More Than Love (အချစ်ထက်ပိုသော)

Episode 16



နန်းမွေ့စံ ခရီးစဉ်နောက် လိုက်တာမောင်သိရင်စိတ်ဆိုးမလားမသိ...

ခုတလော ဆက်ဆံရေးတွေကျဲနေသောမောင်နှင့်သူမအကြောင်း.အဖုအထစ်တွေမရှိစေချင်တော့ပါ.......

ခရီးစဉ်က တောင်ကြီး အင်းလေးဘက်သို့ဖြစ်သည်။
သူမကတော့ကလေးတွေနဲ့အတူ mini bus လေးဖြင့်လိုက်ပါခဲ့သည်။

ကိုကြီး နှင့်တခြား ဆရာ ၂ယောက်ကတော့ ကိုကြီးရဲ့ Highlander ကား အဖြူလေးပေါ်တွင်လိုက်ပါခဲ့သည်။

ခရီးစဉ်တစ်လျောက်လုံး
သီချင်းတွေဆိုကြ ဂိမ်းတွေဆော့ကြဖြင့်.... ကားလေးထဲမှကျွတ်ကျွတ်ညံလျှက်
ပထမဆုံးသူမတို့ ညောင်ရွှေသို့အရင်သွားကြသည်။

သူမတို့အဖွဲ့ အတွက် လှေ အကြီး ၂ စီးငှါးရသည်။
ဒိတစ်ကြိမ်တော့သူမကိုကြီးနှင့်တူတူထိုင်ရသည်။

ကြောင်ခုန်ဘုန်းကြီးကျောင်းတွင်ကြောင်တွေမခုန်တော့တာသူမနှင့်ကိုကြီးဆွေးနွေးဖြစ်ကြသည်။....

တကယ်ဆို culture တစ်ခုပျောက်သွားတာစိတ်မကောင်းစရာဖြစ်သည်။

အရင်ကခုန်တဲ့ကြောင်တွေသေကုန်ပြီး နောက်ပေါက်ကြောင်တွေကိုမသင်ခဲ့မိတဲ့အတွက်ကြောင့်ဖြစ်သည်ဟုကျောင်းထိုင်ဆရာတော်ကမိန့်ဆိုသည်။

ကြောင်အတော်များများတွေ့ရပေမဲ့ အပျင်းခပ်ထူထူကြောင်များသာရှိတော့သည်။

ကယန်းရွာမှာလည်း အရင်လိုကယန်း အစစ်တွေမဟုတ်
လူလာတုန်းသာခဏအလှပြထားသည့် ကယန်းမခပ်ငယ်ငယ်လေးများသာတွေ့ရသည်။

အလိုတော်ပေါက်ဘုရားရှိဆိုင်တန်းများတွင်
ဓားတွေ၊ ဒူးတွေ စိတ်ဝင်တစားဝယ်နေသော ကိုကြီး ကို တအံ့တဩကြည့်မိသည်။

သူ့ပုံကြည့်တော့လည်း ရှမ်းဘောင်းဘီ ရှမ်းအင်္ကျီ လှေဆိပ်က ဝယ်လာသော ၂၀၀၀ တန်ဦးထုပ်ဖြင့်သာ

ဘာမှထွေထွေထူးထူးဝတ်ဆင်ထားခြင်းမရှိသောကြောင့်သူ့ပုံစံက ပုံမှန်ထက်ပေါ့ပါးနေသည်။

အသက် ၃၀ ကျော်သော်လည်း....ချမ်းချမ်းသာသာနေရသော ပတ်ဝန်းကျင်အနေထားကြောင့်လား၊ နဂိုအသွေးမွေးကြောင့်လားမသိ သူ့ပုံစံက ၂၀ ကျော်သာသာဟုသာထင်ရသည်။