الروايه "غربال الروح "
بقلم /رحيل القوافي ...
Ghadeer-1997
شبينه بشبت العشرين
حتي خيالنه محدب ...؟؟
،،،
كبرنه هواي واحنه اصغار
كل دمعه بكبر خدنه
چا واليل..
چا والشوك..
چا و الشيب..
باك هواي من عدنه
.......
من وصلت عاين عليه وكال لعباس ... يله انه رايح موش تنسئ باجر الخطبه موش تنسئ.
جاوبه عباس ... انشالله اجيب امي واجي
دار عليه عباس وكال ... هاي الطركاعه بعدها عدنه
هزيت راسي اله بـ اي
رد كال ... انه اروح اذب ماي للحلال وانتي جهزي المطال
مشئ عباس وخلاني واكفه چدامه وجن يتغصد بسوايته هاي اجه ثابت وصار كريب مني
كتله ... خطوبة ياهو باجر بس لاع مريم
رد وبعيونه اعتذار ... لاع خطوبتي انه موش من الاول كتلج اتباعدي عني ينار انتي راح تحركيني ماسمعتي وضربتي حجي بعرض الحايط وبعد ماينفع الندم انه حتركت بنارج وراح احركج بناري.
غوركت عيوني بالدمع كتله بدون ماانتبه على نفسي ... شنهي خطوبتك انه كلشي مافتهمت منك انه شنهي الجنيته وشوكت حركتك.!!
جانت عيونه بعيوني رد عليه .... لا تبجي انه ادري بيج قويه وماينخاف عليج اعذريني انه من الاول كتلج الحب ممنوع ينار.
رديت عليه ... ليش ممنوع هو شنهو الموش ممنوع كله ممنوع الحب الستر العرض كلشي ممنوع...؟؟
نزلت دموعي بضعف وانه اعاين حب الطفوله يضيع مني...
كال ... باجر لاتجين حتى لو عباس لح عليج لاتجين لاتعذبيني وتعذبين روحج
... عافني وراح وانه تايهه بعد مابنيت احلام اجه وهدمه كله فرحت من صار عندي اهل وكلت هاي هيه ثابت راح يصير الي.
چا وعيونه التحجي الحب وحجاياته مرات من يحجيه بسهوه شنهي معناها ...!!
كل هذا ومايحبني ليش يثابت طلعت ضعيف وانه الكولن عنك سبع وماتخاف ليش عفتني بنص صحراء وكتلي عيشي ....
.........
نازك ••
همس بصوت ناصي ... لو يصير افتح روحي واضمج بيها
رديت بنفس صوته ...اذا هل كثر تحبني جا ليش هج اسوي وياي
رد ... اكو شي بس يخلص تخلص كلشي وياها وهساع احمدي ربج انه تعبان وله جان كسرتج.
غفيت بحضنه وماحسيت على روحي بعد كعدنه فايت وكت ...
كمت اعدل بالحجره وهو بدل جان واكف على المرايه اندكت باب الحجره قوي وبعدها انفتح ودخلت ريحان مثل الطفل جيتت بحضني تبجي مهضومه حضنته
وانه احاول انطيها الامان الهيس بي مامش بكلبها
عاين علينه مظهر وكال .... اظاهر عرفتي بالسالفه
رفعت راسها من حضني وهزت بـ اي
أنت تقرأ
غربال الروح
Romantikتخرج من السنت الشيوخ اعدام الحياة ولكن ...؟ هل يعدم الحب ... ام يقف في وجهه العادات والتقاليد والسنت الشيوخ .. ام يصبح ريل ويذهب مع القطار ...!
