قصة : { #زي_القمر } 🌗✨
الحلقة الخامسة عشر { ١٥ } ♥
( تتخض جميلة بفرحة وتشاورله ب اة ، يلبسها الخاتم ويبوس ايدها )
نسمة بحقد : حد يصدق إن اختك يتعملها كل دة !
منة بضيق : الوحشين دايماً ليهم بخت !
فاطمة : ومين قالك إنها وحشة ، جميلة زي القمر
( يبصولها ب استغراب ، تعدي الأيام وامير يروح يتقدم ل جميلة رسمي ويتقرا فاتحتهم ، جوة مستشفى ، راوية ف اوضة العمليات بيولودها ، عمر والكل واقفين برة ع اعصابهم وعمر عمال رايح جاي متوتر وخايف )
عمر : يارب ، يارب
الام : تعالى اقعد شوية ي حبيبي
عمر بخوف : مش قادر اقعد ي امي !
نور : متقلقش دلوقتي تطلع بالسلامة
عمر بقلق : يارب ، يارب عديها ع خير !
( تطلع ممرضة تجري من اوضة العمليات ، يترعب عمر اكتر )
عمر بقلق : ليه كدة ، ليه بس ي راوية ليه كدة حرام عليكي ، استر يارب !
جميلة ب استغراب ل امير : هو ليه عمر قلقان اوي كدة ؟!
امير بصوت واطي : عشان راوية عندها السكر ، ف ممكن تدخل ف غيبوبة وهي بتولد او يحصل للبيبي حاجة
جميلة بفهم : ااااه ، ربنا يستر !
امير : يارب
( يطلع الدكتور )
عمر بلهفة : ايه ولدت ؟
الدكتور : اة مبروك جابت ولد
عمر : طب هي عاملة ايه ؟
الدكتور : هي كويسة والبيبي كويس متقلقش
عمر بفرحة : متأكد ي دكتور ؟!
الدكتور : والله كويسة وتقدر تشوفها كمان ، هي طالعة دلوقتي
الام ب ارتياح : الحمدلله يارب
عمر وهو بيحضن الدكتور : متشكر اوي متشكر
الدكتور : العفو
( تطلع راوية ، يجري عليها عمر يبوس ف ايدها ودماغها )
عمر : حمدلله ع السلامة ي قلبي
راوية : الله يسلمك
عمر : كنت هموت م القلق عليكي والله
راوية ب ابتسامة تعب : بعد الشر عليك
( يبوس ايدها ، تعدي الأيام )
*( بعد مرور 7 شهور ، شهر 8 )*
( امير وجميلة ف المول بيشتروا حاجات لشقتهم ، واقفين ف محل اكسسوارات للبيت )
جميلة وهي باصة ع دبدوب : امير بص ، شايف الدبدوب دة
( يبص امير ع المحل الي ف وشهم )
امير : اة
جميلة ب استغراب : عملوه ازاي دة كبير اوي ، شكله يخوف !
امير : هيطلعلك بالليل هعهعههع
جميلة : ي رخم بس انا بخاف !
امير : جبانة
جميلة : ماشي ، كلها شهرين لما نتجوز وهرعبك
( يقرب عليها )
امير وهو بيقرب عليها وبيغمزلها : انا هموت واترعب ع فكرة
جميلة بكسوف : اتلم احنا ف المحل !
امير بضحك : سوري اندمجت !
جميلة : ههههه
( يكملوا باقي حاجاتهم ويركبه العربية ويمشوا )
جميلة : هنوديهم البيت ؟
امير : اة اكيد
جميلة وهي بتمسك فونها : طب استنى اقول لماما
امير : اوك
( تتصل بمامتها )
جميلة : ايوة ي ماما ، بقولك احنا هنروح الڤيلا
الام : ليه ؟!
جميلة : امير هيدخل الحاجات الي جبناها
الام : هتتأخري يعني ؟
جميلة : لا لا دقتين هيدخل الحاجة ونروح
الام : ماشي ، خفي قبل ابوكي م يوصل
جميلة : اوك ، سلام
( تقفل جميلة )
امير : ايه ؟
جميلة : تمام هنروح بس منتأخرش
امير : اوكاااي
( عمر وراوية ف سوبر ماركت بيشتروا حاجات ومعاهم ابنهم مبسوطين ، يوصل امير وجميلة قدام الڤيلا ، ينزل امير )
امير : مش داخلة ؟
جميلة : لا هستناك هنا ، مقلتش لماما إني هدخل
امير : انزلي ي هبلة مش هخطفك انا
جميلة وهي بتطلعله لسانها : متقدرش اصلاً
امير : هقصلك لسانك دة انزلي
جميلة : ماشي بس منتأخرش
امير : ماشي يلا
( تنزل جميلة ، يفتح امير شنطة العربية ياخد الحاجة هو وجميلة ويدخله الجنينة )
جميلة وهي باصة فوق : احلى حاجة البلكونة دي
امير : معندناش حريم تدخل البلكونة
جميلة : اومال مين الي هينشر الغسيل إن شاء الله ، انت ؟!
امير : انا ايه ، شايفة سوسن قدامك ، هجيبلك شغالة
جميلة بفرحة : بجد هتجيبلي شغالة !
امير : ايوة اكيد ، اومال اسيبك انتي تتعبي
جميلة : الله حلو اوي كدة
امير : اي خدمة
جميلة : تسلملي ي قلبي
امير : قلبي من غير حاجة كدة ؟
جميلة : عاوز ايه ؟!
امير وهو بيقرب عليها : انتي شايفة ايه ؟
جميلة بخوف : اهو عشان كدة خفت ادخل ، ابعد بقا
امير ب استغراب : خفتي ، خفتي مني !
جميلة بندم : لا مش قصدي !
امير : طيب خليكي هنا عشان معملش حاجة تخوفك !
جميلة : ي بني انا .............................................................
( يدخل امير الڤيلا وباين عليه الزعل ، تدخل وراه جميلة ، يحط الحاجة ويلف يخبط فيها )
امير : مش قلتلك خليكي برة !
جميلة : والله مش قصدي الي ف دماغك ، انا مبخافش منك !
امير وهو بيحط ايده ف جيبه : انتي لسة قايلة خفت !
جميلة : ايوة بس انا مش قصدى منك يعني ، مش عارفة اوصلهالك ازاي !
امير بضيق : هي وصلت ي جميلة ، يلا
( ييجي يمشي تمسك ايده )
جميلة : امير بلاش تعمل مشكلة ع حاجة تافهة كدة !
امير : مش حاجة تافهة ع فكرة ، ومعملتش مشكلة ولا حاجة ، كل واحد حر
جميلة : طب انا اسفة
امير : انتي مغلطيش عشان تتأسفي
جميلة : طب اعملك ايه طيب ؟!
( يقعد امير ع كرسي )
امير وهو باصص ف الأرض : ولا حاجة ي جميلة ، اطلعي وهحصلك
جميلة وهي بتقرب عليه : مش هتطلع معايا ؟
( ميردش ، توطي تمسك دماغه )
جميلة : حقك عليا ، انا اسفة متزعلش مني
( تبوس دماغه ، يبصلها ويضحك )
جميلة استغراب : بتضحك ع ايه ؟!
امير : ع خيبتك
جميلة : خيبتي !
امير : رعبتك مش كدة ، عشان تعرفي مين فينا الي هيرعب التاني ي قلبي
جميلة بفهم : ايوووه ع رخامتك ، انت رعبتني بجد !
امير وهو بيقف : وخدتلي بوسة كمان ببلاش
جميلة بعصبية وهي بتضربه ف صدره ورا بعض : انت رخم اقسم بالله مش طيقاااك !
امير بوجع وضحك : ااااه هههههه بس كفاية بلاش افترى !
جميلة : انت لسة شوفت حاجة
( يمسك ايدها يكتفها ورا ضهرها ويقربها عليه )
جميلة بخضة وهي بتبعد وشها عن وشه : لا لا اوعااااا !
امير : اهدي بس هكلمك
جميلة : سيبني طيب الأول !
امير : لا ف الأخر عشان مش مدياني فرصة اتكلم
جميلة : لا والله انا .......................................................
امير : افصلي بقا
جميلة : اوك
امير : انا مش عاوزك تخافي مني ، انا مستحيل أأذيكي
جميلة : انا مش .......................................................
امير : ششششش
( يسيب ايدها ويحط ايده ع خدها )
امير : انا مقدرش اعملك حاجة تضايقك او اخد منك حاجة غصب عنك ، مش عشان فرحنا قرب لا عشان انا بحترمك وبقدرك وانتي حاجة غالية عندي اوي ، حاجة مستحيل اهين مشاعرها او اقلل منها ف نظري ، اوك ؟
جميلة بحب : اوك
( يفضلوا باصين لبعض )
امير : يلا ؟
جميلة : يلا
( فاطمة قاعدة مع صحابها )
فاطمة : مش فاهمة !
منة : ي بنتي هتسبيها كدة تاخد منك الولا !
فاطمة : ولا مين الي تاخده مني ، امير بيحب جميلة ، هو لو كان عاوزني مكانش اتجوزها هي م الأول !
نسمة : يعني المصدية دي تتجوز برنس الجامعة وانتي تقعدي هنا تحطي ايدك ع خدك !
