قصة : { #كسرة_نفس } 🚶🏻💔
الحلقة الأولى { ١ } 🥀
*( شهر 5 ، سنة 2018 )*
( تدق الساعة اربعة العصر ، جوة ڤيلا كبيرة ، ست ف الأربعينات بتجري ع السلم ، تطلع الأنتريه وهي بتنهج )
ماجدة بتعب : سلواااا ، ادهم ، ادهم راجع
سلوي بحماس وهي بتسيب الفون من ايدها : ايوة سمعت نجلاء وهي بتقول لعمي إنه جاي هو وابوه
ماجدة وهي بتقعد : والله جه ف وقته
سلوى ب استغراب : دة اشمعنا ؟!
ماجدة : يعني مش عارفة اشمعنا ؟
سلوى بفهم : امممم ، اكيد جاي يتجوز
ماجدة : واكيد حد م العيلة
سلوى : طبعاً ، انا عارفة مين
ماجدة بفضول : مين ؟
سلوى بغرور : بنتي طبعاً
ماجدة : والله ، طب وليه مش بنتي إن شاء الله ؟!
سلوى : عشان ان ...................
( تقرب واحدة ست ، يسكتوا )
نجلاء ب ابتسامة : بنچووور
سلوى وهي بتشدها من ايدها : تعالى تعالى
( تقعدها جنبها )
نجلاء بخضة : ايه في ايه ؟!
سلوى : سمعنا إن ادهم ابنك راجع م السفر ، الكلام دة صح ؟
نجلاء : ايوة امبارح خد اول طيارة وزمانه ف السكة هو ومالك
ماجدة : وجاي يتجوز بقا مش كدة ؟
نجلاء ب استغراب : لا مجبليش سيرة جواز ، معرفش الموضوع دة !
( يتخضوا ويبصوا لبعض )
سلوى : طب ليه مقالكيش ؟!
ماجدة بقلق : هو هيتجوز من برة العيلة ولا ايه ؟!
نجلاء : والله م اعرف حاجة لما ييجي هنعرف ، وبعدين انا سيباه براحته هو مبقاش صغير خلاص
سلوى ب انفعال بسيط : لا طبعاً ازاااي لازم يتجوز ولازم تكلميه
نجلاء : انا ...................
ماجدة : عمي اكيد هيفاتحوا ف الموضوع دة صح ؟
نجلاء بزهق : مش عارفة ي ماجدة والله ، منه لجده بقا
سلوى بيأس : طيب ، منه لجده صح
( تقوم ماجدة وسلوى )
نجلاء : رايحين فين ، مش هتفطروا معايا ؟!
سلوى : لا سبقناكي ي حبيبتي
( تمشي ماجدة ووراها سلوى ، فوق ، جوة اوضة ديكوراتها بناتي ، بنت نايمة ع السرير ، تدخل ماجدة مرة واحدة )
ماجدة : علياااااا ، انتي ي زفتة ، عليااااا
عليا بنعاس : اممممم !
*( ملحوظة .. عليا بنت جميلة ، بشرتها بيضة ، عيونها عسلي ، شعرها اسود طويل ، قصيرة حبتين وجسمها مظبوط ، عندها ٢٢ سنة ، لسة مخلصة دراسة ، عايشة ف بيت زي بيت العيلة الكل عايش فيه ، جدها غني جداً عنده شركة من اكبر شركات الهندسة ف مصر والكل م العيلة شغالين معاه فيها )*
ماجدة : قومي يلا
عليا بنعاس : اييييه مصحياني ليه دلوقتي !
ماجدة : قومي ادهم راجع م السفر
عليا وهي بتبصلها بعدم تركيز : ادهم مين ؟!
ماجدة : ابن عمك مالك ي مسطولة هو في غيره !
عليا بعدم اهتمام : ايوة طب وانا مالي ؟!
ماجدة بزعيق : ناااااعم !
( تخضها ، ف تراك نادي ، بنت بتجري ، يرن الفون بتاعها ، تقف تاخد نفسها )
رحمة وهي بترد : ايوة ي ماما ؟
*( ملحوظة .. رحمة بنت جميلة ، عيونها بني ، بشرتها خمرية ، شعرها اسود قصير ، طويلة ورفيعة جسمها متناسق رياضي ، عندها ٢٣ سنة ، مخلصة دراسة ، تبقا بنت عم عليا )*
أنت تقرأ
قصة : ( كسرة نفس ) ل سهيلة سعيد المنجي ، 2018
Romance_ متحكمش ع حد من قسوته ، كلنا فينا قسوة مهما كنا حنينين وفينا حنية مهما كنا قاسيين ، قرب وادي فرصة ، فرصة للقاسي يظهر حنيته ، وابعد عن الحنين وشوف ، وخلي بالك اوي من كسرة نفس البني ادم وحشة ، مهما كان مين
