⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 17 ||
الطبيب : ضغطها استقر نوعا ما .. اما نحتاجو دم .. لانو نزفت بزاف .. زمرتها A+ ( درت زمرة ديالي احم احم .. ) .. نطق عماد الدين بسرعة ..
عماد الدين : نفس زمرتي انا نقدر نمدلها ..
طبيب : نحتاجو دم بزااف .. متأكد معندك حتا مرض ولا مشكل صحي ..
عماد الدين : متأكد ..
طبيب : اتفضل معايا ..
راحو كيفكيف .. نحاولو دك و رجعو .. عماد الدين قعد معا خالو و جدو و طبيب رجع لغرفة العمليات ..
فدار . بعد ما دارت نورا واش قاللها عزيز .. طلعت قعدت معا وردة فصالون لي كانت مدمرة ..
نورا : وردة راكي مليحة ..
وردة : ايه .. اما شكون هاديك البنت ..
ارتبكت نورا معرفتش واش تقول .. خايفة تهدر شي حاجة و تكون عكس واش قاللهم عزيز ..
نورا : كي يجي عزيز راح يفهمنا ..
هزتلها وردة براسها ايه و سكتت .. رجعت غطست فذكرياتها معا خوها ..
فالسبيطار بعد مدة .. خرجوها من غرفة العمليات .. فالحمالة ..
وقف عزيز و حكيم و عماد الدين ..
شافوهم مخرجينها .. خزر فيها عماد الدين .. وجها كان بيض .. شواربها كيفكيف .. تحت عينها زرقة .. مجروحة ففمها ..
هدر فنفسو .. بلا ميحس ..
عماد الدين : سبحان الله ..
اووب نفض الافكار من راسو .. غض بصرو و دار عطاها بظهر ..
كملو طريقهم داوها للغرفة ديالها .. تبعهم عزيز و الجد حكيم .. اما عماد الدين .. راح معا طبيب باش يسجلها و يخلص ..
الطبيب : واش اسمها المريضة ..
عماد الدين : ولله ما نعرفها لقيناها هكاك ..
هزلو الطبيب براسو و قالو ..
الطبيب : كان لازم تكون معاها بطاقة هوية لانو هاكا ممنوع نديرو علينا عملية لمريض مشتبه بيه ..
عماد الدين : كيفاش مشتبه بيه ..
الطبيب : المريضة تعذبت .. و نضربت .. اكثر من يومين مكلات والو لانو ضغطها و سوائل فجسمها نخفضو بزاف ..
عدا يدو على لحيتو مستغرب .. و رجع هدر ..
عماد الدين : واش ممكن يكون صرالها ..
الطبيب : يمكن تعرضت للاغتصاب .. محبيناش نكشفو عليها بدون ارادتها ..
عماد الدين ملقاش واش يقول .. افكار مشوشة فراسو .. سكت هزلو براسو بمعنى ايه و خلص و راح عندهم للغرفة ..
دخل لقاهم قاعدين تما .. و دخل موراه الطبيب ..
الطبيب : ممكن تخرجو نفحص المريضة ..
ناضو خرجو .. اما عزيز طول شوية داخل و هدر معا الطبيب ..
عزيز : دكتور .. دك كي تخرج عيطلي و اديني معاك لمكتبك نسحق ..
الطبيب : علاش ..
عزيز : امر مهم بخصوص المريضة .. اما نفضل ميعرفوش بيه رجال لي برا ..
هزلو الطبيب براسو بمعنى ايه ..
خرج عزيز .. قعد معاهم برا شوية .. بعدها رجع خرج طبيب و هدر ..
الطبيب : ميسيو .. و اشار لعزيز .. ممكن تتفضل معايا ..
عزيز : اكيد ..
راحو كيفكيف للمكتذ تاع طبيب .. عزيز متبسم بشر .. خطتو تمشي احسن من لي خططلها ..
دخل معا طبيب للمكتب و قعدو ..
عزيز : دكتور المريضة غلطت معا واحد .. و لي صرا فيها كيما راك تشوف خوها دارهولها ..
طبيب : كنت متوقع انو غتاصبوها اما محبيتش نكشف عليها قبل ما ندو رايها ..
تبسم عزيز .. يعني لي كان خايف منو مصراش ..
〰️〰️〰️〰️〰️〰️〰️〰️〰️〰️
اوبالاتي 🔥🔥
خلولي تشووو توقعاتكم طوااال عراض .. زعما عزووز الكلبوووش واش راح يدير .. و واش هو مصييير لينوش .. و عماد الدين راح يفيق ولا مزاال ..
جمجمووو كامل الحلقااات ..
تعليقات فالرد ..
#ليلوشة
أنت تقرأ
⚜️ الأسيرة و المتدين ⚜️
Ação⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
