بسمة أمل( إسكريبتس)

كذب في كذب

السلام عليكم ورحمة الله وبركاته 😍
صلوا على شفيع الامه نبينا محمد افضل الخلق 💓

لو الدنيا جات عليك قوم صلي وارمي حمولك على ربنا وادعيله هو مستنيك ترفع ايدك في كل وقت  وهتتحل متقلقش  🤩💗
مهما كانت حالتك دلوقتي قول الحمد الله  💝😉
نخش في صلب الموضوع على طول  😘😘

الاب بهدوء : فلوس شهر السنتر ( كذا دروس في مكان واحد ) بتاعتك كام ياكريم  !!

كريم بتفكير :  800 جنيه ياحج .

الاب وقد اخرج المال من جيبه : خد يابني  .

كريم بفرحه  : متشكرين ياحج

وخرج من البيت ليقابل أصدقائه وبعد مده وصل اليهم  .

حسين  : شكلك فرحان النهارده  ...  اي اللي حصل ياسطا  .

كريم  : قلبت من ابويا قرشين حلوين  .

حسين  : ازاي ياسطا  ؟؟

كريم  : كان بيديني شهور السنتر وانا باخد 5 مواد
والماده 120 جنيه... يعني كده 600 جنيه وانا قولتله المواظ كلها 800 جنيه

حسين  : لا صايع يلا  اي الدماغ دي جامد ياعم

كريم  : امال ده انا معلم  .

إبراهيم  : ياعم مينفعش اللي انت عملته ده... يعني لي تكذب علي والدك انت كده خدت ذنب الكذب وكمان  جاي تتباهي انك كذبت عليه 

قال تعالى  :( ومن اظلم ممن افترى على الله كذبا او كذب باياته انه  لا يفلح الظالمون  ) 

حديث النبي صلى الله عليه وسلم  :( عليكم بالصدق فإن الصدق يهدي الى البر وان البر يهدي الى الجنه وما يزال الرجل يصدق ويتحرى الصدق حتى يكتب عند الله صديقا،  واياكم والكذب فان الكذب يهدي الى الفجور وان الفجور يهدي الى النار ومازال الرجل يكذب ويتحرى الكذب حتى يكتب عند الله كذابا  )

.... عملت زي المهاجرين ياكريم اللي ربنا سترهم وهما بيهجروا بالمعصيه وبالذنب اللي عملوه... يعني طلام ربنا سترك في كذبتك او اي معصيه... لي تقولها وتفضح نفسك  !!

كريم بضيق: انا حر ملكش دعوه يا إبراهيم... افضح نفسي مفضحش دي حاجه ترجعلي ميخصكش  ... وبعدين انا بكذب عليه عشان معاملته ليا... انت متعرفش هو بيعاملني ازاي اصلا عشان تقولي كده... بيتعامل معايا
كاني عيل صغير وعاوز يتحكم فيا وخلاص..  روح دروس ، قوم ذاكر  ، متروحش سيبر كتير  ... عاوز يمشيني علي مزاجه وخلاص.. هو مبيدنيش مصروف
الا بمزاجه  .