ماضي لا ينتهي

الحلقة ٩٠

#ماضي_لا_ينتهي
#بوسي_مصطفى
______________
الحلقة ٩٠

في المستشفى.
زينة : اهدي يا أميرة علشان خاطري.
أميرة : خايفه اوي على ليان يا زينة دي يا حبيبتي كانت لسه بتلعب في الجنينه وقالتلي هاجي اساعدك يا ميرو لاقيت عُمر داخل لوحده بقوله ليان فين قالي واقعه في الأرض انا مش في دماغي خالص إنها متعوره
انا قولت يمكن بيلعبوا واتكعبلت ووقعت معرفش إنها خرجت بره البيت دا انا دايماً انبه عليهم البوابة متتفتحش و دايماً أنا و سيف نقفلها معرفش ايه اللي نساني المرادي.
هيثم : اهدي يا ام عُمر و ادعيلها تقوم بالسلامة.
زينة : هو اللي اسمه تامر دا لسه مجاش؟
هيثم : اتصلت بيه علشان الدكاترة طالبين باباها او
حد من اخواتها
و طبعا مش موجود غير الاستاذ تامر.
أميرة : المهم إنه يجي.
زينة : أميرة سيف بيتصل.
اميرة بتبكي : ارد اقوله ايه يا زينة؟
منصور : هاتي يا أميرة انا هكلمه.
أميرة : اتفضل يا عمي.
ثروت : خير يا جماعه متقلقوش اقعد يا هيثم.
هيثم لوالده :"انا مش عارف اتلم على اعصابي اصلا علشان اقعد.
ثروت : اقعد بس وبطل الكلام دا انت مش شايف مرات ابن عمك عامله ازاي؟!
هيثم يهمس لوالده : انا كمان خايف يا بابا بس بحاول اطمنها.
ثروت : ادعيلها يا ابني مفيش في ايدنا حاجه غير الدعاء.

منصور لـ أميرة : سيف بيقولك قدامه نص ساعة و يوصل البيت انا قولتله إنك سايبه التليفون معايا.
هو عمال يسألني و انا اتهرب منه وادخله في حوار تاني مش عايزة يعرف حاجه علشان يركز في الطريق و هو جاي.
ثروت : عين العقل يا اخويا.
تامر جاي : سلام عليكم.
يرددوا : وعليكم السلام.
قام هيثم مع تامر دخلوا لـ الدكتور اللي بيتابع حالة ليان.
__-_____________

في منزل والد هيثم..
رانيا تقوم هيثم من النوم : هيثم اصحى انا سامعه البوابة بتتفتح.
هيثم : بوابة ايه بس يا رانيا انا قافله البوابه بـ ايدي.
رانيا : انا عارفه بقى قوم شوف مين تحت.
هيثم يقوم يغير هدومه وينزل تحت يتفاجيء بـ مامته
و يحيي.
يحيي : ادخل يا هيثم.
حنان بحده : يدخل فين مش واقف في صف الهانم بتاعته خليه يشبع بيها.
يحيي نظر لـ مروة اللي اخدت بعضها وطلعت شقتها.
يحيي : ادخل يا هيثم.
هيثم : ادخل اعمل ايه يا يحيى؟
نزلت بس اشوف مين اللي تحت لاني قافل البوابة

يحيى : اصل ماما تعبت شوية وطلبت تنزل القاهرة.
حنان : ايوه مفيش احلى من بيت الواحد
ايه رجعت وراها جري ما كنت تسيبها تخبط دماغها
في الحيط.
هيثم : طبعا الكلام دا على رانيا يا ماما؟!
حنان : ايوه على السنيوره بتاعتك.
هيثم : ممكن بس يا ماما اعرف حضرتك ليه قالبه على رانيا بالشكل دا؟
مع إنها معملتش حاجه وحشه وطول عمرها مع حضرتك
و دايما ايدها في البيت.
حنان : انت برضه بتردد نفس كلامها؟
يا حبيبي مش عايزة من حد حاجه انا لسه بصحتي اقوم واكل نفسي و لو تعبت هجيب واحدة تخدمني سامع انت
و هو
واحدة غريبه مش مرات ابني تذلني و ابني ينزل هو كمان يفكرني إن مراته كانت بتساعدني اصل انا مشلتكوش في بطني ولا تعبت و انا بخلفكم و لا طلعتوا عيني في تربيتكو علشان تيجي تقولي الكلمتين اللي ملهمش لازمه دول.
يحيى : يا ماما يا حبيبتي هيثم يقصد إن رانيا كويسه مع حضرتك و دا شيطان دخل بينكم.
حنان : لا يا حبيبي انا فاهمه اخوك كويس هي مسخناه بكلمتين ونازل بقى يقولهوملي
على العموم خليها عندها مشفش وشها هنا ولا رجلها تعتب عتبة البيت دا.
هيثم : ما هو دا اللي هيحصل يا ماما لو هي حتى صممت تنزل انا مش هنزلها و كمان اقول لحضرتك انا هاخد مراتي وولادي ونشوف مكان تاني نعيش فيه.
حنان : بالسلامة يا حبيبي والقلب دعيلك انت فاكرني هقوم امسك فيك واعيط واقولك اوعى تسيبني لأ يا حبيبي مش هيحصل.
هيثم : تمام.. سلام انا بقى.
يحيى : استنى يا هيثم.
حنان : لا اطلع اتكلم معاه بره علشان انا عايزة انام وخد ولاد اخوك معاك.
تقى : انا كمان مش هنزل هنا تاني.
حنان : بالسلامة انتِ كمان يلا قاعد ليه حصل اختك.
قام ياسين و خرج مع تقى.
يحيى : ايه اللي بيحصل دا يا ماما والعيال ذنبها ايه بس؟!
حنان : اسمع انت كمان لو مش عاجبك اعمل زي اخوك وشوف مكان تاني اقعد فيه.
يحيى : لا يا ماما انا هقفل شقتي و اسافر مش هستنى هنا وميعاد السفر هقدمه كمان.
حنان : اعمل اللي تعمله اطلع بقى علشان عايزة انام.
___________