه،
أما كامل فاخاف علي اولاده ولكن استودعهم عند الله، وكان كرم الله كبير فرزقه بجنه التي حرصت علي اولاده، وخافت عليهم، واحبتهم كثيراً، وكأنهم اطفالها،
وعسي ان تكرهوا شيئاً وهو خير لكم وعسي ان تحبوا شيئا وهو شرا لكم
تمت بحمد الله❤
-------------------
دمتم بخير ياقمرات
#شروق_محمد
#shrouk
