⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 18 ||
رجع هدر عزيز معا طبيب و كأنو يترجا فيه ..
عزيز : دكتور الطفلة غاضتني .. راح نتكفل بيها .. اما اكييد راح تمون نفسيتها تعبانة و راح تعبنا معا لول .. ممكن تمدلي مهدئ يساعدني نهدئها كي تجيها نوبة هلع ..
خزر فيه طبيب و رجع هدر ..
طبيب : قليل وين نمد لمرضى مهدأ بدون وصفة لانو خطير خاصة الا كان تركيزو عالي .. لكن بما انك فاعل خير راح نساعدك ..
ناض طبيب .. توجه لخرانة فمكتبو .. فتحها ..
وعزيز يخزر فيه بشر متوقعش انو راح يقنعو بهاد السهولة كان راح يمدلو دراهم ..
خرج طبيب زوج علب تاع مهدئ و هدر ..
الطبيب : مدلها كل ما تجيها نوبة 2ml برك ..
هزلو عزيز براسو .. و شكرو .. هز فيدو هادوك زوج علب ..
خرج شرا حقنة من فارماسي قريب ليهم و رجع ..
دخل لشومبرا و هدر معاهم ..
عزيز : روحو لدار .. انا راح نتكفل بيها و كي تصحا نرجعها لدار ..
كان راح يهدر عماد الدين و يقول لالا .. اما سبق هدر جدو و قال ..
الجد حكيم : هيه ايا نروحو وليدي انا تعبت ..
خزر فيه عماد الدين كأنو يلوم فيه على هدرتو .. كان حاب يبقا يعرف سر هاد الطفلة و حكايتها .. افكار متناقضة فراسو .. اما جدو حسم الامر ..
ناضو فيزوج .. راحو لطونوبيل و قلعو ..
طول الطريق و عماد الدين سارح .. يحاول يلقا مبرر للقصة .. اما واش سمع من عند طبيب متناقض مع واش سمع من عزيز ..
حس عليه حكيم انو مراهش نورمال .. اما فضل يسكت و ميهدرش ..
فالوقت هاداك لي راحو ..
قعد عزيز وحدو معا لينة .. حط كرسي عند راسها و قعد قدامها ..
حط يدو على شعرها و قد يعدي فيها بلعقل و يهدر و هو متبسم بشر ..
عزيز : خساارة .. كنت نفضل انو نجبد لطريقي .. نرجعك مرتي .. نورا خلاصة صلاحيتها ( طحان رمالها الما ) .. ملي شفتك عجبتيني لكن للاسف وقفتي فطريقي .. و لي يوقف في طريقي يا يقتلني يا نقتلو ..
رما يدو لجيبو .. جبد الحقنة .. و جبد المخدر و رجع هدر ..
عزيز : و للاسف انا لي راح نقتلك ..
وقف .. دخل الحقنة فالقرعة تاع المخدر .. و عمرها كااامل و حقنها فسيروم لي كان مربوط فيها ..
زاد عمر وحدوخرا و زااد حقنها فسيروم لي كان فيدها ..
خلاصتلو العلبة لولة .. رجعها داخل جيبو .. جبد الثانية و بنفس الطريقة حقنها فسيروم لي كان فيدها ..
بعد ما كمل واش دار .. قرب لوذنها و هدر بهمس ..
عزيز : باي باي يا كتكووتة ....
〰️〰️〰️〰️〰️〰️〰️〰️〰️〰️
اوبالاتييي 🔥🔥
ياااا جدكم لينووش راهي فالهاوية .. زعما راح تسلك ؟ و واش لي راح يسلكها .. و عزييز رااح يفيقولو .. زعما يجي طبيب و يفيقلها ؟؟ ولا زعما عماد يرجع و يشوفو ..
اكتبوولي توقعاتكم طوااال عراااض ..
و كل وحدة تخلي تعليق هنا واحد برك باش نجمجملكم كي نحط ..
نروح نتعشا و نولي نزيد نكتبلكم لبارح سمحولي كنت فدار خالتي و خلاصتلي كونكسيون مي ليوم وليت لدارنا نتعشا و نولي نكتبلكم
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
