"الـحلقــه الثــالثــه📌 "
روايــه ضـحايـا الحـربـيـن📌 🔥
🔥 للكـاتـبـه ميـــرو الشــرقــاوي 🔥
((لايـك قبل ماتقري وكومنت بعد ماتقري💛))
لبنى:ايوا شن صار معاك
مجهول:كل شي لووز
لبنى:تمام التمام قضيتو عليها
مجهول:اكييد
لبنى:الله يبارك عليك
مجهول:تربيتك ولو ❤✊
مالك:بصوت عالي..لبنننننننى،وطلع من الكافي وعيونه شراار
مآزن:قعمز بكل برود واتصل بـ ايوا لبنى اهو جايك توا وضعه ميبشرش بلخير نهائي راه
لبنى:تماام بدا دوري توا وربي لما ننتقم ✊
مآزن:هيييييه انتي متنسيش روحك هاذا خوووي راه ديري اللي اتفقنا عليه وبسس بلا زياده ولانقصان
لبنى:افففف باهي 😒
مآزن:طلع بسرعه خياليه، اتصل بـ مالك اكتر من عشر مرات بس كان خارج التغطيه بعدين عطاه مقفل 💔،وهنا خاف على خوه وزاد السرعه 💔😞
لبنى:الو جهزو كل شي قلتلكم عليه
مجهول:تمام كل شي جهزناه من أمس
لبنى:تمام نبي منوم بس عشان يصدق جبتهولي؟!
مجهول:جبته،تنهد،انا بنعرف بس انتي شن بتستفيدي من الشي اللي قاعده اديري فيه توا معندكش ضمير ولا نظامك مفيش احساس؟!
لبنى:مازال غير شكالاتك تعطيني محاضره فى الادب والاخلاق، وسكرت عليه
لبنى:انا وانت يامالك والزمن طوييييل 😏
مآزن:مشي بسرعه 480 لين أخيرآ لقي مالك فى نفس المكان اللي كان متوقعه يكون فيه فى شقته راقد على سرير بنته ومضبط مخدتها💔
مآزن:شن فيك ياخوي منعرفكش ضعيف لهدرجه 🙁
مالك:هاذي بنتي يامآزن بنتي 💔😭
مآزن:عارف والله عارف بس انت متعرفش شن بيصير بعد كم ساعه ولابعد كم يوم ممكن يتغير القدر وتصير معجزه تغير كل شي ❤
مالك:تنهد بقوه..الموت مفيش لامعجزه لاتغيير اقدار 💔
مآزن:باه أنت متأكد انه بنتك ماتت شفت جثتها شفت وجهها تأكدت منها؟!
مالك:شن تقصد مفهمتش وضح؟!
مآزن:احني مش متأكدين ان بنتك هي اللي ماتت ولالا احني لاشفنه جثه ولاإي شي يثبت الكلام هاذا احني اللي وصلتنا مجرد رساله بسس وممكن تكون وهميه زياده
مالك:حس بلأمل من كلام مآزن❤ بس خايف ف نفس الوقت يكون خبر موتها صح
مالك:ناض بس مسكه مآزن ❤
مآزن:شني وين ماشي؟!
مالك:بنشوف بنتي بنتأكد
مآزن:بس كيف
مالك:مفيش الا لبنى وياسين ليهم مصلحه ف قتلها😞 تحارب معاي على خاطرها؟!
مآزن:ناض... وأحلى حررب ❤🔥
🔥✔روايـــــات كــاتبـــه ورفـــليــــه✔🔥
📌🔥مــــيــــرو الـــــشـــرقـــــاوي 📌🔥
"ثاتي يوم الساعه8الصبح ❤"
عمر:سالم يااهووو نووووض😂
سالم:غم روحه بلبطانيه، يعطيك دا ماتلقاله دواء 😂خليني نرقد ساعتين على بعضهم
سعيد:يلبس:بصوت عالي..هوا أنت معندكش موعد مع حبيبه القلب اليوم 😂؟!
سالم:قفز من البطانيه وهووب للحمام 😂❤
عمر:جاء لقى سالم واعي،كيف ناض هاذا؟!
سعيد:عنده موعد😂
عمر: احا🤤 اسملا علينا وخلاص😂
سعيد:انا لبست وانت لبست خلينا نفطرو ف الكافي لجديد 😂
عمر:تمام ((خلي نحكيلكم شن لبست😂لبست سروال أسود وبلوزه بيضاء وجبوتي أسود وبوت أسود طالع طرف سلمني وخلاص 😂❤))
سعيد((:لبست سروال أسود وفانيله صفراء وجبوتي دمي وسبيدرو أسود طرف حتى انا راهو 😂❤))
سعيد:نبي نتوضى للصلاه الزح معش طلع هذا
عمر:تبيه يطلع فـ سرعه 360؟!
سعيد:اها
عمر:بنضره خبث تعال نقولك شن نديرو 🙃
سعيد:بصوت واطي هي 1
عمر:32
سعيد:ياهدييييييل اطلعيييي
عمر:يامتاع هدييييل😂
سعيد:اطلع ياهديييل 😂
سالم:((ميـــرو :طلع لابس ومعطر ومساوي لحيته وريحه العطر واصله لاخر الشارع ❤اخخ ياكبدي ذبت وأنا نكتب😂 المهم نرجعو للروايه😂❤))
سالم:تي كنكم انتو متريحو فى حد النممم😠
سعيد وعمر شافو لبعضهم بصدمه 😂
سالم:كنكم ؟!
سعيد:اللوك متاعك ادهشني 😂
سالم:شن طالع طرف ولا؟!
عمر:تي نمبررر ون وربي🤤
سعيد:غمزله،توا هاذا كله على خاطر السيده هديل😉
سالم:هوا في غيرها ❤🤤
عمر:ياخوفي بعد الشياكه دي كلها تسيبك 😂🙂
سالم:اسكت بلانكد من عند الصبح 😒
سعيد:هيااااا تأخرنا
عمر&سالم:هي ❤
((ميــرو الشــرقـاوي:خلي نحكيلكم سالم شن لابس لحبيبه القلب ❤سروال أسود فانيله حمراء وجاكيت جلد أسود وكويش أحمر ❤))
عمر:يشوف لسعيد ولسالم مش كأننا متفقين علـ الاسود اليوم 😉؟!
سعيد:إنشاءالله ديما متفقين 😉❤
سالم:إنشاءالله يلا ياقدعان 💪❤
🔥✔روايـــــات كــاتبـــه ورفـــليــــه✔🔥
📌🔥مــــيــــرو الـــــشـــرقـــــاوي 📌🔥
روان:شن بيجيك توا؟!
هديل:ادكن ف المكياج،اها
روان:خلاص سااد ساد وربي وجهك قعد تقول متجوزه ومطلقه مرتين 😂
هديل:😒😒
روان:نبصر راه 😂
هديل:باه اطلعي نمشو للكافتيريا لين يجي
روان:باه،هديل بنسألك
هديل:شنو؟!
روان:انتي شن بتستفادي من اللي اديري فيه، قصدي مش حرام عليك الولد الواضح انه يحبك💁
هديل:اففف فكينا منه الدوا هاذي
روان:براحتك أنا بنمشي نطلب نسكافيه نحسبك معايا؟!
هديل:اها بالله وجيبيلي معاك بنادول رأسي يوجع فيا
روان:تمامم ♥
((ميــرو الشــرقـاوي:ااخخ رأسي قرايه وامتحانات وكتابه حلقات حرام وربي 😂 نشرب قهوه ونجيكم 😂😂))
************************************
جيييت 😂❤
((ميــرو الشــرقــاوي:خلي نحكيلكم شويا على روان ❤روان مواليد الـ 98 تخصصها طب جراحه❤مواصفاتها بيضه عيونها خضر شعرها كستنائي طويييل ❤جسمها متناسق ❤حلوه والاجمل من حلاوتها حلاوه روحها متعرفش تكذب ولاتنافق ❤صاحبتها هديل تحبها واجد رغم أنها متحبش طريقه تعاملها وأسلوبها وحتى لبسها 😒))
روان:اتنين نسكافيه وواحد بنادول لو سمحت
صاحب الكافتيريا: تمام هاك البنادول وتقدري تمشي لطاولتك ح نجيبلك طلبك ❤
روان:تمام شكرآ ❤
صاخب الكافتيريا: العفو
روان:هاك
هديل:ساعه اخخ رأسي
روان:شنو مازال مجاش؟!
هديل:مازال قال شويا ونوصل
روان:باه كويس بس انتي عليش لابسه هكي؟!
هديل:كيف عليش
روان:لبسك ضابط بكلل أوڤر الصراحه
هديل:كوني ف روحك انتي
روان:سكتت...احيييي محرها الكلمه وجعتني صاحبه عمري قاسيه ومعندهاش أسلوب صبيت وطلعت من جنبها مش قادره نشوفها مره تانيه صح ممكن تعتبروها كانت كلمه بسيطه بس توجع لما تجيك من أقرب الناس ليك توجع وربي 😭💔
هديل:حرقه تحرقك إنشاءالله
صاحب الكافتيريا:البنت اللي كانت هنا وين؟!
هديل:فنصت.. وعليش شن تبي فيها؟!
صاحب الكافتيريا:طلبت نسكافيه وينها؟!
هديل: هاتها هنا توا نشربه أنا
صاحب الكافتيريا:شافلها بحقد ومشى 😒
هديل:عليك شكالات همم أسود 😒
روان:مشيت بعيد لقيت شجره مظلله قعمزت تحتها وبديت نبكي لاإراديآ 💔💔
صح مـافيش حاجة تستاهل الزعل ، لكـن في حـاجات تحز فى الخاطر و تقعد مٌوجْعـَه فـ القلب مهما صـار💔🔥
سالم:هيا بسرعه تأخرت عليها
عمر:هيا
سالم:هيييه وين ماشي أنت وياه أنثبرو هنا لين نجيكم
سعيد:باهي الزح من جمالها عاد هيا حاطه على وجهه كيلو مكياج
سالم:😒😒مشى لـ هديل ❤
عمر:احاااا 🤤🤤
سعيد:كنك؟!
عمر:شوف الطرف اللي تحت الشجره🤤❤
سعيد:وااجد النمم ❤
عمر:تعالا نشوفوها
سعيد:أنا مش خفيف لهدرجه 😂😂
عمر:سيبت يحكي ومشى لـ نوران ❤😂
عمر:الحلو مخطوب ولايراجي فـ المكتوب؟!😂
نوران:😒😒
عمر:معجبتكش باه ممكن النمبر ياعبمبر؟!😂❤
نوران:سيباته يحكي وصبت وهي ميته بلضحك 😂❤
سعيد:تستاهل يامهزب اللهم لاشماته 😂
عمر:شمااته 😂قالك الشاعر قال: أصلآ عادي أتز أوكي حبيبي... هجرني ولا أيه 😂؟!
سعيد:رد عليه الشاعر وقال:حي عليا أو ماي قاد... حبيبي الغالي ناوي الفراق
عمر:وووووه 😂😂
ميــرو:المهم فكونا منهم هادو تافهين تعالو نمشو لحجات أهم منهم 😂🔥
عمر:شن قصدم أهم منا يعني نحنا مش مهمين ولا إيه؟!
سعيد:تي نحنا الاساس ولاإيه😂
ميــرو:طيرو من عليا توا 😂
🔥✔روايـــــات كــاتبـــه ورفـــليــــه✔🔥
📌🔥مــــيــــرو الـــــشـــرقـــــاوي 📌🔥
سالم افف تعبت وانا كل مره معطيك ألف الف ف شنو اديري بيهم بسس
هديل:بدلع عارف حبيبي عندي عرس ولد خالتي ولازم نكلع أجمل وحده ولاشن رأيك أنت ❤
سالم:باه العشيه نجيبلك المبلغ، بس قوليلي شن اللبس اللي لابساته اهوا وشن المكياج اللي حطاته وين ماشيه انتي كليه ولاعرس 😡😡؟!
هديل:حاضر حاضر أخر مره ❤
سالم:تمام هي انا تأخرت توا نكلمك ومشى❤
هديل:بااي ❤وربي لما تشوف ياسالم تحساب روحك اتمرجل عليا 😠المهن ناخذ مصلحتي بعدين ساهل 😒خلي ندور الهم نوران مش عارفه وين راحت 😒
🔥✔روايـــــات كــاتبـــه ورفـــليــــه✔🔥
📌🔥مــــيــــرو الـــــشـــرقـــــاوي 📌🔥
مالك:شنو نخشو؟!
مآزن:هي 123 🔥
مالك:الباب مقفول
مآزن:نكسرو أمه 🔥
مالك:بسم الله 🔥💛
وبوووم الباب انكسر وهنا الصدمه او بلاصح المفاجأه الجميلهه ❤🔥...يتبــع ❤حلقه طويييله زي ماوعدتكم امس ❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
