عدسة بارام

سوالف مع لينورا

ملاحظه صغيرة جدا قبل البدء
هذا الفصل ساكتبه باللهجة العراقية لكن لا تقلقوا ففي نهايته سأوضح معاني الكلمات التي تختلف اختلافاً كبيراً عن العربية الفصحى و لمن لم يقم بقراءة الرواية لا تقرأ هذا الفصل قد يحتوي حرقاً للأحداث هذا فقط ، استمتعوا !!!!

تعديل:- في نهاية الفصل وضعت اغلفة الرواية التي قبل  الغلاف الحالي و كانت من تصميمي لكن هذا من تصميم متجر ماريتيما
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°

هيلوووووووووووو 😂✋

شلونكم ؟ 😁

منو اشتاق لهاي الرواية ؟💭

جنت مقررة انشر هذا الفصل لمن يعلنون نتائج مسابقة المحظوظ بس بما أنه هم اتأخروا فقررت انشره اليوم 😉

بهذا الفصل قررت اسولف عن الرواية و الأفكار اللي جنت مقررة أسويها بس ما كدرت و بعض الأمور الأخرى 😗

اول شي جنت مقررة اسوي:  أنه اخلي ماري ( اللي هي الضحية ) عايشة و ما اكتلها و اخليها تلتقي بلينك بس هي فاقدة الذاكرة أو تتظاهر أنه هي فاقدة الذاكرة بسبب التهديد من قبل جان و لورين و تشتغل جاسوسة عندهم بس بعدين شفت الفكرة مكررة و مستهلكة فبقيت الوضع على حاله (أنه هي ميتة)

ثاني شي جنت مفكرة بي أنه اكتل سيزاكي بنهاية الأحداث ، ليش؟
جنت مفكرة اسوي مواجهة بين جان و لينك و ضحيتها سيزاكي و بالنهاية يتغلب عليهم لينك و الشرطة اللي وياه و يلقون القبض عليهم و تفض السالفة بس ما حصلت وكت حتى اسوي هذا لأن اخر موعد للاشتراك بالمسابقة قرب و اني ما عندي وقت حتى اسوي كل هذا لهذا اختاريت ابقي سيزاكي و انهي الأحداث بهاي الطريقة و اخلي هو اللي جان يروي الأحداث

ثالث شي و هو صادم شوية 😂😂😂

جنت مقررة اخلي نيكولاس (صديق سيزاكي) متعاون ويه جان و يعرف مكان لين (زوجة لينك) و يخطفها بس بعدين سحبت على الفكرة 🙂

فكرة أنه سيزاكي يشتغل بمطعم حتى يراقب بيت لورين جانت وليدة اللحظة و ما فكرت بيها قبل ما اكتب حسيتها حلوة و تقلل من الروتين فسويتها 👌

طبعاً فكرة أنه اكتب رواية و أنزلها على الواتباد جانت قبل ما انزل اول فصل باربع ايام بس !!!🌚👏

جنت متخيلة أنه أول ما أنزل روايتي راح اشوف التعليقات تنزل مثل المطر و المشاهدات فووول (ذكاء خارق🌝) بس بعدين شفت الحقيقة ، Sooo اللي ناوين يبدون أو بدوا بتنزيل أول رواية الهم بالواتباد لتتفاجئون لانه الشي طبيعي و مثل ميكولون (رحلة الالف ميل اتبلش بخطوة💪🚶)