💕أنت قلبي٢💕

الحلقة ٨٢

#انت_قلبي٢
#بوسي_مصطفى
_____________
الحلقة ٨٢......

في شقة مجدي

رقيه : يلا بقى يا قسمت بتعملي ايه عندك  كل دا؟!
قسمت : حاضر جايه.
رقية تقرب منها وتنظر لـ التليفون.
رقيه بمكر : دا الموضوع واضح إنه كبير اوي.
قسمت تقفل التليفون بـ ارتباك : موضوع ايه؟!
رقية : الاخبار كلها عندك انا اللي مفروض اسأل.
قسمت : تسألي عن ايه؟
رقية : عن الاكونت ده.
قسمت : رقيه هاتي الفون
متهزريش بقولك هاتي الفون هزعل بجد.
رقية : دا ايه الخلفيه دي
ههههههههههههه
دا مبنى كلية الطب..{ادم إيهاب}
{دكتور عقبال ما يجيبوا دكتور}
ههههههههههههه
لا واضح انه بيألش على الكلية بتاعته
ههههههههههههه
قسمت : طب هاتي بقى.
رقيه : جات معاكي صدفه و لا
عملتي سيرش علشان تلاقيها.
قسمت : هتفرق معاكي في حاجه؟!
رقيه : هههههههههههه
ايوه... هتفرق كتير..
قسمت : عملت سيرش وظهرت عندي..
رقيه : عرفتي اسمه منين؟
قسمت : لمحت اسمه مكتوب على الكتاب اللي كان في ايده يوم الخناقه اياها.
رقيه : هههههههههههه
دا انتِ لماحه اوي.
ههههههههههههه.
قسمت : اضحكي براحتك.
رقيه : هههههههههههه

إنتصار : خبط على اختك خليها تيجي تدهن المرهم دا على ضهري.
مروان : انهي واحدة فيهم؟
إنتصار : أي واحدة.
رقية : يعني ايه يا حبيبي انهي واحدة فيهم.. ملناش اسم؟
إنتصار : يا بنتي بطلي مناقره في اخوكي و تعالي ادهنيلي من البتاع ده مش قادرة احرك ضهري.
رقيه : بصراحه يا تيته انا مبعرفش مامي اللي بتعرف.
إنتصار : و هي مامتك لو موجوده هقولك؟!
رقيه : ايوه صح.. خلاص استني لما تيجي مش هتتأخر.
إنتصار :"كده طيب... يا قسمت انتِ يا بنتي تعالي عايزاكي.
قسمت : نعم يا تيته.
إنتصار بفرحه : اهي مامتك جات اهي مش عايزة من حد فيكم حاجه.
تنظر قسمت لـ رقيه و هي مش فاهمه حاجه.
داليا : سلام عليكم
يرددوا : وعليكم السلام.
إنتصار : مجدي مرجعش معاكي و لا ايه ؟
داليا : لأ جه بس جاله تليفون طلع معايا الحاجه لحد باب الشقة و نزل تاني معرفش رايح فين بس تقريباً يعني له علاقة بالمكالمة اللي جاتله.
إنتصار : طب خدوا الحاجه يا بنات حطوها في التلاجه و تعالي يا داليا ادهنيلي البتاع ده ضهري هيموتني.
داليا : بعيد الشر عليكي يا صاصا هدخل بس اغير هدومي و اجي.
إنتصار : بس متتأخريش.
داليا : حاضر.
____________

في قسم الشرطة...
محي (الشاب اللي تم القبض عليه).
يا باشا أنا قولت كل اللي حصل
دا كان غلطه مني ومفروض لما حصل دا كنت وقفت واخدت الدكتور المستشفى وصلحت العربية كمان بس ملحوقه اي تلفيات أنا سداد هخرج حالا اخدها الورشة و ارجعها زي ما كانت.
كريم : ما هي لسه زي ما هي يا استاذ...
محي : محي يا دكتور.
كريم : مين اللي زقك عليه يا محي؟
محي ببتسامة لـ الضابط : زقني عليك يعني ايه لمؤاخذة؟!
كريم : انت فاهم أنا أقصد ايه.
الضابط : محي متلفش و تدور و تعالي دوغري.
محي : ما هو يا باشا انا لو اعرف
حضرته يقصد ايه هقول هنكر ليه؟!
كريم : اسمع يا استاذ...
محي : محي حضرتك.
كريم : دي مش اول مرة تحصل الحكاية دي و علشان كده بسألك مين اللي زقك عليه و متخافش لو عرفتني هو مين
انا مش هعملك حاجه أنا كويس اهو
الحمد لله
و العربية تمام يعني مسامحك بس تقولي مين بقى اللى باعتك ليه؟!
الضابط : ما هو لو متكلمتش الدكتور مش هيتنازل عن المحضر هتشرفنا هنا لحد ما تتعرض على النيابة وبرضه هتقر وتعترف بـ الشخص اللي حرضك على الفعل ده.
محي نظر لـ الضابط و بعدها نظر لـ كريم.