غربال الروح

البارت الواحد والخمسين

الروايه "غربال الروح "
بقلم /رحيل القوافي .....
Ghadeer-1997
كضيت اليل صفنه
وكلشي ماكاضي
مدري اهواك، مدري انساك
مدري اشتاك للماضي....

......

ريحان •••

بعد خطبت ثابت اهيس روحي فاركتني جنت اعاين الشفقه بعيون الكل نازك عباس مظهر زكريا حسين.

كل هذول جانت عيونهم تحجي المايحجي السانهم
جنت احاول ابين روحي مامهتمه بخطوبت عباس عدلت

روحي بس خاطر أبين روحي شكثر انه قويه ومايهزني شي لا ثابت ولاعشره مثله هذا جان حجي عگلي

بس روحي وكلبي واكفات على جهه ويضحكن على حالي
شكثر حاولت وحاولت وتالي من عاينته كبالي اتبخر كل الوعود
والحجي الحجيته ومشت عيوني تعاين على طوله الحلو

خلصت خطوبه بفرحت جواهر وكسران كلب عباس وخذلانه من امي الي جبرته على وحده مايحبها وبعمر ماتخيل روحه ايصير وياها فد حجره

انه اكثر وحده اعرفن نظرت عباس لجواهر جان دوم ايحاول يبعدها عنه بس بطريچه مايخلينه انهيس بيها.

بس ماجن متوقع هو راح ياخذها ويعيش وياها العمر كله
صح جواهر حلوه وخوش بت بس الحجي الطلع عليها

خله كل الديره تكرها وماتحب كربها وهي من النوع الساكته ماتحجي ولادافع على نفسها شيحجون عليها تظل ساكته وماتناغش.

اذا كلش تتاذه من الحجي وهاي يعني توصل المرحله بعد ماتكدر تصبر تنزل دموعها وتظل تبجي.

انه اكولن عليها جبانه ماحبن طبعها ضعيفه وبسبب ضعفه استغلها زوج خالتها عبن ماتحجي ولاتشكي الحد

بخطوبت عباس اجوي اهلي وغررت اروحن وياهم
جان هذا احسن حل الي جنت اريدن ابتعد شوي

وارتاح بس اكو خوف بكلبي وهي الستعجال جنت اخافن اروح وخالد يضغط عليه وانه مكسوره منا.

اخافن بساعة غضب وشوگ الثابت وغهر ارضه بي.

رغم مخاوفي مشيت وياهم والدرب طويل جان السكوت سيد الموقف رائد بالكوه ياله رضئ يجي.

جنت اعاين عيونه شلون تنظر على نازك وشلون يتحولن حمر من الغضب
من يعاين مظهر واكف يمها لو من عدل عبايتها على راسها.

جان يضغط بسنونه حيل وكوه مصبر روحه جنت اهيس مظهر على الغصدني هج يسوي كل شوي ومتكرب من نازك

وهذا ايظل يطحن بروحه طحن لو بيده ايشيل مظهر ويركعه بالكاع ...

.... وصلنه بغداد وجان فايت وكت والدنيا ليل جانت كلش حلوه هادئ وكلها اضويه بحيث الكمر ضواء ضايع.

المحلات والنشرات ضايفات جمال للديره مالتهم
والبنات الشكال والوان وكل وحده اتكل للثاني
انه مشلحه اكثر منج.