احببتها منذ الصغر

البارت 8

دخل عمار للبيت واجه گعد يمي وگال..

:لا تخاف نور ما بيها شي

: اي الحمد الله

:بس انت بيك شي

من گال عمار هيج انا رفعت راسي للسماء ونزلن دموعي
عمار نصدم وگال..

: عدنان خوفتني گول شبيك

: اوك راح اگول بس اوعدني يبقى الموضوع بينه

: اي اكيد اوعدك يله گول

: انا احب نور

: شنو..

: اي واليوم رحت الها للكلية وگتلها انا معجب بيج وگتلها خلي هاي السنة تعارف
ورفضت

: اذا انت تحبها اخطبها

: اي گتلها وگالت اني بس مرتين شايفتك شلون تريد نتزوج

:امممم

:هااا شنو اسوي هسه

:اي خليها تحبك

:شلون

: دائما روحلها للجامعة واحچي وياها وخليها تنعجب بيك مع انو انا متأكد هي تحبك

: اوك يله اني راح ابدي بالخطوة الأولى

:شلون

:راح اتصل بيها واحچي وياها

:عندك رقمها

:لا راح اخذه من سارة

:اوك اخذه هسه من سارة لان باچر راح ترجع لبيت زوجها

:اوك يله تصبح على خير
:وانت من اهلو
_________________

رجعنة من المستشفى وصعدت الغرفتي ونمت على سريري بعدين خلود گالت..
:اجيب شي تاكلينه
:لا خلود اريد انام
:اوك اني راح اكل
:اوك

طلعت خلود من الغرفة واني غمضت عيوني حتى انام بس سمعت رنه موبايلي شفته رقم غريب فصلت المكالمة لان تعبانة وماريد احچي ويه احد ورن مرة ثانية
جاوبت وگلت..

:الو

:شلونج

:منو حضرتك

:جاوبيني على سؤالي بعدين اگلج منو انا

:تفضل شنو سؤالك

:شلون وگعتي ونكسرت ايدچ يعني چنتي تفكرين بيه

:ليش اني اعرفك حتى افكر بيك وبعدين شلون عرفت انو ايدي مكسوره

:اي انتي تعرفيني

:منو انت

:معجب مهووس

:هاا هسه عرفت منو انت

:اي منو انا

:عدنان

:فديتج

:لك شگد متستحي شلون تتجرأ تتصل بيه

:ليش غير احچي ويه حبيبتي

:هاا شوكت صرت حبيبتك