غربال الروح

البارت التاسع والاربعين

الروايه " غربال الروح "
بقلم / رحيل القوافي .....
Ghadeer-1997
انه الباكو فرحتي فتحت القران
وانه الزفو حبيبي الغيري كدامي
،،،،،،،،
المايحصل على حبه يظل يتيم
وتبقئ فوك السانه
بس الله كريم
،،،،،،،
رحت العرسه
وباركت العروسته
وكالت "يوم الج "
كتلها " الحلمت بي سنين "
هس صار حلالج
.........

روح يبن بطني بعدك مازوجت وفضلتها عليه اذا من هساع وانت تكسر كلبي بعدين شراح اسوي موش بعيد تطردني انه وخواتك من البيت.

.... امي جثير زادت من البهارت عباس ظل يحاول يهدي بروح بس خاطر مايزعل امي اكثر من هج عاين عليها وانطئ نظرت كرها الجواهر

وكال .... انه ما اوافق اذا ماتوافق على شروطي
ردت امي ابعجل اتخاف يغير رأيه ... واحنه اموافقين على كل شروطك موش صح يبنات

ردينه انه وريحان ...صح يمه اموافقين
ضحك وكال .... موش انتم هي هاي
كالت ... امي اموافقه يمه يله تعال نكعد ونتفق على الحاضر والغايب وشوكت العرس

كال .... هوب هوب على كيفج يمه ليش هاي هم تريد حاضر وغايب
انغهرت جواهر حالها مثل حال الفصليه كالت ... بس خاله انه ماريد ازوج اخابر امي وتجي اتعاينلي حل مشكورين انتم ماغصرتو وياي

ضربتها امي وكالت ... انجبي واسكتي انتي محد اخذ رايج، اي يمه كول شتريد ...؟؟

عباس وجه چلامه لجواهر وكال ... ليش ماتردين تزوجين خاطر ماتنفضحين موش صح خو كولي انه موش ابنيه وفضيها انه اخذج اخذج عبن امي ماراح تعوفني بحالي.

نزلت دموعها جواهر وكالت ... انه بعدني ابنيه وراح اثبتلك هل الشي بس وراها كلمن يروح بدربه.

كتلها ..... شنهي شمالج جواهر مايغصد هو وبعدين انه ماصدك اصيرين مرت اخوي يمه شحلاتها من ادش للبيت والكاج موجوده.

كالت .... لاع نازك هو يغصد بالحجه وانه موش الهدرجه رخيصه.!!
رد عليه عباس ... لاتكعدين تتعززين علينه وهساع خلي اكولن شروطي

ردت امي ... احجي يمه شنهي شروطك.؟؟
كال ... روحه لبيت خالتها مامش بعد ماتوصلهم واذا تريد تعاين خالتها تجي هنا وطلعه وفره بالديره مامش هم حدها للبستان لو من يجن البنات تكعد يم الساكيه غير هج مامش طلعه والحنه والعرس فد يوم.

..... امي عاينت على جواهر وتنتظر جوابها جواهر جانت حايره بين اتوافق لو ترفض انه ادري بيها تحب عباس بس هو هانها جثير.

امي حاجتها بطريچه كلش لطيفه اول مره اعاين امي هج عدها الف اسلوب
كالت .... عايني يمه منا ورايح انه امج والبنات خواتج وبعدين البنيه شتريد غير الستر واذا على خالتج انه يوميه اجيبها الج هااا شنهي رايج.

هزت راسها جواهر بال موافغه هلهلت امي وعيونها لمعة بالفرح كلشي صار بسرعه ماتوقعت هج من جهه ريحان وكسرت كلبها ومن جهه ثانيه خلاص جواهر من الظلم العايشته.