خلف أسوار القدر.

البارت الخامس عشر

أحيانا تمنحنا الحياة الحظ
مغلفه على شكل هدية
قد يكون أنسان أو حادثه
أو قد يكون أتعس يوم تظنه بحياتك
بدايه______ سعادة مدى العمر
___________________________***
نور
أتذكر كل مرة بالمحاضرة دكتور رضا يصفن عليه اكول يمكن صدفه
مكنت أعرف هالصفنه كانت بدايه حياه
أخرى

مرات من يتأخر الخط يعرض يوصلني بحكم الجيرة وعلاقته مع بابا
وكم مره العصر كان يجي يكعد بالحديقة
معاه
وفد يوم جتي عمتي بيتنا وتعاركت وياها من سمع صوتنا بابا ضربني راشدي
وكان دكتور رضا واكف بالحديقة
ماعرفت انو هو شافني

رفضت أبن عمتي وهددت أقتل نفسي ولا أتزوجه
ثاني يوم رحت للكلية كنت وحدي فردوس ماكو

كاعدة تذكرت حياتي بجيت شفته واكف كبالي

رضا:
نور اشبيج وليش هالبجي
نور:
لا دكتور اشويه ضايجه

رضا
يمكن تشوفيني معقد ودوم عصبي ترى المقابيلج شاف من الدنيا ماشاف بس
رغم هاي ماانهزمت ردت أحجيليج
وتعرفين أن كل واحد بالدنيا ماخذ نصيبه

بس أعرف والدج وداخل بيتكم فلهذا
محبيت اشوفج بهاي الحاله والدتي دوم تمدح بيج كم مره شايفتج من ترجعين من الدوام

نور
من حجى واني دموعي شلال كانو الواحد كالي احجي حجيتله بقى صافن بوجهي بعدين كال الله كريم

بعدها بكم يوم جتي مرت ابويا وكالت
خطوبج واني فكري توقف معقوله دكتور رضا البنات بالكليه يتمنون بس يحجي وياه يخطبني

العصر بابا صاحني

بنتي دريتي جوارينا رضا خطبج واني وافقت أعرف هيجي شخص مينرفض
بس هسه يجي يريد يحجي وياج قبل العقد

واياج تخجليني كدامه

بابا كأنه يكول قبلتي ما قبلتي أني موافق

دخلت للصاله بعد ملبست فستان مور د حلو وبسيط ومكياج بسيط واني مو محجبه وملامحي عاديه وعندي طول بس رشيقه
كاعد هو وبابا قدمت عصير وسلمت

بابا كال بنتي دكتور يريد ياخذ رأيج ولو كلت نور متلكى احسن منك وقابله بس هو راد يسمع الموافقه منج وهاي نعتبر ه نظره شرعيه
اخذو راحتكم
رضا
اشلونح نور

نور:
الحمد لله

رضا
يمكن مستغربه خطوبتج بس حسبيها إنقاذ الج من أبن عمتج لأن حسب ماعرفت أبوج مصر عليه وهو شخص
ميتعاشر ويشرب

فهسه يابنت الناس أرضى حتى تخلصي وثقي ماراح أفرض نفسي عليج واليوم اللي تريدين تشوفين حياتج اني مستعد
انطيج حق الاختيار

هو يحجي واني مترددة يمكن دعواتي وصلاتي يمكن امي حست بظلمي
دزولي رضا ماعندي أي مجال للرفض
موافقه دكتور شكرآ موقفك مراح انساه طول عمري
رضا:
ههه دكتور راح يكون اسمي رضا لأن انتِ بعد جم يوم تصرين زوجتي
زين راح أروح بس صيحي أبوج اسلم عليه
افكر بيني وبين نفسي يارب يعني حظي
حتى بالزواج مكاعد يعني شكو بيها لو كال حبيتج عشقتج
من طيح الله هيجي حظ
بس الحمدلله هو صار فارسي المنقذ
_______
لارا
طبيعتي
من أنقهر أعتزل ما أكدر أحجي
فردوس ونهله يمي بس يواسوني
صدمتي كلش جبيره متصورت الشخص اللي جنت أحسه كل حياتي يصفعني هاي الصفعه بحيث دخلني غيبوبه حياة

أمي وأبويايا عبالهم حزني من حالتي وأبراهيم يطلعني بالسيارة

مايعرفون بگلبي جروح وكل دقيقه الطعن يتجدد

أخواتي ربي يحفظهم حتى للعقد مراحوا
عبالهم أنقهر بس جرحي يبقى جبير بس
بعد لو يبوس أيدي ما اريده

مقهوره على نفسي وثقت بشخص مو كد الثقه وإنطيته أحلى أيامي خلاص عبدالله صار ماضي وقفلت بابه وذبيت المفتاح بالبحر
هاي طبيعتي من يوصل للغدر والاستغفال
أقفل

سامان وخوالي صارت علاقاتهم قويه
يجونا كل شهر أشوف بعين سامان الحب
بس ماأدخل تجربه حب اريد أمشي وأكمل دراستي

بدايه حياتي الزمن طعني طعنتين لازم أقاوم لأن محد يستاهل

بديت بالعلاج الطبيعي الحمد لله كدرت أعتمد على نفسي وهالسنه راح اداوم سادس

بدايه الدوام أنعزمنا بفرح عبدالله
قررت اروح لازم أشوفه ويا عروسته
حتى أحقتره بگلبي أكثر وأشوف بعيني
نذالته

عرفت العروسه صديقته بالكليه وابوها ايده واصله ومعين عبدالله حتى بيت هديه زواجهم

أخواتي موافقو ا اروح بس أصريت

نهله
لاتروحين أعرف متتحملين

لارا
عبالج اروح أشوفه ميته علي
والله هسه هو بعيني الشيطان
وماكو غير الكره اتجاهه
نهله
لعد لازم نروح للصالون وترجعين لارا مثل الاول

لارا
وداعتج مثل الاول وأكثر

دخلنا للقاعدة ونهله لازمه أيدي جتي سعاد وسلمت بس متكدر أتشيل عينها
سلمت عادي لأن هي نفس الشي جانت تعرف وأستغفلوني

ما اسامحها أعرف جانت تحب أبراهيم وتموت عليه

بس سبحان الله حقاره عبدالله كشفهم
قبل ميتورط إبراهيم

دخل للقاعه ويا عروسته ياسمين
أنقهرت صح لأن اختياري جان غلط
من شافني صفن كأنه يكول هاي انتي
منزلت عيني منه بتحدي اي هاي أني وما انكسر وراح تستمر حياتي

بالليل خابرني مرديت دخلته اليوم ويلعب على الحبلين

بعدين دز رساله من رقم أخر لأن منطيته
حظر

عبدالله لارا اني عبدالله تعرفين معزتج
عندي بس والله صارت أمور غصب عني
ماأحبها أنتي حب حياتي بس سمعيني صوتج

لارا
شوف اللي غصبك شفت عجزي

البيت الهديه
روح عبدالله انت أختاريت
بس والله اذا بعد خابرت أو دزيت رساله
راح ادزه لأبو زوجتك وينقطع رزقك
يا أحقر خلق الله بنظري

انت لاشئ هسه
حظرته رادت تطيح دمعه من عيني رأسآ
مسحته ميستاهل

بديت أدوام وجرح گلبي باقي بس الزمن كفيل بعلاجه
_______
فردوس
فهودي حبيبي بدأ يكبر الكل فرحانين بي
حبيبي رضعته نام
عمر
أكول أم فهد مو تشوفين فهودي حزين

فردوس
ليش بسم الله مثل الورد

عمر
يمكن يحس نفسه وحيد يريد أخت
فردوس
يا لا عفيه بعده ديرضع
عمر
تعالى عندي حجى وياج نتفق اشلون نفرح فهودي

أخذني بعالمه ويا غزله يحسسني عروسه جديده وقبلاته تتوزع بوجهي
بعد شهر حسيت بأعراض حمل

لاتنسوا التصويت