- بس أنا أتوجعت ياشيخي !
- مهما تتوجعي إعرفي إن دا درس ليكِ مع كل وجع بيعلمك إزاي تقربي من ربنا خطوة وبيفهمك أد إيه إنتي بعيدة لسة وأد اية فاكره نفسك صح وإنتي غلط ،بنتوجع عشان نتعلم ونقرب.. بصي أوقات بيكون الوجع دا جاي بدرس صعب أوي .... زي مثلا منثقش في حد ومنسلمش قلبنا لحد وإزاي نتعلق بربنا وبس ومع كل حاجة من دي غصة في قلبك لازم توجعك عشان تتعلمي تتعلمي ان الجنه مش ببلاش وأن كل متعلق بغير الله مخذول
- طب والناس ...وإحتياجي لحد يكمل معايا طريقي !
- الناس ! يا الله ... دا يوم القيامه أول حد هيسيبك هو أخوكي وبعد كده أمك وأبوكي ! أول ما الملك هيقول هلموا فقد حان وقت الحساب الناس هتنسي بعضها وكله هيقول نفسي نفسي إلا النبي محمد إللي إحنا سايبين سُنته هو الوحيد إللي هيقول أمتي أمتي... ناس مين دا إنتي لما إتولدتي وأتعلمتي وبكيتي وإتوجعتي كنتِ لواحدك صح ! ولما هتتدفني وتبعثي وتتحاسبي هتكوني لواحدك مفيش حد هيدخل يتحاسب مكانك! ناس مين دا يوم القيامه مفيش حد هيديكي حسنه واحدة بس حتي لو بينك وبين الجنه الحسنه دي ...أغلي حد في حياتك مش هيديها ليكِ وهيقول نفسي نفسي ... ربنا قال :
(( وَكُلُّهُمْ آتِيهِ يَوْمَ الْقِيَامَةِ فَرْدًا ))
فرداً ... اه بنحتاج لناس تكمل معانا المسيرة تعينا علي وحشه الطريق وعلي الغابه إللي جوانا بس في زمنا دا والله يابنتي الصديق هلاك لصديقه وألم لصديقه فلا يداويه ولكن يزيد جروحة ويجعل حزنة يتكاثر ( إلا من رحم ربي) و دوري دايما على الصحبه الصالحه و صاحبي مصحفك الاول كل ماتحسي أنك نفسك تفضفضي إمسكي المصحف وأقرأي ورتلي ... كل ماتحسي بإحتياجك لسند تميلي علية إجري علي ربك وميلي علي مصليتك متمليش علي حد غير ربك عشان ربنا هو أكتر حد هيعينك ويحس بيكي .. هو اللي عارف ظلمات قلبك ومع ذلك مسبكيش زي صحابك هو إللي عارف أد اي إنتي وحشه ومع ذلك بيحبك ، عارف عنك حاجات أقسم بالله لايطيقها أي بشر حتي أمك ومع ذلك أحن عليكِ منها ... البشر تعاير والله يستر ... البشر هيطبطبوا بس الله يجبر ويزهر ، الله إن كافئ رزق بحسن الخاتمه فتجعلك تفوزين فوزاً عظيماً والبشر إذا كافئت أتت لكِ بالاشياء التي تجعلك تبتسمين شهوراً ! لا أكثر .... إبن تيمية كان صديقه هو المصحف . وإذا جاء يوم وإحتاجتي سند غير الله فعليكِ أن تُعيدي حسباتك فلا بقاء لبشر وإنما البقاء لخالق البشر 🌸"
