🌟رواية لبوة ثائر🌟
🌟بقلمي M.A.M
لا تجي وشـايل عذر
وَسفهَ ي الاسمر تعتذر
عـذرك يحزني من ألنحر
لا تجـي ولا تتـوسّف
خلِّ الفـراگ بلا شمس
والدمـع بـ الفَي يـنشَف
النواب ♥️
🌿ثائر 🌿
اول ماوصلنا للمركز جانوا يجهزون نفسهم للنسحاب هذا اكثر شيء كسرني بعد موت عمار يعني راح نترك كلشي و نطلع راح نترك دم شهداء بالكاع و دم عمار وسفه كعدت لانو ماكدر اوكف على رجلي باوعت عليها جانت تنزف ماهتميت شفتهم نزلو عمار و خذوا سندت نفسي على عسكري يالي واكف فوك راسي و كمت اجاء القائد وكف كدامي وكاله ـ الله يرحمه نقيب عمار خساره كلش جبيرة النه
كتله ـ ويرحم امواتك سيدي
ـ راح نطلع لبغداد ومناك ناخذهم للدفن
كتله ـ شلون تاخذه لبغداد انه راح اخذه ونرجع للبصره اهله كلهم هناك احنه ندفنه
ـ ماكو هيج حجي احنه زين اذا وصلنا لبغداد عايشين شلون تريد تاخذنه للبصره
ـ ماكو شيء انه راح اخذه و اروح ماكو داعي لجيتكم ويانه
ـ ملازم ثائر اعرف ويا منو كاعدتحجي و احجي عدل
ـ بس انه متعديت حدودي واعرف شنوكاعد احجي
ـ انت مبين معصب هسه ارتاح بعدين نحجي
ـ لا راح اخذه هسه
ـ مدكلي وين راح تاخذه وانت رجلك متكدر توكف علي شلون بله
ـ انطيني سيارة وانه اعرف شلون ادبر نفسي
ـ من وين راح تروح
ـ من شمال و نازل
اشر على عسكري جابلي مفاتيح وحده من سيارات وطلعوا خمس جثث و سادسهم اخويه وصديقي و صهري و ابن عمي عمار كتلهم يحطون التابوت بالسيارة لانو سيارة من نوع جبيرة فتحت صندوك السيارة الهم سدو الكراسي الاخيرات حتى يصير مكان للتابوت سلمت عليهم وتوكلت.......
🌿ريحانه 🌿
جنه كاعدين كلنه ننتظر خبر من ثائر و عمار گلبنه نار عليهم واني اه اني احس نار ومشتعله جوايه احس واحد منهم صايرله شيء شوية ودخل ابويه ركضت علي دخل ورا اخويه حسام وجان لازم غيث يالي مملخ روحه حتى قميصه شاكه من نص ويبجي بحضن حسام باوعت عليهم مدري شلون وصلت يم ابويه احس رجليه ثكلوا النسوان اول ماشافوهم بجوا كلت لبويه ـ ها بويه بشر مابيهم شيء مو راح يرجعون ها بويه
لزم راسي وخله بحضنه ويمسح على راسي ويبجي بعدت بسرعة ولزمت ايده باوعت على اخويه وغيث شلون كعدوا بالكاع ويبجون وغيث يضرب على راسه او ابويه يبجي كلت ببجيه ـ بويه احجي شكو
ـ بويه دمعتج سجينه بنص گلبي لا تبجين بويه لرجلج شهيد وشهيد اجره عند ربه جبير
اني سمعت هيج واحس اذني تصوفر وكعت بالكاع يعني عمار راح راح و تركني عطت ذيج العيطه يالي لمت نسوان كلهم عليه امي تحضن بيه وشيخه تلزم بيدي بس متكدر اشكد مابيه قوة اضرب على وجهي و صدري وصيح عمار وين تركتني ورحت مو كلت ماعوفج عماررررررررر
ام حسام ـ الله يصبرج يمه الله يصبرج ادعيله برحمه يمه
كلتها واني ابجي ـ يمه وين راح مو كلي منتظر كل ساعه و كل دقيقه حتى اشوف بنتي وين راح مو كال ماتركج مو كال منتظر اليوم يالي نزوج بي غيث ونفرح بي وين راح يمه وين راح وتركني اخخخخ
أنت تقرأ
لبوة ثائر
Mystery / Thrillerفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
