(Unicode)
!!!ဖောင်း!!!
ကျယ်လောင်လှတဲ့သေနတ်အသံနဲ့အတူ အဝေးတစ်နေရာက ဘုတ်ခနဲ ကျသွားသော ငှက်တစ်ကောင်...။
"Nice Jeon"
ဘေးနားက Hoseokရဲ့ ချီးကျူးသံကြောင့် နှုတ်ခမ်းပါးက အပြုံးတစ်ခု သူဆင်မြန်းလိုက်တော့ မှဲ့နက်လေးက အထင်းသား...။
"နောက်တစ်ခါပစ်မယ်"
အေးဆေးစွာသူပြောပေမဲ့ ဩဇာက ပါလှသည်။ချိုသာသော ထိုအသံနောက်မှာတော့ ဖော်ပြ၍ပင် မရနိုင်သော ရက်စက်မှုတို့ကတည်ရှိလျက်...။
ထိုရက်စက်မှုတွေနဲ့အောင်မြင်တဲ့သူက Jeon Mafiaရဲ့ ခေါင်းဆောင် Jeon Jungkook....။
အနေထားမှန်စွာ သေနတ်ကိုချိန်ပြီး အာရုံစိုက်နေချိန်မှာတော့ စူးစိုက်မှုကို ဖျက်လိုက်သော သူ့ဘောင်းဘီအိတ်ကပ်ထဲမှ ဖုန်းသံ..။
ခဏနေပျော်ရမဲ့အချိန်မှာ သူ စိတ်ညစ်ခံလို့မဖြစ်။အတတ်နိုင်ဆုံးလျော့ကာ သေနတ်ချရင်း ဖုန်းကိုင်လိုက်တော့ ဟိုဘက်ကကြားရသော လှောင်ရယ်သံ...။
ဘယ်သူလဲ..။
မျက်ခုံးများတွန့်ချိုးစွာ သူစဥ်းစားမိတုန်း ထပ်မံကြားလိုက်ရသော အက်ရှရှအသံ..။
"Hello Jeon နေကောင်းရဲ့လား"
"Kim"
နှုတ်ဆက်စကားကြောင့် သိလိုက်ရသည့် တစ်ဖက်လူက သူ့ရဲ့ ကမ္ဘာရန်သူKim Mafiaရဲ့ခေါင်းဆောင် Kim NamJoonပင်။
"ဘာကိစ္စရှိလို့လဲ"
"ဘာ ကိစ္စရှိလို့လဲဆိုတော့ မင်းကျေးဇူးကြောင့် 9 ကာရက်ရှိတဲ့ပြင်သစ် စိန်ရယ် မင်းညီ ကျွန်တစ်ကောင်ရယ် ရခဲ့လို့ ကျေးဇူးတင်စကားပြောချင်လို့ပါ"
အံကြိတ်ကာသူ့လက်သီးများတင်းတင်းဆုတ်မိသည်။
ခက်ထန်နေသော အကြည့်များက ဒေါသ ရာခိုင်နှုန်း ၁၀၀ဆိုတာပင်ဖော်ပြနေသလို...။
ပြင်သစ်က မှောင်ခိုလေလံတင်ပွဲတွင်Kim တို့ကို ကျော်ကာ သူလေလံအောင်ခဲ့သော စိန်ကြီး..။ဒီနေ့တင် ရောက်မှာဖြစ်တာကြောင့် သူ စောင့်နေတုန်း Kimရဲ့စကားကြောင့် သူ့စိန် ပါသွားဖြစ်ကြောင်း သိလိုက်ရသည်။ကျွန်ဆိုတာ သူအားထားရသောညာလက်ရုံးဖြစ်တလဲ ညီဝမ်းကွဲ ဖြစ်တလဲ Min Woo ကိုပြောမှန်းသဘောပေါက်မိ။
