احببتها منذ الصغر

البارت 5

اتفقوا على المهر وهاي السوالف بعدين ام عمار گالت..

ام عمار: هاا خلود موافقة على الزواج

خلود: ...

ابو عمار: خلود موافقة على الزواج

خلود: اي موافقة

ابو عمار: وانت عمار موافق على الزواج

عمار: اي موافق

تمت الموافقة من الطرفين بعدين عمار گال..

عمار: ابو علي اذا تسمح اريد احجي ويه خلود على انفراد

ابو علي: اي اكيد بابا خلود روحي انتي وعمار للغرفة

خلود: اوك بابا

طلعت اني وياه من الاستقبال ودخلنه للغرفة عم الصمت بينه لثواني بعدين گال..

عمار: انتي شنو مخلصة دراسة

خلود: ترجمة لغات

عمار: كم عمرج

خلود:٢٤ سنة

عمار: اهااا .. انتي چنتي مخطوبة صح

خلود: اي صح

عمار: اوك ... ممكن اعرف سبب ليش الغة زواجچ

خلود: ليش بابا مگلك

عمار: لا بس گال خلود چانت مخطوبة

خلود: امممم

عمار: اي گولي ليش خطيبج السابق لغة الزواج

خلود: مو لغة الزواج بس ..

عمار: بس شنو

خلود: توفى قبل اسبوع من زواجنة

عمار: شنو

خلود: اي

عمار: اي شلون توفى

خلود: حادث سيارة

عمار: اممم كم چان عمرج

خلود: ١٧ سنة

عمار: وليش ما ازوجتي بعدها

خلود: لان احبه وعشت ٧ سنوات على ذكرياته

عمار: وهسة بعدج تحبيه

خلود: اچذب عليك اذا اگلك ما احبه

عمار: يعني افهم من كلامج انتي مجبورة على الزواج

خلود: لا ممجبورة بس اني وافقت بشرط انو انت تعرف اني چنت مخطوبه واني

حجيت كلشي صار وما كذبت عليك

عمار: اوك .. يله نروح للاستقبال

خلود: اي تفضل

طلعنه من الغرفة واني چنت حاسة انو عمار غير رأيه بالزواج لان گتله اني احب

خطيبي السابق بس فاجأني من گال ..

عمار: بويه اني موافق على الزواج