Tagu-taguan
Maliwanag pa sa buwan
Ganyan ang aking nararamdaman
Na hanggang ngayon ay hindi mo nalalaman
Pagbilang kong tatlo
Sana'y mabatid mo
Na ikaw lamang ang itinatangi ko
Isa, dalawa, tatlo...
Ako sana'y dinggin mo
Tagu-taguan
Sa ilalim ng liwanag ng buwan
Doon ko sayo ipinaalam
Ang aking nararamdaman
Pagbilang kong tatlo
Bakit bigla kang lumayo?
At ako'y iniwan mong luhaan at bigo
Isa, dalawa, tatlo...
Ngayo'y nalaman ko
Nagkamali ako
Na ikaw ang minahal ko
Tagu-taguan
Kasing lamlam ng sinag ng buwan
Ganyan ang aking naramdaman
Simula nang ako'y iyong iwan
Pagbilang kong tatlo
Ikaw sana'y malimot ko
Gayundin ang nararamdaman ko
Na kay tagal kong itinago
Isa, dalawa, tatlo...
Sana'y sa pagdilat ko
Ang alaala mo
Ay tulad na lamang ng mga ordinaryo
--𝒜𝓃ℊℯ𝓁 ℐ𝓃𝒻𝒾𝓃𝒾𝓉𝓎🦋
