#يوميات_محامى kiki emoticon
..
.. فى سنة 2024
=يمين شوية يا عم محمد بس تمام كدة اليافطة بقت معدولة
خالد ركابى طاهر المحامى دة انا تعبت اوى يا عم محمد عشان ابقى محامى تخيل انا اخدت الثانوية فى ست سنين و8 سنين جاامعة عمر تانى والله يلا الحمد لله smile emoticon
..
_يا خالد ياابنى انا بستسمحك يعنى انا عندى ابن أختى بيدور على شغل ومش لاقى ممكن تشغله معاك حتى لو سكرتير اى حاجة دة حتى المحاماة بيشتغلوها الناس اللى مش لاقية شغل وربنا يجازيك خير يعنى
..
= بقولك ايه يا عم محمد انا لسة معلق اليافطة وبعدين انت بتغلط بالطريقة بس يلا يمكن ربنا يكرمنى عشان ابن اختك دة ابعتهولى وكله بثوابه
..
بس يا خالد بيه انا واد اعجبك اوى وبعدين انا لامؤاخزة يعنى حافظ كانون كويس اوى
..
=ولا بس ياض بص انتى هتقعد ع المكتب اللى برة دة ولما هيجى العميل هتقوله استنى هنا حضرتك وتدخل تقولى اى كلمتين وبعدين تطلع تقوله اتفضل انت متنح كدة ليه بقولك ايه شكلك غبى
بص يا حبيبى لما هيجى الزبون تدخلهولى وانا اتصرف معاه upset emoticon
..
وجب يا معلمى بقولك ايه خش يابا كدة اقعد على مكتبك فى زبون جاى هناك اهو فرجت
=معلمى ووجب هزلت والله
..
= يا فرج الله
ــــــــــ
+السلام عليكم
_وعليكم السلام يا مودام اؤمرى كدة بالصلاة ع الصلاة pacman emoticon
+حضرتك هو المتر موجود
_متر ايه يا مودام حضرتك المتر دة تفصلى بيه جلابية الست الوالدة هى ناقصة بلاوى ع الصبح انتى جيتى فى المكان الغلط يا حاجة اتكلى على الله
.. سوفاج
_بلا سوفاج بلا اسيوط انا مش فايقلك وربنا
ـــــــــــ
بعد شوية
=ايه يابنى فين العميل
_يا باشا دى كانت جاية بتسئل على ترزى بس انا قومت بالواجب دة كانت بتقولى متر
= نهار اهلك مش فايت يابنى هى عايزة المتر انا اسمى المتر unsure emoticon انا اسمى المحامى واسمى المتر برضو الله يخربيت غبائك
_متزعلش نفسك يا خالد بيه محدش بيتعلم ببلاش
.. وخش يابا على مكتبك فى زبون طالع ع السلم أهو
= دى اخر فرصة ليك
ــــــــــــــــــ
+مساء الخير
_مساء النور يا افندم
+حضرتك الاستاذ موجود
_ايه يا بشمهندس اسم الله على مقامك انت جاى المكتب بتاعنا عشان تسئل على أساتذة يا عم متضيعليش الدماغ اللى انا عاملها ابوس ايديك
+ يا ابنى مانتو معلقين يافطة برة فى الشارع اهى
_يابا اعمل معروف سيبنى فى حالى بقولك ايه المدرسة على اول الشارع هناك هتلاقى اللى انت عايزه فكك منى بقى ع الصبح
______________
بعد شوية
=فرحنى يا وش الخير أكيد اتعملت الشغل
_أه اتعلمت يا بيه عيب عليك
=طب إيه اخدت ميعاد ولا هببت ايه ما انا عارفك غبى
_انا دليته ع الطريق الصح هو كان عايز الاستاذ وانا قولتله يروح على اول الشارع فى مدرسة هناك اسمها الجيل الصاعد اكيد هيلاقى اساتذة كتير
=قلبى هيقف والله قلبى هيقف يابنى حرام على اهلك انت الغباء دة جايبه منين
ياعم انا الاستاذ انا المحامى انا الهباب الازرق انا المتر
انا داخل اتنيل ع المكتب عشان انت جيبتلى الضغط وهموت على ايدك ان شاء الله
_____________
_هو هيتنطط علينا ليه هو عشان بقى محامى يعنى ما كلها بتقعد ع القهوة لا شغل ولا مشغلة دة انا حتى بشغل دماغى احسن من ايتوها محامى
_ يا فرج الله فى زبون جاى انا هخليه يدخل للاستاذ بأى طريقة بقى عشان نورزق بقى
+مساء الخير
_مساء العسل على عيونك يا باشا اؤمررررررنى
+انا كنت عايز اقابل الافوكاتو اذا تكرمت
_تصدق بقى عيب عليك لما تبقى راجل كبير وتهرج ياجدعان انتو فيه ايه ويجى فى الاخر يقولك غبى وبتاع ياعم انت مش داخل مسرح ايه اقوكاتو دى
+تصدق انك بنى ادم متخلف
_متغلطش يا عم **** وحياة امى افتح عليك مطوة اشرحك بس عشان انت راجل قد ابويا
+ايه المكتب البيئة دة انا هرفع عليكم قضية
_ياعم اتقى شرى بقى وغور فى داهية
_______________
=بقولك ايه انا مش هسئلك انت عملت ايه عشان متعصبش
.. بس انا هنصحك نصيحة لوجه الله لو أى حد قالك انا عايز المحامى او الاستاذ او المتر او الحمار اقولك على حاجة انا حمار لو حد قالك عايز الحماراندهلى انا موافق والله وغور فى داهية يلا هاتلنا حاجة ناكلها جك البلا فى غباء اهلك
ــــــــــــــــــــ
بينزل يشترى الأكل بيقابل واحد قاعد على جمب وحاطط ايده على خده
_مالك يا عمنا فى ايه
+والله يا بنى فيك الخير انا راجل على باب الله شغال بياع فول
صحيت الصبح لقيت العربية من غير الحمار اللى منهم لله سرقوا الحمار وانا مش هعرف اشتغل من غير الحمار ومش معايا فلوس اشترى حمار جديد ومش فيا صحة اشد العربية بنفسى frown emoticon وما باليد حيلة unsure emoticon
_شكلها هتبقى فاتحة خير عليك يا خالد بيه وما ضاقت الا لما فرجت يا معلم
_بص يا حج طلبك عندى الحمار قاعد فوق فى المكتب يا راجل دة مستنيك من الصبح تعالى معايا يا حج بس انا ليا الحلاوة devil emoticon
..
#معاناة_محامى
#حقوق_حلوة
