Amiss Prayer (Zawgyi&Unicode) [Completed]

Part-54(ကလေးဆန်မှု)

For Unicode
ကလေးဆန်မှု

ဆေးရုံခုတင်ထက်တွင် ထိုင်နေသောလူသားလေးသည် မိမိ၏လှုပ်ရှားမှုတို့ကို တစ်ချက်မခွာ လိုက်၍ကြည့်နေသည်။

“ ဘာတွေလိုက်ကြည့်နေတာလဲ...”

“ ပျင်းနေလို့.. မနက်ကတည်းက ဟိုဟာလုပ်လိုက် ဒီဟာလုပ်လိုက်နဲ့ စကားလည်းမပြောဘူး “

“ ဪ.. ခဏလောက်သည်းခံပါသခင်လေးရယ်.. ကျွန်တော်မျိုးက သခင်လေးအားရှိဖို့ အစားအသောက်တွေပြင်ဆင်နေရလို့ပါဗျာ “

“ မရွဲ့နဲ့.. “

“ မရွဲ့ပါဘူးဗျာ.. ကဲပြော.. ဘာပြောမလို့လဲ.. အလုပ်အကုန်ပြီးပြီ “

“ ပြောချင်တာတော့.. တော်တော်‌ပျင်းနေတယ် “

“ ကျွန်တော်နဲ့စကားပြောမယ်လေ “

ကျွန်တော့်၏စကားကို ပြန်ဖြေသူကိုကိုသည် နှုတ်ခမ်းအားတစ်ခြမ်းသာကွေး၍ပြုံးပြကာ ဆိုလာသည့်စကားသည် ကြင်နာမှုမရှိ..။

“ အာညောင်းတယ်..”

နေသူရိန်တစ်ယောက်.. ဆက်ပြောရမည့်စကားတို့ ပျောက်ရှလေပြီ..။

“ ဪ... ပြောရက်တယ်နော်.. ချစ်သူနဲ့ စကားပြောတာကိုပဲ အာညောင်းတယ်တဲ့.. လူကြားလို့မှမကောင်း “

“ game ဆော့ချင်တယ် “

“ ဆော့လေ.. ကိုကို့ဖုန်းရှိတာပဲ “

“ ကိုယ့်ဖုန်းထဲမှာ ကိုယ်ဆော့ချင်တဲ့ gameမရှိဘူး “

“ လာ စားပြီးကိုကိုရာ။ ကိုယ်ဆော့မယ့် gameက ကိုယ့်ဖုန်းထဲမှာမရှိဘူးဆိုတော့.. “

“ အဲဒီgame က Sunဖုန်းထဲမှာရှိတယ်.. Mobile legendsလေ.. “

သိတယ်လေ.. စကားကိုကန့်လန့်တွေပြောနေကတည်းက ကိုကိုမွှေတော့မယ်ဆိုတာ သိတာပေါ့

“ ကိုကိုမျက်လုံးထဲမှာ ဆေးထိုးအပ်တွေမြင်နေရပြီ.. အကွက်တွေနော်။ ထားပါ ကိုကိုဆော့ချင်ရင်လည်းဆော့လေ “

ယုံယုံကြည့်ပေးလာသည့် သူ၏ဖုန်း..။ ဖုန်း ဖွင့်လိုက်လျင်ပင် စစဦးစွာမြင်ရသည့် wallpaperတစ်ခုကြောင့် ရင်ထဲတွင်နွေးလာပြန်သည်။ မြင်လိုက်ရသည်က မိမိ၏ပုံပင်ဖြစ်သည်။ သူသည် မိမိအားဤမျှအလေးထားသည်။