بسمة أمل( إسكريبتس)

أول مايحاسب عليه العبد يوم القيامة

السلام عليكم ورحمة الله وبركاته 😍
صلوا على شفيع الامه نبينا محمد افضل الخلق 💓
لو الدنيا جات عليك قوم صلي وارمي حمولك على ربنا وادعيله هو مستنيك ترفع ايدك في كل وقت وهتتحل متقلقش 🤩💗
مهما كانت حالتك دلوقتي قول الحمد الله 💝😉
نخش في صلب الموضوع على طول 😘😘

بعدما أذن المؤذن لصلاة العصر ذهب كثير من الناسليصلوا والبعض الاخر لم يذهب منشغلون بأعمال الدنيا...
ولكن مالاهم الدنيا الفانيه ام الاخره الباقيه.

في أحد المنازل :

الام : يلا كله يقوم يصلي... وسيبوا موبايلاتكم مش هتطير.... الصلاه اهم .

نهي وقد تركت هاتفها : حاضر ياماما... وعندك حق الموبايل مش هيطير...الصلاه اهم هي اللي هنتحاسب عليها... اما الموبايل يتمسك في اي وقت.

نهله : دقيقتين بس ياماما... هخلص المذاكره وهقوم .

الام : يانهله صلي الاول... وبعدين ارجعي لمذاكرتك المهم تكوني صليتي وقلبك مرتاح وبعدين تفضي للمذاكره بقا وتذاكري وانتي بالك مش مشغول بحاجه ياحبيبتي

قد قال: (إِنَّ الصَّلاةَ كَانَتْ عَلَى الْمُؤْمِنِينَ كِتَاباً مَوْقُوتاً)

نهله : حاضر هقوم اهو

الام : وانت ياانس مسمعتش الاذان...مقومتش اتوضيت ونزلت تصلي ليه !!

أنس : لا هكمل المسلسل الاول ولما يخلص ابقي
انزل اصلي.

الام : ياحبيبي صلي الاول وبعدين ارجع اقعد علي الموبايل... الصلاه اهم.

قال رسول الله صلى الله عليه وسلم: (أَرَأَيْتُمْ لو أنَّ نَهْرًا ببَابِ أَحَدِكُمْ يَغْتَسِلُ منه كُلَّ يَومٍ خَمْسَ مَرَّاتٍ، هلْ يَبْقَى مِن دَرَنِهِ شيءٌ؟ قالوا: لا يَبْقَى مِن دَرَنِهِ شيءٌ، قالَ: فَذلكَ مَثَلُ الصَّلَوَاتِ الخَمْسِ، يَمْحُو اللَّهُ بهِنَّ الخَطَايَا).[٥]

أنس بملل :خلاص بقا ياماما الحته دي مهمه اوي شويه كده وهقوم.... سيبيني بقا.

اتجهت الام ونهي لتصليان وانشغل كل من نهله وانس في أغراضهم...وبعد وقت قامت نهله لتصلي
وعندما انهت صلاتها اذن المغرب ... وكان انس لم
يلحق الصلاة.

الام بغضب : يعني انا مش قلتلك قوم صلي اول مالعصر اذن ... لازم تستني لما المغرب يأذن عشان
تفكر تقوم تصلي العصر.... اهو دلوقتي هتجمع الصلاتين سوا.

أنس : خلاص بقا...وبعدين انا مبحبش اصلي في الجامع...بحب الصلاه في البيت اكتر.

الام : يعني الناس بيصلوا في الجامع وانت هتصلي في البيت.... وكل خطوه للجامع 27 حسنة.

(صَلَاةُ الرَّجُلِ في جَمَاعَةٍ تَزِيدُ علَى صَلَاتِهِ في بَيْتِهِ، وَصَلَاتِهِ في سُوقِهِ، بضْعًا وَعِشْرِينَ دَرَجَةً، وَذلكَ أنَّ أَحَدَهُمْ إذَا تَوَضَّأَ فأحْسَنَ الوُضُوءَ، ثُمَّ أَتَى المَسْجِدَ لا يَنْهَزُهُ إلَّا الصَّلَاةُ، لا يُرِيدُ إلَّا الصَّلَاةَ، فَلَمْ يَخْطُ خَطْوَةً إلَّا رُفِعَ له بهَا دَرَجَةٌ، وَحُطَّ عنْه بهَا خَطِيئَةٌ، حتَّى يَدْخُلَ المَسْجِدَ، فَإِذَا دَخَلَ المَسْجِدَ كانَ في الصَّلَاةِ ما كَانَتِ الصَّلَاةُ هي تَحْبِسُهُ، وَالْمَلَائِكَةُ يُصَلُّونَ علَى أَحَدِكُمْ ما دَامَ في مَجْلِسِهِ الذي صَلَّى فيه يقولونَ: اللَّهُمَّ ارْحَمْهُ، اللَّهُمَّ اغْفِرْ له، اللَّهُمَّ تُبْ عليه، ما لَمْ يُؤْذِ فِيهِ، ما لَمْ يُحْدِثْ فِيهِ).[١٠]