نزل ادم بسرعه علي السلم ليذهب لكي يرى حبيبته فهو لم ينتظر دقيقه بعد الان
وعندها قابل نيره
نيره بخضه: ادم
ادم بابتسامه وفرحه ما بداخله: اسف خضيتك
نيره بتوتر: لا عادي محصلشي حاجه
ادم بمزاح: طب يلا عشان هما مستنينا فوق ولا هنقضيها وقفه علي السلم
نيره بأجاب: اه يلا نطلع
وصعد ادم ونيره للمنزل
شيماء وهي تفتح لهم الباب: ازيك يا نيره ياحبيبتي
نيره بهدوء: ازيك ياطنط
شيماء: كده يانيره متسأليش عليا طول السنين ده كلها
نيره بنفس الهدوء: معلشي ياطنط انا كنت بسأل ماما عن احوال حضرتك.. هي فين ماما
شيماء بستغراب: جوا ياحبيبتي ادخليلها
شيماء لادم: نيره معدتشي نيره بتاع زمان يا ادم
ادم بحزن: انا لازم اعرف ايه اللي غيرها كده
شيماء بحزن: البت ياعيني كانت بتهزر علطول دلوقتي تحسها مش قادره تتكلم وخست خالص
ادم: ان شاء الله كله هيبقي كويس
شيماء: منه لله علي من ساعه ماسبها وهي كده
ادم بغضب: ماما خلاص مش لازم نتكلم في القديم مش ده كلامك
شيماء: خلاص خلاص متتعصبشي كده يلا ندخل
وبعد مرور وقت
شيماء: منورين ياجماعه والله
صباح : نورك يا شوشو ياحبيبتي والله وحشاني خالص
شيماء : والله وانتي كمان
وادم ونيره علي نفس الوضع كلاهما لا يتحدث ولكن عيونهم كانت تخبر كل منهما علي اشتياق حبيبه
نيره: معلشي ياجماعه انا هقوم اعمل مكالمه في البلكونه وراجعه تاني
صباح : ماشي ياحبيبتي
شيماء: صباح نيره فعلا اتغيرت اوي ده من ساعه مجيتو وهي قاعده ساكته
صباح بحزن: اهو ده حالها من ساعه معلي سابها وكل لما يجيلها خطاب ترفض
شيماء: طب وانتي هتعملي اييه ده مش حال ده كده هتوقف حالها ياصباح
صباح: والله منا عارفه ياشيماء انا تعبت معاها
ادم بحزن علي حبيبته : طيب ياجماعه انا هروح اشوف حاجه كده وراجع
شيماء : ماشي ياحبيبي
دخل ادم الي الشرفه بهدوء ليجد نيره تبكي بشده
ادم بقلق: نيره انتي كويسه
نيره بخضه: اه اه كويسه
ادم: مالك يانيره
نيره: م.. مفيش بس وحده صحبتي مامتها اتوفت وانا كنت بحبها بس عشان كده زعلانه شويه
ادم بثقه: نيره انتي مكنتيش بتكلمي حد انا متأكد
نيره بستغراب كيف عرف انها تكذب: قصدك يعني اني انا بكذب
ادم بحده : لو فكره اني مش هعرف انك كنتي فعلا بتعملي مكالمه ولا لا فأنا اللي مربيكي وعارفك كويس
نيره بتوتر: ايوه يعني انت عايز ايه
ادم بهدوء : ممكن تقوليلي ليه بتعملي كده ليه بتتهربي مني ليه مش بتوافقي علي اي حد يجي يخطبك حتي لما مامتك كلمتك ان انا اجي اخطبك رفضتي مع اني متأكد انك بتحبيني زي ما انا بحبك كنت مفكر انك زعلانه علي خطيبك الاول بس انا لما شوفت نظره الكره اللي بتبصيله بيها يوم المحضر عرفت ان حزنك وبعدك ده مش عشان سابك ليه انتي حزينه كده ليه....
نيره ببكاء: كفايه كفايه بئا سيبني في حالي
ادم بخوف: نيره!
نيره ببكاء: ده حياتي اعيشها زي ما انا عايزه انت ملكشي الحق عليا انك تقولي ليه بتعملي كده وليه متعمليش انت كنت بنسبالي اخ وبس غير كده لا ولو كنت فعلا بحبك يبقي ده من زمان والحب ده اتقطع من8 سنين انت ملكشي كلمه عليا يا ادم وانا مش مجرمه عندك بتحقق معاها يا حضره الظابط
ادم بصدمه في نفسه: هل هذه هي حبيبتي هل هذه هي ملاكي هل هذه هي فتاتي الصغيره هل هذه هي فتاتي التي اخذت روحي معاها عند بعدها..
ادم بهدوء وحزن شديد وقد امسك بزراعيها وقربها منه وينظر في تلك العيون الزرقاء التي اذابته منذ زمن
ادم: نيره انتي بتضحكي علي نفسك مش عليا انتي بتحبيني وانا بعشقك قوليلي ليه بتبعدي عشان خطري قوليلي
نيره وهي تفاجأت مما قام به: ادم مينفعشي اللي انت بتعمله ده سبني
ادم : مش هسيبك الا لما تقوليلي ليه بتبعدي
نظرت نيره ببكاء الي عينه البنيه وهي تقول في نفسها: اني اعشق هذه العيون البنيه واذوب فيها عندما انظر لها انت من تملكت قلبي انت وكفى اشتقت اليك يا حبيبي بل يا عاشقي ولكن....
نيره ببكاء وحزن: ادم صدقني مش هقدر اقولك
ادم وقد زاد ضغط عليها بيده: ليه مش هتقدرى لييه
نيره بصوت منخفض وهي مستمره في البكاء لا تدرك ما تقوله فهذه العيون اذابتها : صدقني بعدي عنك ده خوف عليك لو جوبتك علي اسألتك ده هتبعد عني للابد صدقني ده عشان انا خايفه عليك
ونظرت في عيونه وهي تقول : خايفه عليك عشان بحبك
ادم وقد ترك يديها : انا عمري ماهبعد عنك يانيره صدقيني
نيره وهي لم تدرك ما تقول: هو هيبعدك عندي يا ادم هو اللي هيأذيك وهيأذيني هو السبب يا ادم
ادم : هو مين؟.... على صح؟
