💕أنت قلبي٢💕

الحلقة ٧٧

#انت_قلبي٢
#بوسي_مصطفى
_______________
الحلقة ٧٧

في شقة كمال ونادين...
هدى : لا بقولك ايه متلفش وتدور عليه انا اختك واعرفك
من غير حتى ما تنطق كلمة.
قولي مالك؟؟
سيف : مليكة قافله تليفونها ومش عايزة تكلمني.
هدى : ليه بقى عملت ايه؟؟
نظر سيف ل هدى وسكت..
هدى : خلاص لو مش عايز تقول براحتك.
سيف : هو أنا عايز اتكلم بس محرج شوية.
هدى : اه فهمت..
سيف : لأ هو محصلش حاجه.
بس يعني هي رفضت واضايقت علشان كده مش عايزة تكلمني.
هدى : انتو روحتوا الشقة؟
سيف : ايوه.
هدى : ضايقتها اوي يعني؟
سكت سيف..
هدى : خلاص خلاص متقولش حاجه.
سيف : مش عارف اصالحها ازاي؟
هدى : اسمع يا سيف انت يا حبيبي فهمها إن دا كانت
في لحظه يعني مشاعرك كانت سابقه عقلك
والموضوع دا مش هيتكرر تاني
و لو إني شايفه يعني إنكم تتجوزوا قريب طالما الشقة جاهزة.. والعفش مقدور عليه
فلوسه جاهزة في أسبوع تكون مخلص الحوار ده.
سيف بتنهيده : مش لو وافقت اصلا تكلمني.
هدى : بص هي مليكة حساسه شوية والحوار دا اكيد سببلها حرج وكمان طالما بتقول اضايقت يبقى كان في تنبيه قبلها  إن دا مبيحصلش صح؟
سيف : ايوه حصل.
هدى : طيب يبقى كنت عنيف معاها وضايقتها.
سيف : أنا دلوقت اعمل ايه؟
هدى : اتكلم معاها؟
سيف : لأ علشان خاطري يا هدى بلاش تعرف اصلا اني قولتلك انا اصلا معرفش قولتلك ازاي؟!
هدى : هو انت قولت حاجه
انا فهمت كده يعني واتمنى اللي فهمته يكون صح.
سيف : أنا عمري ما هاخدها الشقة دي تاني بس بلاش تخاصمني وتبقى قاسيه عليه بالشكل دا.
هدى : مش هتاخدها الشقة ازاي يعني امال هتتجوزوا فين؟!
سيف : اقصد يعني قبل ما نتجوز.
هدى : ماشي.. انت بقى من الصبح تفضل واقف بالعربية هناك بس في مكان متاخدش بالها خالص من العربية وتفضل قاعد
هناك أول بس ما تخرج اوعى تسيبها خليك قافش في ايدها لحد ما توافق تقعد معاك وبعدين...
سيف : و ايوه وبعدين ايه؟؟
هدى : هي دي كمان هقولك عليها؟
ما هو اكيد ليك طرقك الخاصه يعني اللي بتعرف تثبتها بيها.
سيف : وانا لو ليه طرقي الخاصه زي ما بتقولي كنت اتكلمت معاكي اصلا!
هدى : كده... ماشي.
سيف : استني انتِ رايحه فين؟!
هدى : داخله أنام.
سيف : استني علشان خاطري وكملي بقى.
هدى : اكمل ايه؟!
يا ابني بقولك عايزة أنام.
سيف : طب ايه الهدية المناسبه اللي ممكن اصالحها بيها؟
هدى : هي اخدت الهدية اللي روحت بيها اخر مرة.
سيف : لأ بس أنا سيبتها هناك.
هدى : طيب ما تفكر يا سيف.
سيف : بصراحه دماغي وقفت عن التفكير ومش عارف اعمل ايه.
هدى : احدفها في المياة وبعدين لما تستغيث انزل بسرعه انقذها هتحبك اوي..
ههههههههههههه
سيف : قصدك هيبقي فيها طلاق على طول صح؟
هدى : هههههههههههه
يا ابني متبشرش بقى.
سيف : ادخلي نامي يا هدى.
هدى : اعملك ايه طيب؟
ههههههههههههه
مستعجل اوي يا اخويا ما هو بكره تتجوزوا.
ههههههههههههه
سيف : تصدقني انا غلطان اني حكيتلك حاجه اتفضلي بقى ادخلي نامي.
هدى : يا ابني هو انت قولت حاجه؟!
ههههههههههههه
أنا بذكائي فهمت من غير ما تتكلم.
ههههههههههههه
سيف : انتِ بتضحكي على ايه دلوقت؟!
هدى : هههههههههههه
وريني وشك كده.
سيف : ليه؟!
هدى : يعني اشوف طلعت بت جدعه ولطشتك على خدك
دا ولا لأ؟!
ههههههههههههه
سيف : فرحانه في اخوكي صح؟!
هدى : هههههههههههه
بصراحه أنا فرحانه إنها طلعت
بمليون راجل وخاصمتك اهو كده هتتعلم الأدب ومش تكررها تاني.
سيف : قومي بقى اخرجي وسبيني في حالي.
هدى : هههههههههههه
احسن... احسن.
تصبح على خير يا سوفه.
لما مليكة تفتح تليفونها ابقى قولي.
ههههههههههههه
سيف : يا ست انتي امشي بقى.
هدى : هههههههههههه
ماشي.. سلام.
________________