رواية فداء الوطن [ مكتملة ]

فصل 6: العميلة السرية

- أنتم هنا لفداء أوطانكم ولإنقاذ من تحبون، للتضخية وللإنتقام..!! والقضاء على العدو!
غدا ستصبحون أفضل ممن أنتم عليه ستلحقكم الموت لكن لن تتجرأ على لمسكم....!!

بقا مدة طويلة وهو كايقول شي هدرة صارمة وكترعش النفوس.. وبعد ماسلا الخطاب ديالو رفع عينيه على الأنظار.. اه كلهم جاو يتعلمو كلهم جاو يطبقو داكشي اللي قال لكن حتى شي واحد مقدر يتقبل كلامو اللي كان بحال الصاعقة عليهم.. كأنه جا غير باش يزرع الخوف في قلوبهم ويمشي بحالو.. كيفاش الموت عند راسك ولكن متقدرش تلمسك هادي راها مداخلاش في المنطق.. يعني هو بغا يبين ليهم أنهم غادين يتعلموا كيفاش يهربو من الموت اللي غادي تبقا ملاحقاك حتى تديك.. نور قدرت تسمع دقات قلبهم المتسارعة والقوية.. كلهم خافو من
الوضع.. الثنائي الوحيد اللي مخافش وسط داك الكم ديال الشباب هما نور وستيڤانيو.. هاد الأخير لأنو فايت عارف هادشي ومجربو گاع..

أما نور مجاتها حتى ذرة خوف.. لأنهم هوما لخافو فراهم كايملكوا عائلات أو حباب.. أما هي غير يتيمة جات غير باش تفدي وطنها وتنتاقم لوالديها.. خصوصا أنها واعداتهم غادي تنتاقم ليهم ولو كان غادي يكلفها حياتها.. هادي أقل حاجة تقدر ديرها باش تحس راها عايشة... وكاينة على وجه الكرة الأرضية بحال گاع الناس.. مايمكنش تسمي راسها عايشة وهزيمتها باقا كاتمشى على الأرض..

بعد مرور أسبوع"

هاد الأسبوع كان كفيل باش نور تأقلمت في المؤسسة وتعرفت على أصدقاء اللي كان أغلبهم بريطانيين الجنسية.. وكانت كفيلة باش تعرفت حتى على ستيفانيو وقدرت تعرف أنه شخص ضريف وقلبو بيض.. مكانتش كادوز النهار لامكانش هو حيث هو اللي عارف ديك المؤسسة اللي غريبة بالنسبة ليها.. بالفضل ديالو قدرت تعرف كثر على المؤسسة.. وعرفت بأن أغلب هاد الشباب اللي متواجدين أيضا عندهم قصص
ومشكل مخليهم يتواجدو في هاد المكان..

فاقت هاد الصباح بكري حيث هذا هو النهار اللي غادي يبدا فيه التدريب.. كانت متحمسة تشوف
التداريب كيف غادي تكون.. وجدات راسها
والتقات بستيفانيو هاد الأخير اللي كان كيزيد يقويها بالنصائح اللي كايعطيها.. دخلو للقاعة وكانوا معلقين بزاف ديال اللائحات.. شافت نور
في ستيفانيو وقالت بتساؤل:
- اشنو هادشي؟؟
شاف فيها وقال كرد على سؤالها:
- هادو المجموعات كل مجموعة غادي تدرب بوحدها..

تمنات في خاطرها يجي معاها ستيفانيو.. حيث هو اللي غادي يعاونها باش تعلم بسرعة.. وداكشي اللي كان بعد مامشاو قلبو اللوائح لقات الإسم ديالها مع الإسم ديال ستيفانيو وجوج متدربين آخرين.. بعدها رتاداو اللبسة الخاصة بالتدريب.. مشاو لمكان التدريب اللي كان كبير وواسع.. داك التدريب جاها في شكل متوقعتش يكون بحال هكدا لكن قررات متسولش على الأمر وتساريهم في هادشي حتى تكتاشف من بعد.. مشاو مباشرة لعند المجموعة ديالهم اللي كانت مكونة من بنت وشاب.. البنت كان على وجهها ابتسامة بشوشة وهي كتنظر للناس.. نور بسباب تفكيرها قالت لا إراديا:
- سلام..