#دفنوني ثم حييت من جديد

البارت الأول

مريم....كعدت من الصبح واني كولي نشاط وحيوية متحمسة كولش لانو اليوم النتائج سويت ريوك وكعدو الكل واكلو

ام مريم....ماماتي حبيبتي اريدج اليوم معدلج يرفع راسنة كدام العالم

مريم.... ان شاء الله ماما

ابو مريم... اني واثق ببنتي شطورة وحترفع راسي وحتطلع طبية

مريم.... نشالله بابا اضل رافعة راسكم انت وماما دايما

احمد/مريومة اذا طلعتي معدل عالي بس اتمني واني انفذلجياه

مريم.... يومة فوديت اخوية اني

مريم....نسيت اعرفكم علية اني اسمي مريم طالبة سادس علمي عمري 18 سنة ساكنة ببغداد اني طولي 155 يعني قزومة ووزني 55 وزني مثالي اني بيضة كطن عيوني عسليات كبار شعري طويل اسود ملامح وجهي مرتبة  حلكي صغير وردي وخشمي حلو صغير يعني جميلة كلش بس الجمال هوة الي هدم حياتي اني عندي اخ واحك اسمة احمد علاقتي ويا كولش حلوة وماما وبابا يحبوني وبابا كولش مقرب مني اكثر من ماما وعندي اخت جبيرة مزوجة اسمهة رنا عندهة طفل واحد اسمة غيث يخبل كولش احبة وهوة هم يحبني وعندي صديقاتي ثنين بنين و ليان كلش مقربات مني وبنفس منطقتنة هنة نرجع للقصة

مريم.... اجني بنين و ليان علية عمود نروح نستلم النتيجة

بنين...هلو ميمي شونج 😘

مريم... تمام حبي انتي شونج ليان حبي شونج 😘

ليان...هلا عمري تمام 😍

مريم....يلة بنات ترة اني كلبي صاير نار من ورة النتائج

ليان..... يلة يلة امشن

مريم.... طلعنة من البيت واني الطريق كولة اقرة ايات وخايفة اخاف معدلي ميطلع عالي بطريق المدرسة جان بنين تكولي

بنين.... ميمي حبي باعي هذاك الولد شون يباوعلج

مريم....عوفي خيولي هذا دايما يباوعلي هيج ماحبة وما ارتاح لنظراتة

ليان/يول باعي شون يخبل خاب صدوك عندج حظ اني هذا يباوعلي وماباوعلة

مريم....اصلا اخر همي هذا واشكالة خيولي اصلا ماشايلتة من كاعة (هسة تكولون متكبرة لابالعكس مو متكبرة بس اني ما احب انو ولد يضل يباوع ويصجم ويذب حجي وارقام  لهيج يعني ما انطي لاي ولد مجال) وصلنة للمدرسة .....بنين اني رجلية بعد مشيلني

بنين/ولج كول يالله نشالله معدلج عالي شبيج هيج خايفة جنج دجاجة😂😂

مريم/لج نجبي يول خايفة والله

ليان/اهمداني انتي خايفة لو احنة الي لازم نخاف والله لو اني بمكانج ياميمي اصلا ولا اخاف اصلا انتي كولش شاطرة واكيد معدلج عالي

مريم.... ولج معرف خايفة طبن  استلمن النتيجة واني استلمهة وراجن ...طبن ليان وبنين استلمن النتيجة ...ها بشرن

ليان....عزة معقولة اني حصلت معدل 75 ما اصدك الحمدالله والشكر الك ربي

مريم...مبروك حياتي وانتي بنونة بشري

بنين....الحمدالله معدلي82

مريم...يي الحمدالله

بنين....هسة صار دورج انتي لازم تطبين

مريم/خايفة والله

ليان....يوووو ميمي لسوين هلدراميات هاي كولهة وطبي يلة

مريم.....اوكي امري لله طبيت استلمت النتيجة وطلعت ابجي

بنين...ولج ميمي اسم الله شبيج

ليان...حبيبتي ميمي كافي تعوضيهة بالسنة الجاية نشالله

مريم.... طلعت واني ابجي بس هاي دموع الفرح ومكيفة واحجي وية البنات وعيوني مغوركة بالدموع ولجن معدلي 97 الحمدالله ياربي لانو ما ضاع تعبي بالخالي بلاش الحمدالله

بنين و ليان .... الحمدالله مبروك حبيبتي علة نجاحج

مريم....الله يبارك بيجن ...رجعنة من المدرسة وجان نفس الشاب يباوعلي بس بنظرات غريبة وكولهة مكر اني ضجت منة حيل 

ليان....نيالج باعي شون يباوعلج هذا عليج الله اذا انطاج الرقم اخذي ونطينيا 

مريم...نجبي اصلا ما اخذة

بنين...يلة امشين وبلا لغي زايد

مريم....وصلنة يم حديقة صغيرة صير مقابيل فرعنة وهنا راحن بنين وليان لبيتهم واني جنت رايحة للبيت مكيفة

ام مريم....راحت مريم وصديقاتها للمدرسة عمود يشوفون النتائج وانتظرت ساعة ومريم ماكو ضل بالي صار الظهر ومريم لسة مجاية واجة ابو مريم واحمد ....ابو مريم عيني الحك مريم ماكو من الصبح

ابو مريم....شنو بعدها مجاية وين راحت

احمد.... بابا انزين تعالو نتصل علة صديقاتها بلكن وياها ...اتصلنة علة بيت صديقتها ليان ...الووو سلام عليكم ها خيتي شونج

ليان...وعليكم السلام منو

احمد...خيتي مريم عدكم

ليان...لا  خوية هي رجعت احنة وصلنة للحديقة الي مقابل الفرع مالتكم واني وبنين رحنة بطريقنة وهي شفت دا ترجع للبيت

احمد....اها اشكرج خيتي

ليان...هي خو مبيهة شي

احمد... لا مبيهة شي

ليان ....تمام باي

#دفنوني_ثم_حيت_من_جديد🔞