🍇الحلقـــ27ـة : القســ3ــم 🍇
✴🍂🍂✴
كانت اول مرة من سنين يتكلم وتسمعو ، لاول مرة تصدق كلمة ووعد تعطالها ...العين مراية القلب ...نجمت تقرى من عيونو انو حكى من داخلو ...موش لسانو ايلي طمنها انما كل انش منو عطاها وعد باش مايخليهاش ...حركة موش عادية بين الاعوان خلتهم يفيقو من لحظات الخيال هاكي و يخزرولهم وراهم ...ويثبتو فيهم ...من الظاهر انو فمة جديد والا لقاو جرة جديدة يتبعوها ...جراو مع بعضهم فرد وقت ...القلوب على بعضها ...خطوة بخطوة وساق بساق ...حتى وهوماياقفو ...وقفو في نفس الوقت ...وعلى نفس ااخط قدام المفتش ...سألتو ملهوفة ...تحب تسمع حاجة تفرحها "لقيتو بنتي !؟"
كان ظاهر عليه انه متقلب و متأسف وتحت لسانو فمة حديث مخبي ...قعد مرة يخزرلها ومرة يخزر لاركان ...زم شفايفو وخزر لوطة ...من بعد شاورلها ناحية زميلو ايلي كانت في يدو بلاستيكة بيضاء مغلفة فردة يمين لشلاكة موف ...صغيرة ...وعليها ...بلايص كحل ...قلبها ضرب بقوة ...وماتت حواسها الكل وهي تحط كل تركيزها عليها ...حتى كيف سألها المفتش "هاذي تابعة بنتك ؟! "
ماسمعتهوش...وماجاوبتهوش...كركرت ساقيها الرزينة وقلعتها تقليع من بلاصتها ...مدت صوابعة ايلي ترجف وتلمست الفردة بضياع ...تمتمت وهي تثبت في البلايص الكحل "هذا ...دم؟!!! "
يدو لا اراديا تحطت على صدرو .... شهق بهواء مخنوق ...ووخر خطوة لتالي ...زن في وذنو صوتها وهي تناديلو ..."بااااااا"....غمض عينو ورعشت اطرافو وهو يعاود يسمع ضحكاتها تتعاود في هاك الغابة ...حل عينيه على كبرهم وخزر على اجنابو ...سمعها صداها ومن غير الممكن ماتكونش فم ...عاود خزر لتولين وللعون ايلي قدامها ...كلمات متداخلة ...مخلوضة ...مانجم يفهم ويسمع منها كان " وراء القنطرة...دم...هي .."
حط كفوفو الزوز على وذنيه و بدى يضرب اجناب راسو"هي ...هي ...ماهيش هي ...ماهيش هي ..."
مع كلمتو ....نطقت تولين بضياع "ماهيش ...هي ...ماهيش بنتي ...فردتها ...لكن ماهيش هي "
ترهوجت وعلى شوية كانت باش تتصلب لقدام واطيح مافي عينها بلة....لكن اركان وصاها تكون قوية ...باش كي ترجع بنتها ...تراها واقفة على ساقيك...مدت يدها ليلي واقف وراها ...طالبة يسندها ...شدتها ذراع قوية ...رجعتها واقفة ...ثابتة ...على بلاصتها ...هزت عينيها وخزرتلو ....عينيه الزرقاء ...فكرتها في بنتها ....هبطت دمعتها وسالت بلا صوت ...ضغط على ظهرها وخلى راسها على صدرو ووشوش في وذنها "ماهيش ...هي ...وراس بنتي ....ماهيش هي "
دار اركان نص دورة وهو يلوج بعينيه بين الشجر ...لعل يلقى امارة لها القنطرة ايلي يحكي عليها ... والا حتى ثنية ...مايهمش ...حجر والا شوك ...نار والا ثلج...المهم يلقاها ومستعد يمشيها ...عصر عليه قلبو ...وحس بيه يتشرح بسكينة حافية ...حس معاها بعروقو تتقطع تقطيع...بين وهمو وبين واقعو ...فاق بيدين تتلف على رقبتو من جديد...اكثر ما الهواء مقطوع عليه ...زاد تقطع...بحرارة الروح بعد صاحبها ...وبين الضباب ايلي هو فيه سمعو وهو يصيح "انت ....السببب...."
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Cerita Pendek★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
