💕أنت قلبي٢💕

الحلقة ٧٩

#انت_قلبي٢
#بوسي_مصطفى
______________
الحلقة ٧٩

في فيلا وليد..
وليد بغضب : و بعدين معاكي
يا شهد؟!
ماما قعدت في البيت مش عاجبك تخرج تفُك عن نفسها
برضه مش عاجبك !!
شهد : أنا الحق عليه اللي بقولك تاخد بالك من مامتك
أنا مليش اقول تخرج أو متخرجش هي حُره بس كمان يا وليد لازم تاخد بالك من حاجه مامتك بقيت ترجع الساعة اتنين و تلاته بالليل وفي يوم شوفتها نازله من عربية واللي كان سايق شاب صغير انا بعرفك و بس علشان ابقى رضيت ضميري.
وليد : ضميرك برضه؟!!
وبعدين تقصدي ايه يعني يا شهد؟
شهد : انت حُر أنا عرفتك وبس.
وليد بيفكر..
شهد : يعني بما إن مامتك كان لها تجربه قبل كده و حبيت واحد قد ولادها واتجوزته فحبيت ألفت نظرك و دا بقى مش قد ولادها دا يا حبيبي صغير خالص
يعني ممكن يكون الفرق بينه وبين ابنك عشر سنين و لا حاجه
تخيل ابنك اللي هو حفيدها.
وليد : بلاش الكلام دا بقى ممكن يكون ابن واحدة من صحابها و وصلها عادي فيها ايه دي؟؟
شهد : اوك.. انت عايز تكدب نفسك براحتك برضه.. بس التأخير بره دا ايه تفسيره يا وليد؟
وليد بغضب : خلصنا بقى يا شهد قفلي على الموضوع ده.
شهد : حاضر..
____________

في شقة حلمي (والد كريم).
ندى : طب قوليلي بس اعملك ايه يا طنط؟
سميرة : مفيش حاجه تتعمل يا بنتي.
الشقة قدامك اهي نضيفه والأكل مرات علاء بتنزل بيه.
أنا اللي نفسي اتحرك شوية مش واخده على القعدة دي.
ندى : بكره تخفي وتبقى كويسه.
سميرة : يا بنتي كل سن و له ظروفه انا راضيه
الحمد لله
احنا هنفضل يعني شباب طول العمر.. بس الوحدة بقى هي اللي بتقتل الواحد لما اقعد الف في البيت كده وافتكر عمك و هو قاعد هنا بيقرا في كتاب ولا يقعد يقرالي الجورنال ويقولي على اللي بيحصل في الدنيا
و لا لما كنا نتجمع على السفرة دي معاه هو والولاد ونستني اللي لسه مجاش من الدرس واللي لسه مرجعش من الجامعه ولا نايم جوه مش عايز يقوم ابعت اخوه يصحيه ويقعدوا يناقروا في بعض.
و لا منيرة لما كانت تنزل تقعد معايا و نتونس ببعض وانتم كنتو صغيرين مبتبطلوش جري على السلم و بس يا بت اسكت يا واد
كل دا راح فين حتى ولاد كريم ابني مبقوش يجوا زي الاول اما مشغولين في الدراسة أو في الاجازة في النادي وإن جم يبقوا مستعجلين عايزين يخرجوا يشوفوا اصحابهم ما هما معذورين برضه وحياتهم غير حياتنا..
ندى : عندك حق يا طنط دا انس ابني مبيدخلش البيت غير على قد النوم حتى أكله بقى من بره
وتعبني اخر تعب.
سميرة : بكره لما يتجوز ويبقى عنده بيته وشغله ويسكن بعيد عنك هتقولي ياريت بس يرجع يبات في حضني.
ندى : هههههههههههه ما هو هيبقى متجوز بقى يا طنط.
سميرة : هههههههههههه
الجيل دا مظلوم لا علاء ولا كريم
بيقعدوا في بيوتهم ما انتِ شايفه علاء بيرجع امتى.
ندى : عندك حق يا طنط هطلع اعملك حاجه حلوة.
سميرة : مش عايزة اطلعي بس قولي لمامتك تيجي تقعد معايا شوية قاعدة فوق بتعمل ايه؟!
ندى : سيبتها كانت بتعمل اكل لبابا أصله تعبان شوية.
سميرة : لا ألف سلامة عليه اطلعي ساعديها.
ندى : ماما مبتحبش حد يعمل معاها حاجه خصوصًا الأكل
و بابا مبياكلش غير من ايدها.
سميرة : ايوه انتِ هتقوليلي
ههههههههههههه
ندى ببتسامة : مش فاهمه.
سميرة : اصل مامتك كانت لسه مخلفه علي اخوكي و كريم ابني كان متجوز قولت اعمل أكل للعرسان وبالمرة اطلع فرخه لـ ميرفت تتقوت بيها.
وبعدين قالتلي أنا مليش نفس خليها لبكره حطتها في التلاجه وبعدين باباكي قام سخنها ليها ومصمم إنها قامت طبختها
تقوله سميرة اللي عملاها يقولها لا دا اكلك انا عارفه.
قامت تاني يوم تطبخ أصله صعب عليها وانتِ كنتي لسه على قدك في المطبخ.
ندى : هههههههههههه و لسه بنتعلم يا طنط انا لو اتجوزت بعيد عن ماما مكونتش هكمل
ههههههههههههه ماما ساعدتني كتير مقدرش انكر.
سميرة : يعني لو جوازك من حازم مفيهوش غير الفايدة دي يبقى كويس.
ندى : هههههههههههه
__________________