⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 20 ||
رجع غلق باب غرفتو .. توجه لخزانتو .. رفد قميص بلوو نووي .. لبسو .. عدل شعرو .. و رفد مفاتح سيارتو و خرج .. طلع فطونوبيل و قلع بيها ..
فهاداك الوقت رؤيا شافتو .. تعصبت بزاف .. فهمت انو رايح لعندها لسبيطار .. خاصة انو شافتو كيفاش عاملها صباح قريب هبلت ..
رؤيا : شكون هاد الخامجة يا ربي ..
خبطت رجلها فالارض .. و راحت لغرفتها ..
مسافة نص ساعة و كان وصل لسبيطار ..
لحق عند غرفتها .. فتحها و دخل بلعقل ..
شافها راقدة .. حبط عينو للارض .. مانع روحو انو يدقق فتفاصيلها ولا يخزر فيها ..
دخل قعد فالفوتاي .. و بدا يفكر .. صورتها وقت لي كان يديرلها مساج للقلب .. محبتش تروح من بالو .. هز راسو ينفض فيه مالافكار هادو .. رفد تيليفونو .. و بدا يقرا قرآن منو حتا غفا ..
بعد ما خرج عزيز مالدوش .. لبس حوايجو و حط راسو على فراشو .. صوت المجهول قاعد يتردد فوذنو ..
رجع يفكر شكون ممكن تقولو .. رفد تيليفونو و عيط لواحد من رجالو ..
عزيز : الو ..
الراجل : وي زعيم ..
عزيز : طفلة لي جبناها هاديك الخطرة نسحق تقرير عليها محطوط فمكتبي غدوة صباح ..
راجل : حاضر زعيم ..
عزيز : كل صغيرة و كليرة عليها نسحقها فيه ..
قص عليه لابال و رجع تكسل على فراشو و هدر ..
عزيز : راح نعرفك ..
غمض عينو و بعد معاناة كبيرة غفا هو تان ..
فنص ليل و هو راقد .. فطنو صوتها .. وقت لي سمعها تهدر ..
لينة : مقلت لحتا واحد .. خليني ولله مقلت لحتا واحد ..
ناض مبلاصتو .. خزر فيها لقاها تعرق .. فهم انو راهي تشوف حلم ماشي مليح ..
قرب ليها بلعقل .. صوت خطواتو نفسهم يتعاودو فحلمها ..
لينة : خلوني نخرج .. لالا متقتلووش ..
معا كلمتها لخرا وقف فبلاصتو .. تصدم .. واش راهي تقول هادي .. تبادرو لذهنو افكار .. اما تمتم رجع قدم ليها و حاول يفطنها ..
حط يدو على سرير لي كانت راقدة عليه و بدا يهزو باش تفطن و هدر بلا ميحس ..
عماد الدين : مكاين والو .. راني هنا ( اااه على المتدين الرومنسي ايما قلبي .. ) ..
فاق على روحو .. خذا نفس عميق مفهمش واش صرالو ملي شافها ..
تخربطوو عليه مشاعرو .. ماشي من عادتو يصرالو هاكا .. رغم انو مشافش فيها لاكثر من خمس ثواني .. اما يمكن انو حالتها خلاتو يحس عليها بشفقة ..
رجع هز سرير بقوة .. فطنت .. و عيطت ..
لينة : مااامااا .. طلعت و تقعدت بلا متحس .. و عنقااتو بكل قوتها و غمضت عينيها .. ( طأ طأ طنيييي هههههه 😂 )
〰️〰️〰️〰️〰️〰️〰️〰️〰️〰️
اوبالتي 🔥
خلوو تشو توقعااتكم هنا .. زعما راح يوصل عزيز للمجهوول .. و واش راح يصرا لينة و عمادووش .. ههههه بدا يطيح على راسو سيد و هي مزال مشافتووش كامل ..
خلوو كامل تعليق هنا .. غير نزيد نحط نجمجملكم كالعادة ..
تعلييقات فالرد ..
#ليلوشة
أنت تقرأ
⚜️ الأسيرة و المتدين ⚜️
Action⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
