#دفنوني ثم حييت من جديد

البارت الثالث

البارت3

مريم....اسلتموني بالضرب واني ما احس باي شي بحيث وكعت بطولي واني ابجي واشهك يعني فوك الي صار وياية هذا كولة وانوب اهلي هيج يسون بية اووف ياربي شسويت اني بحياتي وهيج يصير وياية وعافوني بالنص ساعة اني مددة والدم يجري من وجهي وخشمي عيوني زوركت من بوكسات اخوية وضري كام يموتني ورة ماشافو اني ماكدر اتحرك اجة احمد وشالني من زندي وذبني بالمخزن والمخزن وصخ وكولة تراب وفيران وضلمة ضليت ابجي وادك وانحب واون من الالم وبعدين نمت بال4 وراها  اجتني الي تسمة امي الساعة بالستة الصبح وتضربني برجلهة

ام مريم....لج كومي نضفي البيت انتي من اليوم صرتي خدامة اصلا زايدة منة مبقيج خدامة احمدي ربج ماخليت اخوجن يكوتلج وكوتلة اخليهة خدامة الية ولمرتك بالمستقبل

مريم...ماما معقولة انتي هيج تحجين مو جنت اني مريم بنتج الصغيرونة المدللة الي تحبيهة ماما يعني قابل اني اجيت وكوتلهم تعالو وسو بية هيج ...اني احجي وابجي

ام مريم...نجبي لج انتي عار علينة همزين حنطمط السالفة يلة كومي نضي البيت كولة عدنة عزة بعد شوية

مريم...ليش عزة المن منو مات

ام مريم ....عزة الج لانو انتي متي بالنسبة النة وكدام العالم وبس يجون الناس انتي تطبين بالمخزن ونفس ما اسمعلج واذا احد حس انتي هنانة والله اكلبهة فوك راسج

مريم....ماما ليش داسوين بية هيج مو والله اني احبكم وحتة انتي جنتي تردين معدلي  عالي وصدوك ماما جبت معدل 97 يرفع الراس ماما لتموتوني هيج ...اني احجي وابجي

ام مريم.....دفرتها بطنهة نجبي ويلة كومي نضفي معدل يرفع الراس انتي نزلتي راسنة بدل ماترفعي كومي يلة

مريم.....كمت واني ابجي والحسرة بكلبي يعني واحد كاعد ينظف البيت مالتة عمود العزة مالتة بيا شرع بيا دين هذا الحجي صار كملت بالسبعة تنظيف سوتيلهم الريوك واني عبالي مثل كل يوم حينزل احمد يبوسني من خدي قبل ليترك ويكولي صباح الخير نزل احمد وهوة عاقد حاجبة نزل واني بتسمتلة وجان يتفل بنص وجهي  (تكرمون) اني راسن دموعي تنزل عشرة عشرة كوتلو حمودي ليش اسوي بية هيج واني اختك والله مو ذنبي ليش هيج دا اسون وياية بدال متوكفون وياية توكفون ضدي انت مو كولت بس طلعي معدل عالي واطلبي واني انفذ بعدني مكملت الحجاية

احمد....نجبي لج نكسة قذرة هذا الحجي قبل لصيرين وصخة قبل لصيرين قطعة سودة قبل لصيرين عار وجمالة تكول شنو ذنلي هوة كولة الصوج منج امشي ولي من وجهي لا ابتلي بيج

مريم...رحت ركض لغرفتي القديمة واني ابجي محد مشافني من رحتلهة طبيت جوة الدوش واني ابجي واشهك وراها اجيت دا ريد اتمدد علة السرير مالتي جان طب امي

ام مريم....ولج وين كومي كومي جمالة تريد تنام هنا امشي ولي يلة للمخزن هوة مكانج من ورياح وخلقتج اياج اشوفهة بالبيت بعد حتة ورة ميخلص العزة حدج بس للتنضيف والطبخ ماريد اعكر مزاجي بيج سامعة وماريدج تطلعين بوجه اخوج او ابوج ماريدهم يذكرون سوايتج

مريم....ماكدرت احجي اي شي بس انفجرت بالبجي رجعت للمخزن ومعدت ابجي وادك وانوح يا الهي ليش هيج سويت بية والله مالي ذنب ليش هيج اهلي دا يعاملوني يربي متكولي ذنو ذنبي اني الي كولتلهم تعالي اغتصبوني وابجي فحطت من البجي والفيران والصراصير جوة رجلية وراها وكعت بالكاع وماحسيت علة اي شي بس علة دفرات امي وصياحا كومي لج زبالة كومي يلة سوي لاخوج ولابوج اكل ونضفي للبيت صارت الدنية مغرب يلة كومي ولج يلة كومي

مريم...كمت نضفت وسويتلهم اكل واخذت شوية اكل  ومي بدون لا احد يدري بية وجبت منضفات ومكناسة ونجانة مال مي ونظفت المخزن ونتظرتهم ينامون لحتة اخذ فراش وبطانية ومخدة واخذت ملابس شوية وحطيتهم جوة بالمخزن لانو اني علة يقين انو اني بعد مستحيل ترجع حياتي مثل قبل.....يتبع وللمأساة بقية

🌷