💕أنت قلبي٢💕

الحلقة ٨٠

#انت_قلبي٢
#بوسي_مصطفى
_______________
الحلقة ٨٠

مليكة و سيف قاعدين في العربية تليفون سيف يرن.
سيف : ثواني يا مليكة هشوف مين وبعدين نكمل كلامنا.
مليكة : اوك يا حبيبي.
سيف : ايوه يا حمزة.
حمزة بحزن : انت ليه مقولتليش إن خطوبة نادين كانت الليلة؟
سيف : كنت هتعمل ايه يعني؟
حمزة : انت عارف أنا كنت نازل وناوي اروحلها واتقدم من تاني لباباها حتى مكلفتش خاطرك إنك تقولي..
شكرا يا صاحبي.
سيف : لا العفو وعايزني اعملك ايه انا دلوقت ما انا قولتلك على اللي فيها قبل ما تسافر وانت اخدت القرار خلاص اتحمل بقى..
حمزة : كده يا سيف طيب.. سلام.
سيف : استنى متقفلش انا اللي كنت اقصده يعني...
وقبل ما سيف يكمل كلامه كان حمزة قافل التليفون.
سيف : غبي وعمرك ما هتفهم.
مليكة : هو حمزة رجع من الكويت؟
سيف بحزن : ايوه.. انا اللي جايبه النهاردة من المطار.
مليكة : بس كنت قاسي عليه اوي يا سيف.
سيف : يا حبيبتي انا كلمته وقتها وكلمت نادين كمان
وحاولت معاهم لكن دماغهم ناشفه
هو كان وقتها مصمم يسافر و هي حاطه شرط إنه ميسافرش قصاد إنهم يكملوا ما انتِ كنتي معايا وعارفه الحوار ده.
مليكة : ايوه بس اسلوبك كان جاف اوي معاه.
سيف : علشان يفوق لنفسه بقى
نادين اتخطبت وانا عايزة ينسى ويشوف حياته.
مليكة : مش عارفه اقولك ايه
بس انا خايفه إنهم ميقدرش ينسوا.
سيف : تقصدي نادين كمان تكون لسه بتحبه؟
مليكة : معرفش و لا أقدر أقول كده بس أنا بقول خايفه يكون لسه يعني....
خلاص يا سيف مش مهم.
سيف : هوصلك البيت علشان اروح.

في فيلا اسر...
اسر : مليكة مجاتش معاكي ليه يا سهر؟
سهر : سيف قال إنه هيوصلها.
اسر : اه طيب..
سهر : ايه يا حبيبي مالك؟
اسر بتنهيده : منه صعبانه عليه اوي.
سهر : و انا كمان ومش عارفه ايه اخرتها في دماغهم
الناشفه دي
طب حتى علشان الولاد.
اسر : الغريبه ان إياد المرادي مصمم بطريقة مستفزه
منه ذنبها ايه طيب في الحوار دا كله؟!
سهر : طب ما تكلمه يا اسر.
اسر : مين انا؟
سهر : ايوه وفيها ايه؟
اسر : ما انا كلمته يا سهر قبل كده.
سهر : طب ليه وليد ميروحش يتكلم معاه ويحاول يقنع مامته كمان.
اسر : وليد عادي يروح يكلمه ويعتذرله بس انسى حكاية
إن طنط سعاد تروح تكلمه دي.
سهر : ليه؟
اسر : مش هنضحك على يعض يا سهر.. هي مش هتوافق
انا عارف دماغها كويس.
سهر : هي قصدها من كل دا انها تكسر إياد وتهد بيته صح؟
سكت اسر و مردش.
سهر : بس هي مكسرتش إياد لوحده ولا هدت بيته برضه لوحده هي كمان كسرت بنتها وهدت بيتها و بعدتها
عن ولادها.
اسر : موضوع الولاد دا سهل
هي تقدر تأخدهم عادي المشكلة في الاستقرار الأسرى
اللي مبقاش موجود أب في ناحية و ام في ناحية و الاولاد ما بينهم حاجه يعني تحرق الدم.
سهر : طب اهدا بس و اقعد استريح.
اسر : قعدت تعيط لما كان نفسها هيتقطع و انا احاول أهديها مفيش.
سهر : يا حبيبتي.
اسر : المشكلة الأكبر إنها بتحبه.
سهر : و دي مشكلة؟!
اسر : ايوه مشكلة علشان هما منفصلين دلوقت و كون إنها بتحبه لحد دلوقت يبقى الحوار مش بس إن البيت اتهد لأ كمان قلبها اتكسر بعد ما كل واحد بقى بعيد عن التاني.
سهر : مش عارفه اقولك ايه بصراحه.
أسر : اتصلي بمليكة شوفيها فين انا عايز انام ومش هينفع احط دماغي وبنتي بره البيت.
سهر : اهي جات اهيه انا سامعه صوت العربية.
اسر : طيب هنزل اعزم عليه يدخل.
سهر : اوك..
نزل اسر تحت طلب من سيف يدخل اعتذر سيف لإن الوقت متأخر واستأذن و خرج.
__________