💐الحلقــــ28ـة " القســ2ــــم "💐
✴💚💚✴
تأوهت وهي تحبس على بلاصتها ،هاذي ماهيش اول مرة تتلوى ساقها فيها ...لهث اركان وهو ياقف قدامها ويحط يديه على وسطو " تولين...لازمك تسمع كلامي...هكا ماناش باش نوصلو لحاجة "
خزرتلو و صدرها يتهز ويتحط بنفس قوي " لازمني نكمل "
بلل شفايفو الشايخين و حاوط اكتافها بكفوفو " اسمعني مليح...الغابة فيها وعر وانت من بكري تتكب وتتقعد...اذا شنقعدو كل شوية ناقفو ...الوقت يضيع منا ...وهذا موش في صالح سيلين جملة ...خليني نرجعك بجنب امك و عبد الجليل ...هوكا لوجو في عقلكم وعلى قد خطوتكم ...وانا خليني نكمل وحدي ...ع الاقل ماتعطلنيش"
كلامو كان لوجيك مانجمتش تخالفو ولا تناقشو فيه ...شاورتلو براسها موافقة وهو بالوقت جبد تاليفونو من جيبو وطلب عبد الجليل نعتو على بلاصتو بعد ماوصفهالو و اكد عليه باش يجيه فيسع ومن الطاف الله لقاهم قراب منو وهكاكا موش باش يستنى بارشا
ترددت قبل ماتقترح عليه " اركان...كمل انت ...تو نستناهم هوني وحدي ...ماتزيدش تضيع الوقت "
نفى براسو" عادك بيهم وصلو ...الوقت ايلي باش ي
نضيعو تو نعوضو "
حبت تزيد تقنعو " قعادك هوني زايد ..."
خزرلها بشطر عين " تولين ....مانيش باش نخليك مطيشة في ها الغابة وحدك ونمشي...من جهة انت ومن جهة سيلين ...هكا شنقعد مشغشب ..ها الكلاب ايلي خطفو بنتك في حفرة من الحفر هوني ...كيفاش نخليك ليهم ونمشي .."
تلونت عينيها بدموعها وبالكاد خبتهم ...حاولت تتفكر اول نهار قابلتو ...واول كلمة حكاتها معاه...مانجمتش تستحضر لحظاتهم الاولى ...جراير حبها القديم نسات حتى ميعادها مع بقية الناس...قاقت انو ماضيها خذى بارشا من حياتها وصعيب ترجع ايلي فاتها..
قعد يدادي كيف المجنون ...مخو يلف في الف لفة لعل يلقى طريق يتبعو ويوصل بيه لسيلين ...ماخرج من هاك القاع كان بحضور عبد الجليل ايلي اول ماراه نادالو " اركاااان "
نادتلها امها وهي مشمرة على جيبها الطويل باش مايعطلهاش " تووولين "
جراتلها عنقتها ومسحت بحنية على شعرها وسألت اركان " قلي لقيتوش حاجة ...؟!"
شاورلها براسو لا ووجه كلامو لعبد الجليل " انا باش نكمل وحدي...وانتوما لوجو من الجهة ايلي جيتو منها ..." سكت لحظات وهو يثبت فيه وكاينو بهاك الخزرات حط شوية من حملو عليه "هوما في امانتك توا " ضرب كتفو بكفو وتلفت لتولين لقى عينيها اتبع فيه من بين ضباب دموعها ...عرضتلو بذراعاتها الزوز وقت هم باش يكمل طريقو ...ناجتو بخزراتها من غير ماتنطق بكلمات ...تبعهم بوجيعة خرجت تحرق من بين ضلوعو ...تبسملها وبهاك التبسيمة طمنها ورجع شوية من روحها الضايعة ...جبد روحو من بين يديها وكمل ثنيتو يجري ...ها المرة وحدو...في حرب ماهيش حربو ...لكن دخلها حليف لقلب عشقو وفنا معاه ...ومالقى منو كان الصد...هكا القلوب ايلي تعشق صح ...تضحي وتمشي لموتها بساقيها راضية انها تتذبح بسكينة ايلي هواتو الروح واختارو المكنون .
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Historia Corta★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
