Emperor and the Knightness (Unicode) Book - 1

အခန်း ၉၃

Lucius နဲ့ သူ့စစ်တပ်ဟာ မြောက်ပိုင်းကို ခရီးဆက်နေသည်. သူတို့က တောင်ပိုင်းဒေသနဲ့ အလယ်ပိုင်းဒေသကို အလွယ်တကူဖြတ်သန်းလာကြပြီးတော့ Koemong မြစ်နားကို ရောက်လာခဲ့သည်.

ဒီမြစ်က အရင်အတိုင်းပဲ မြောက်ပိုင်းရဲ့အထင်ကရ မြစ်တစ်စင်းဖြစ်နေဆဲ ဖြစ်ပေမဲ့ Acreian တွေအတွက်တော့ အရင်လိုမဟုတ်တော့ချေ. သူတို့က ဒီ့ထက်ကြီးတဲ့မြစ်ကို တောင်ပိုင်းဒေသမှာ မြင်ဖူးခဲ့လို့ဖြစ်သည်.

ဒီတိုက်ကြီးတစ်ခုလုံးရဲ့ အကြီးဆုံးမြစ်တွေဖြစ်တဲ့ Pesi နဲ့ Goga မြစ်တွေရဲ့ ပင်မမြစ်ကြီးဖြစ်တဲ့ Gora မြစ်.. ကမ္ဘာအနှံ့ကို ဆယ်နှစ်ကြာသွားလာခဲ့ကြတဲ့ Acreian စစ်တပ်က Koemong မြစ်ကို အထင်မကြီးတော့သလို ကြောက်လဲမကြောက်တော့ပေ. ဒါပေမဲ့ မြစ်ကို ပြန်မြင်လိုက်တော့ တစ်ချိန်တုန်းက ဒီမြစ်သေးသေးလေးကို ဖြတ်ဖို့အတွက် သူတို့ဘယ်လောက်အချိန်ယူပြီး ကြိုးစားခဲ့ရလဲဆိုတာကို စဉ်းစားမိကာ ရှက်နေကြသည်.

အခုတော့ Koemong မြစ်ကိုဖြတ်ဖို့ ကျောက်တံတားတစ်စင်းတည်ဆောက်ထားပြီး ဖြစ်သည်. Duke Luzo က ဒီတံတားကို ဆောက်ခဲ့တာဖြစ်ပြီး တံတားခင်းလို့ပြီးတာ သိပ်မကြာသေးချေ. ဧကရာဇ်က ပထမဆုံးအကြိမ် တွေ့လိုက်တော့ ရလဒ်ကို ကျေနပ်သွားသည်.

သူ့အစေခံတွေကို သူ့ကို ရှင်းပြလာသည်

"လူတွေက ဒီတံတားကို ဧကရာဇ်တံတားလို့ ခေါ်နေကြတယ် အရှင်"

"လူတွေက တကယ်ဆိုးတာပဲ. သူတို့စဉ်းစားရလို့သမျှအကုန်လုံးကို ငါ့နာမည်ပေးနေကြတယ်"

ဧကရာဇ်သဘောကျတဲ့အရက်ကို 'ဧကရာဇ်အရက်'.

ဧကရာဇ်ရပ်ခဲ့တဲ့ တောင်စွန်းနေရာကို 'ဧကရာဇ်တောင်စွန်း'.

ဧကရာဇ်ရေချိုးခဲ့တဲ့ ရေချိုးကန်ကို 'ဧကရာဇ်ရေကန်'.

ဧကရာဇ်အိမ်ပြန်ဖို့ အသုံးပြုတဲ့လမ်းကို 'ဧကရာဇ်လမ်း'လို့ ခေါ်လိုက်ကြသည်.

Lucius က ဒီတံတားရဲ့နာမည်ကို ပိုပြီးအဓိပ္ပါယ်ရှိတဲ့ နာမည်ကို ပြောင်းပေးလိုက်သည် 'Koemong တံတား' ဒီတံတားရဲ့ကျေးဇူးကြောင့် တိုင်းပြည်တွေကြားမှာ ကုန်စည်ကူးသန်းမှု ပိုမိုကောင်းမွန်လာတယ်လို့ ဒေသခံတွေက တင်ပြလာကြသည်.