وانت علشان تخلص مني تقوم تخليني اتجوز تاجر مخدرات ي بابا
بت بقولك اي انا ميهمنيش حد ،اهم حاجه القرش ،وهو دفع كتير الصراحه مش عارف ع اي بس مصلحه ،غوري يلا البسي ولمي هدومك وغوري من هنا
(انا عهد عندي 23سنه ،معنديش اخوات وماما ماتت وانا صغيره وبابا بقا مدمن بعد موتها وكنت بصرف ع نفسي وگ العاده بياخدالفلوس يجيب بيها مخدرات وانا من ساعتها وانا عايشه ف عذاب)
لميت هدومي وانا مش عارفه انا رايحه فين ولا مين الي هتجوزه
انتي ي زفته خلصتي
ايوه
يلا علشان اوصلك ،اهو استريح من وشك
بعد فتره وصلنا البيت ،كان بيت شبه القسم،كله حراسه من بره وكلاب وتفتيش ،هو فعلا قسم بس انا بقت داخله السجن الي ف القسم ده
دخلت البيت بس غريبه أن محدش فتشنا ولا اي حاجه ب العكس خدونا دخلونا من بابا ورا الجنينه علشان محدش يشوفنا ،بس معرفش السبب ؟
اتفضل ي باشا ،البت صاغ سليم اهي ،ايدك ع الفلوس بقا
معرفتش اشوف وشه لانه كان لابس قناع،معرفش لابسه لي بس ميهمنيش كان كل تفكيري ف العذاب الي هشوفه ع ايد الشخص ده
الفلوس اهي واظن تنسي أن ليك بنت من الأساس
طبعا ي باشا
_________
مش عاوزه تعرفي انا مين
بصتله بقرف ،لا مش عاوزه اعرف
براحتك ،بس احب اقولك القواعد مبدائيا
متسأليش عن اي حاجه تخصني أو تخص شغلي ،هيكون ليكي اوضه متطلعيش منها الاكل والشرب هيجوا لحد عندك ،اظن كلامي مفهوم
والمفروض اني اقبل ب ده ،ده سجن مش جواز
قرب مني جدا وبصوت هادئ جدا بس مرعب ،اه سجن لو كان عجبك ،متخلنيش اتعصب لاني لو اتعصبت هتشوفي واحد تاني خالص
(مكنتش عارفه اعيط علي اي ولا اي علي ابويا الي باعني ولا علي جوزي الي معرفش شكله ولا اسمه لحد دلوقتي ،ببساطه الدموع وقفت من كتر الظلم الي بقيت عائشه فيه )
طلعت الاوضه بتاعتي (اقصد السجن بتاعي )
بس تنحت شويه قدام الي انا شوفته ،(الاوضه كان كلها صور لناس شبهي بس بمراحل عمريه مختلفه مره طفله ومره شابه ومره عجوزه ) ،كأني ببص لنفسي ف المرايه واشوف عمري قدامي (مره وانا ف طفولتي ومره وانا ف شبابي ومره وانا عجوزه )
ولقيت صور ليه بس برده ب القناع مع كل البنات دي معرفش هو مين ولا دول مين
وفجأة" وانا سرحانه ف الصور ، الباب اتفتح وطلعت منه واحده شبهي بظبط
يتبع***
#الانعكاس
By:Toka Ashraf 🌸
