💕أنت قلبي٢💕

الحلقة ٧٥

#انت_قلبي٢
#بوسي_مصطفى
_____________
الحلقة ٧٥

في فيلا كريم...
كريم بينادي : فريدة.
فريدة من المطبخ : حاضر يا كريم جايه.
كريم : تعالي لجميلة مش عارف اشتغل.
فريدة : طيب يعني مش عارف تستحملها خمس دقايق؟!
كريم : طب تعالي شوفي عملت ايه؟
فريدة بتوزع الأطباق على السفرة : حاضر جايه.
يا خبر ايه اللي عملتيه دا يا جميلة؟!
وسيبتها يا كريم لما بهدلت المكان بالشكل دا؟!
كريم : ما اخدتش بالي منها.
هاتي النضارة بقى.
وياخد النضاره من جميلة..
فريدة : انت كل اللي يهمك النضاره؟!
رتب بقى اللى بهدلته بنتك مش مسئوليتي علشان كانت
معاك انت.
كريم بتنهيده : حاضر.
فريدة : ايه مش عاجبك؟
كريم : عاجبني وانا قولت حاجه؟!
فريدة : لا بحسب مش عاجبك يعني.
كريم : انتي عايزة تتخانقي صح؟
ههههههههههههه
فريدة : نفسي.
كريم : طب وليه المشاكل دي بس يا بنت عمي؟!
فريدة : بقالك كتير مقولتهاش لما بدأت انسى اصلا إننا قرايب.
كريم : هههههههههههه
طيب امسكي بنتك بقى علشان اروق المكان..
فريدة : تعالي يا مغلباني انتي تاكلي وتنامي على طول سامعه ؟
كريم : على اساس هي فاهمه انتي بتقولي ايه.
فريدة : مين قالك إنها مش فاهمه؟
هي ذكيه جدا على فكرة.
كريم : طب كويس..بتعملي ايه يا بنتي؟! سبيني.
فريدة : عايزة تلعب يا كريم.
كريم : لعب ايه بس أنا عايز أنام.
فريدة : خمس دقايق مش عطله ولا حاجه.
كريم : طب تعالي يا حبيبتي اعمل أنا حمار.
فريدة : هههههههههههه
كريم : ضحكتك اوي.
فريدة : مشيها حصان يا كريم.
كريم : حاضر خليها حصان علشان خاطر مامي.
مع إن حمار من حصان مفرقتش يعني تعالي يا جيجي امسكي النضاره دي يا فريدة.
فريدة : يا ادي النضاره! هاتها يا كريم.
كريم : انتي متعصبه ليه؟
ههههههههههههه
فريدة : عايزة انيم الهانم اللي لسه بتلعب لحد دلوقتي دي عايزة اريح دماغي شوية.
كريم : أنا بقى هخليها تنام دلوقت اصبري بس.
فريدة : يا خوفي هي اللي تنيمك وتفضل صاحيه ل الصبح هقعدك بيها ها مليش دعوة.
كريم : هههههههههههه عامله زي العيال بالظبط.
فريدة : ما انت مش عارف من الصبح دي عامله فيه ايه!
كريم : معلش يا حبيبتي بكره تكبر وتقولي ولا يوم من أيامنا الجميلة مع بعض يا جميلة
ههههههههههههه
فريدة : دي لما تجوزها بقى ولا ايه؟
كريم وهو بيحتضن جميلة : دي روحي مين دا اللي يجي ياخدها مني دا انا اقطعه..
فريدة : هههههههههههه
لا يا حبيبي اول واحد يخبط على الباب ادهاله في ايده
وهو خارج.
كريم : هههههههههههه
يا قلبك بقى يهون عليكي القمر ده.
فريدة : اه يا حبيبي اصل القمر دا وقت اللعب بس
لكن الزن والرخامه والعند لحضرتي بس.
كريم : سامعه مامي بتقول عليكي ايه؟!
فريدة : ايوه وقعنا في بعض انا عايزاها تخاصمني علشان تشبط فيك.
كريم : هههههههههههه
يبقى عايزة تقعديني في البيت.
فريدة : ياريت اهو حتى تونس البيت اللي مبيلحقش
يشوفك ده.
كريم : دا تلميح كده انا عارفه.
فريدة : ايوه هو كده هات جميلة ااكلها علشان ننام.
كريم : هههههههههههه
طيب بالراحه على البنت.
________________