💕أنت قلبي٢💕

الحلقة ٨١

#انت_قلبي٢
#بوسي_مصطفى
_____________
الحلقة ٨١

مليكة واقفه وهتحدف الورد.
وسيف بيصقف لها وبيصفر.
مليكة بتبتسم ليه وبعدها تحدف الورد.
ليلى تلحقه قبل ما يوقع..
ملك : هههههههههههه كنت همسكه خلاص.
ليلى : هههههههههههه نادين بقى أحق بيه مني.
نادين : لا يا حبيبتي اللي مسكه هو اللي ياخده..

سيف : بقول كفاية كده و نروح بيتنا بقى.
مليكة : استنى شوية يا سيف.
سيف : استنى ايه بس يا حبيبتي اقعدي استريحي
وانا خمسه و راجعلك.

اسر : مفيش مشكلة.
سهر : مش لسه بدري يا سيف؟
اسر : خليهم براحتهم يا سهر.
سهر بحزن : خلاص اللي تشوفه.
سيف ببتسامة : بعد اذنك يا عمي.
ورجع سيف لـ مليكة.

سهر : فيها ايه لما يقعدوا كمان شوية.
اسر : هو شكله مرهق و تعبان خليهم يروحوا شقتهم بقى.
سهر : هو انت عايز تخلص من البنت و خلاص يا اسر؟!
اسر : هههههههههههه
اخلص منها ايه بس يا سهر
انتِ اللي مش عايزة تسبيها تروح بيتها و لو قعدت
لـ تاني يوم برضه هتقولي نفس الكلام.
____________

إياد : اتفضل اتكلم.
عمار : كفايه عناد و مكابره بقى يا إياد رجع ام ولادك و عايز تاخد حقك خده بعيد عن هد بيتك
لو مش باقيه على العشرة مكانتش فضلت تستغل اي فرصه علشان تتكلم معاك
لو بايعه و اسلوبها زيهم مكانتش يا اخي عملت اللي عملته ده
افتكر و لو موقف واحد ليكم مع بعض اظن كفايه بقى كده.
إياد : هتيجي معايا.
عمار : لا روح لوحدك مش همشي معاك.
إياد : خلاص براحتك.
انتظر عمار خروج إياد وبعدها خرج هو كمان.
_____________
بعد شوية... في شقة سيف..
سيف : اممم.. يعني الأكل دا جاي من عند هدى؟
فيروز : و دا عمايل ايدي.
سيف : تسلم ايدك يا روزه.
ياسمينه : طبعا عرفت دا من عند مين؟
سيف ببتسامة : اكيد من عندك يا سمسمه.
يبقى دا اكل دودو و دا اكل روزه دا أكل سمسمه و دا بتاع حماتي
يبقى دي ميزانية الشهر كله و بكده وفرت مرتب الشهر ده  بفكر احجز
بقى في الاوتيل اللي كان نفسي اقضي فيه شهر العسل.
ههههههههههههه
ياسمينه : طب دوق.
سيف : ادوق ايه؟
هدى : دوق بس الكباب اللي انا عملاه... حكااااية معتز عجبه اوي اصل انا عاملاه بطريقه لسه حيباها من على اليوتيوب امبارح بس.
فيروز : لا يدوق الحمام اللي انا عملاه بالسمن البلدي يجنن
عجب وليد برضه.
سيف : انتو بتتكلموا بجد عايزني اقعد أكل فعلا؟!
ياسمينه : لا دوق بس و قولنا رأيك.
سيف : بكره هقولك رأيي الليلة يعني صعب و بعدين الوقت اتأخر انتو مش هتروحوا و لا ايه؟
ياسمينه : يلا يا سهر جوز بنتك بيطردنا من بيته خلاص
يا حبيبتي مبقاش لينا لازمه بعد ما كبرناه وعلمناه وجوزناه
بيكافئنا دلوقت!
سيف : هههههههههههه بتسخني حماتي عليه مش كده؟!
و كمان في ليلة زي دي
اوك يا ياسمين هعديها بس الليلة علشان انا عايزها
تعدي على خير.
ياسمينه : تصبح على خير يا سوفه
ههههههههههههه
هدى تهمس لـ سيف يخبطها في كتفها.
هدى بتضحك : هههههههههههه
فيروز : اموت و اعرف كنتي بتقوليله ايه؟!
سيف : يبقى مش هتعرفي.
هدى : لا عادي على فكرة أنا ممكن اقولها.
سيف : كده يبقى اتفضلوا بقى حصلوا اختكم.
هدى : هي بقيت كده ماشي يلا يا فيروز.
فيروز : يلا يا بنتي احنا اصلا مش عايزين نبات عنده.
سيف : تباتوا !
ههههههههههههه
فيروز : على فكرة أنا لو قولت لـ مليكة هترحب جدا وتبيتني في اوضة نومك كمان.
سيف : ها ها ها ها
مليكة مين يا حبيبتي انا راجل البيت هنا.
هدى : طب ادخل اقولها؟
سيف : لا علشان خاطري بلاش الليلة أصلها ما هتصدق وهتشبط علشان حد يبات معاها.
فيروز : هههههههههههه يلا يا هدى شكلنا تقلنا عليهم.
سيف : لا بجد...
ما تقعدوا كمان شوية.. عادي مفيهاش حاجه.
هدى : طب اقعدي يا فيروز.
سيف : كنت بهزر يا جماعه ايه مالكم واخدين الأمور جد كده؟؟!
هدى : هههههههههههه
طب تصبح على خير يلا يا روزه.
فيروز : تصبح على خير يا عريس.
سيف ببتسامة : متشكر خدي بس الباب وراكي.
فيروز : حماتك لسه جوه خد بالك.
سيف : ايوه صح طب انزلي انتِ بقي.
فيروز ببتسامة وتشاورله : سلام.